കണ്ണൂരിൽ സിപിഎം പ്രവർത്തകരെ കൊന്ന കേസിലെ പ്രതി 40 വർഷത്തിനുശേഷം പിടിയിൽ

കണ്ണൂരിലെ ഇരട്ട കൊലപാതക കേസിലെ പ്രതി 40 വര്‍ഷത്തിന് ശേഷം പിടിയിലായി. ആർ എസ് എസ് പ്രവർത്തകനായിരുന്ന ബാലുശേരി സ്വദേശി പ്രഭാകരനാണ് പാനൂർ പൊലിസിന്റെ പിടിയിലായത് .

1979 ൽ ചമ്പാട് ദിനേശ് ബീഡി കമ്പനിയിലേക്ക് ബോംബ് എറിഞ്ഞ ശേഷം രണ്ടു പേരെ വെട്ടിയും കുത്തിയും കൊലപ്പെടുത്തിയ കേസിലെ പ്രതിയാണ് പ്രഭാകരൻ. സി പി എം പ്രവർത്തകരായ തടത്തിൽ ബാലൻ, ദാമു എന്നിവരാണ് ആക്രമണത്തിൽ പരിക്കേറ്റ് ചികിത്സയിൽ കഴിയുമ്പോൾ മരണമടഞ്ഞത്.

പാനൂർ പോലീസ് സ്റ്റേഷനിൽ രജിസ്ട്രർ ചെയ്ത കേസിൽ പിടികിട്ടാപുള്ളിയായി മുങ്ങി നടക്കുകയായിരുന്ന പ്രഭാകരൻ പയ്യന്നൂരിൽ വെച്ചാണ് പിടിയിലായാത്.
You may also like:Fact Check | സംസ്ഥാനത്ത് ബിവറേജസ് ഔട്ട്ലെറ്റുകൾ അടച്ചോ? [NEWS]കൊവിഡ് 19: കേരളത്തിലെ 12 രോഗ ബാധിതർക്കും ഇറ്റാലിയൻ കണക്ഷൻ; ആശങ്കയല്ല; വേണ്ടത് പ്രതിരോധം [NEWS]അതീവജാഗ്രത: വിദ്യാഭ്യാസ സ്ഥാപനങ്ങൾക്ക് അവധി; തിയേറ്ററുകൾ അടച്ചിടണം, ഉത്സവങ്ങൾ ഒഴിവാക്കണം [NEWS]

പാനൂര്‍ ഇന്‍സ്പെക്ടര്‍ ടി പി ശ്രീജിത്തിന്‍റെ നേതൃത്വത്തില്‍ സിവില്‍ പോലീസ് ഓഫീസര്‍മാരായ ഷാഷിം, സുരേഷ് എന്നിവർ ഉൾപ്പെട്ട സംഘമാണ് അതിവിദഗ്ദമായി പ്രതിയെ കൂടുക്കിയത്. സൈബർ സെല്ലിന്റെ സഹായത്തോടെയാണ് അന്വേഷണം.

കോടതിയിൽ ഹാജരാക്കിയ പ്രതിയെ രണ്ട് ആഴ്ചത്തേക്ക് റിമാന്റ് ചെയ്തു.​