നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • പൊലീസ് സ്റ്റേഷനില്‍ നിന്ന് പുഴയില്‍ ചാടിരക്ഷപ്പെടാന്‍ ശ്രമിച്ച പ്രതിയെ മരിച്ച നിലയില്‍ കണ്ടെത്തി

    പൊലീസ് സ്റ്റേഷനില്‍ നിന്ന് പുഴയില്‍ ചാടിരക്ഷപ്പെടാന്‍ ശ്രമിച്ച പ്രതിയെ മരിച്ച നിലയില്‍ കണ്ടെത്തി

    ലോക്കപ്പ് പൂട്ടിയിരുന്നില്ല. ഡ്യൂട്ടിയിലുണ്ടായിരുന്ന പൊലീസുകാരന്‍ ഫോണ്‍ ചെയ്യാനായി മാറിയപ്പോഴായിരുന്നു പ്രതി ഇറങ്ങി ഓടിയത്.

    • Share this:
      തൊടുപുഴയില്‍ പൊലീസ് സ്റ്റേഷനില്‍(Thodupuzha Police Station) നിന്ന് പുഴയില്‍ ചാടി രക്ഷപ്പെടാന്‍ ശ്രമിച്ച പ്രതിയെ മരിച്ച നിലയില്‍ കണ്ടെത്തി. കോലാനി സ്വദേശി മുപ്പത്തിയെട്ടുകാരനായ ഷാഫിയാണ് സ്റ്റേഷനില്‍ നിന്ന് ഇറങ്ങി ഓടി പുഴയില്‍ ചാടിയത്. അടിപിടി കേസില്‍ പൊലീസ് പിടികൂടി സ്റ്റേഷനില്‍ കൊണ്ടുവന്നതിനിടെയാണ് ഷാഫി സ്റ്റേഷനില്‍ നിന്നിറങ്ങി ഓടിയത്.

      ഇന്ന് രാവിലെ 8.55 ന് ആണ് സംഭവം. നിരവധി കേസുകളില്‍ പ്രതിയായ ഷാഫിയെ കസ്റ്റഡിയിലെടുത്ത് തൊടുപുഴ പൊലീസ് സ്റ്റേഷനില്‍ എത്തിച്ചതായിരുന്നു. ലോക്കപ്പ് പൂട്ടിയിരുന്നില്ല. ഡ്യൂട്ടിയിലുണ്ടായിരുന്ന പൊലീസുകാരന്‍ ഫോണ്‍ ചെയ്യാനായി മാറിയപ്പോഴായിരുന്നു പ്രതി ഇറങ്ങി ഓടിയത്. പ്രതി സ്റ്റേഷനടുത്തുള്ള പുഴയില്‍ ചാടുകയായിരുന്നു.

      കോതമംഗലത്ത് നിന്നെത്തിയ സ്‌കൂബ സംഘം എത്തിയാണ് തെരച്ചില്‍ നടത്തിയത്. മണിക്കൂറുകള്‍ക്ക് ശേഷമാണ് മൃതദേഹം ലഭിച്ചത്. മൃതദേഹം തൊടുപുഴ ജില്ല ആശുപത്രിയിലേക്ക് മാറ്റി.
      തൊടുപുഴ ഫയര്‍ ആന്റ് സെക്യൂ ടീമിലെ സ്‌കൂബ ടീം വണ്ടിപ്പെരിയാറില്‍ പ്രത്യേക ഡ്യൂട്ടിയിലായതിനാല്‍ തെരച്ചില്‍ വൈകി. ഇതോടെയാണ് കോതമംഗലത്ത് നിന്ന് മറ്റൊരു സംഘത്തെ വിളിച്ചു വരുത്തിയത്. ഡ്യൂട്ടിക്കിടെ വീഴ്ച വരുത്തിയ പൊലീസുകാര്‍ക്കെതിരെ നടപടി ഉണ്ടാകും.

      മോന്‍സന്‍ മോഡല്‍ പുരാവസ്തു തട്ടിപ്പ് തൃശൂരിലും : ഏഴ് പേര്‍ അറസ്റ്റില്‍

      തൃശ്ശൂര്‍ : പാവറട്ടിയില്‍ നൂറ്റാണ്ടുകള്‍ പഴക്കമുള്ളതാണെന്ന് അവകാശപ്പെട്ട് വ്യാജ തങ്കവിഗ്രഹം വില്‍പ്പന നടത്താന്‍ ശ്രമിച്ച പ്രതികളെ തൃശൂര്‍ സിറ്റി ഷാഡോ പോലീസും പാവറട്ടി പോലീസും ചേര്‍ന്ന് അറസ്റ്റു ചെയ്തു. 20 കോടി രൂപ വിലവരുമെന്ന് അവകാശപ്പെട്ടാണ് വിഗ്രഹം വില്‍ക്കാന്‍ ശ്രമിച്ചത്. ഒരു സ്ത്രീ ഉള്‍പ്പെടെ 7 പേരെയാണ് പിടികൂടിയത്.

      പാവറട്ടി പാടൂരിലെ ഒരു ആഢംബര വീട് കേന്ദ്രീകരിച്ചാണ് സംഘം പ്രവര്‍ത്തിച്ചിരുന്നത്.തനി തങ്കത്തില്‍ തീര്‍ത്ത വിഗ്രഹം വില്‍പനക്കുണ്ടെന്നും, നൂറ്റാണ്ടുകള്‍ മുമ്പ് കവടിയാര്‍ കൊട്ടാരത്തില്‍ നിന്നും മോഷണം പോയതാണെന്നും, ഇതു സംബന്ധിച്ച് കല്‍പ്പറ്റ കോടതിയില്‍ ഉടമസ്ഥാവകാശം സംബന്ധിച്ച കേസുകള്‍ ഉണ്ടായിരുന്നു എന്നും പറഞ്ഞാണ് വിഗ്രഹം വില്‍പ്പനക്ക് ശ്രമിച്ചത്. ആളുകളെ തെറ്റിദ്ധരിപ്പിക്കുന്നതിനായി നിരവധി വ്യാജ സര്‍ട്ടിഫിക്കറ്റുകള്‍ പ്രതികളുടെ കൈവശം ഉണ്ടായിരുന്നു.

      ആവശ്യക്കാര്‍ എന്ന രീതിയില്‍ ഷാഡോ പോലീസ് സംഘത്തെ സമീപിച്ചു. ഇരുപത് കോടി രൂപ വിലപറഞ്ഞ വിഗ്രഹം, പത്തുകോടി രൂപയ്ക് വാങ്ങാനെന്ന വ്യാജേന ഇടനിലക്കാര്‍ മുഖാന്തിരമാണ് പ്രതികളെ ഷാഡോ പോലീസ് സമീപിച്ചത്.

      സ്വര്‍ണം പൂശിയ വിഗ്രഹവും, വ്യാജമായി തയ്യാറാക്കിയ ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യയുടെ റിപ്പോര്‍ട്ട്, കോടതിയില്‍ നിന്നുള്ള വ്യാജ വിടുതല്‍ രേഖ, തനി തങ്കമാണെന്ന് വിശ്വസിപ്പിക്കുന്നതിനായി റീജിയണല്‍ ഫോറന്‍സിക് ലബോറട്ടറിയുടെ വ്യാജ സീല്‍ പതിപ്പിച്ച രേഖകളും, മൂന്ന് ആഢംബര കാറുകളും പോലീസ് പിടിച്ചെടുത്തു.

      പാവറട്ടി പാടൂര്‍ മതിലകത്ത് അബ്ദുള്‍ മജീദ്, തിരുവനന്തപുരം തിരുമല അനിഴം നിവാസില്‍ ഗീതാറാണി (63), പത്തനംതിട്ട കളരിക്കല്‍ ചെല്ലപ്പമണി ഷാജി (38) ആലപ്പുഴ പള്ളിക്കല്‍ വിഷ്ണുസദനം ഉണ്ണികൃഷ്ണന്‍ (33), എളവള്ളി സ്വദേശി സുജിത് രാജ് (39), തൃശൂര്‍ പടിഞ്ഞാറേകോട്ട കറമ്പക്കാട്ടില്‍ ജിജു (45), പുള്ള് തച്ചിലേത്ത് അനില്‍കുമാര്‍ (40) എന്നിവരാണ് പിടിയിലായത്.

      അറസ്റ്റിലായ ഗീതാറാണിയ്‌കെതിരെ വിദേശത്തേക്ക് ജോലി വാഗ്ദാനം ചെയ്ത് പണം ഈടാക്കിയത് ഉള്‍പ്പെടെ കേരളത്തിലെ വിവിധ പോലീസ് സ്റ്റേഷനുകളില്‍ നിരവധി തട്ടിപ്പുകേസുകള്‍ നിലവിലുണ്ട്.
      Published by:Sarath Mohanan
      First published: