മദ്യപിച്ച് ബഹളംവെച്ചതിനെ തുടർന്ന് പൊലീസ് കസ്റ്റഡിയിലെടുത്തു; പ്രതി തൂങ്ങി മരിച്ച നിലയിൽ

കോട്ടയം: മദ്യപിച്ച് ബഹളംവെച്ചതിനെ തുടർന്ന് പൊലീസ് കസ്റ്റഡിയിലെടുത്ത പ്രതി തൂങ്ങിമരിച്ചു. കോട്ടയം മണർകാട് പൊലീസ് സ്റ്റേഷനിലാണ് സംഭവം. സ്റ്റേഷനിൽ കസ്റ്റഡിയിൽ ഉണ്ടായിരുന്ന മണർകാട് സ്വദേശി നവാസ് (27) ആണ് മരിച്ചത്.

also read;കോൺഗ്രസ് നേതാവിനെതിരെ ലൈംഗിക ആരോപണം: ഏപ്രിൽ മുതൽ കാണാതായ യുവതിയെ സുഹൃത്തിന്റെ വീട്ടിൽ കണ്ടെത്തി

മദ്യപിച്ച് വീട്ടിൽ ബഹളം വച്ചതിനെ തുടർന്ന് കുടുംബാംഗങ്ങളുടെ പരാതിയിലാണ് പൊലീസ് നവാസിനെ കസ്റ്റഡിയിലെടുത്തത്. മജിസ്ട്രേട്ടിനു മുന്നിൽ ഹാജരാക്കാൻ കൊണ്ടു പോകുന്നതിനു തൊട്ടു മുൻപായിരുന്നു സംഭവം.

പൊലീസ് സ്റ്റേഷനിലെ ശൗചാലയത്തിനുള്ളിലാണ് തൂങ്ങിമരിച്ചത്.സംഭവത്തെ കുറിച്ച് അന്വേഷിക്കാൻ കോട്ടയം എസ്പി സ്പെഷ്യൽ ബ്രാഞ്ചിന് നിർദേശം നൽകി.