• HOME
  • »
  • NEWS
  • »
  • crime
  • »
  • പണമിടപാടിനെ ചൊല്ലി തർക്കം; ഭാര്യയെയും ഭർത്താവിനെയും മുൻ സൈനികൻ പെട്രോളൊഴിച്ച് കത്തിച്ചു

പണമിടപാടിനെ ചൊല്ലി തർക്കം; ഭാര്യയെയും ഭർത്താവിനെയും മുൻ സൈനികൻ പെട്രോളൊഴിച്ച് കത്തിച്ചു

സാമ്പത്തിക ഇടപാടുകളുമായി ബന്ധപ്പെട്ട തർക്കമാണ് ആക്രമത്തിലേക്ക് നയിച്ചതെന്നാണ് സൂചന. വിസ ഇടപാടുമായി ബന്ധപ്പെട്ടായിരുന്നു തർക്കമെന്നാണ് പ്രാഥമിക വിവരം

  • Last Updated :
  • Share this:
    തിരുവനന്തപുരം: പണമിടപാട് സംബന്ധിച്ച തർക്കത്തെ തുടർന്ന് ദമ്പതിമാരെ മുൻ സൈനികൻ പെട്രോൾ ഒഴിച്ച് കത്തിച്ചു. തിരുവനന്തപുരം കിളിമാനൂരിലാണ് സംഭവം. കിളിമാനൂർ പനപ്പാംകുന്ന് സ്വദേശി ശശി ആണ് ദമ്പതിമാരെ അവരുടെ വീട്ടിലെത്തി പെട്രോൾ ഒഴിച്ച് കത്തിച്ചത്. പള്ളിക്കൽ സ്വദേശി പ്രഭാകര പിള്ള (60), വിമലകുമാരി (55) എന്നിവർക്ക് സംഭവത്തിൽ ഗുരുതരമായി പൊള്ളലേറ്റു. ഇരുവരേയും പാരിപ്പള്ളി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

    Also Read- ദൃശ്യം മോഡൽ വീണ്ടും: കോട്ടയത്ത് വീടിന്റെ തലയ്ക്ക് അടിയിൽ യുവാവിന്റെ മൃതദേഹം കണ്ടെത്തി

    ദമ്പതികളെ ആക്രമിക്കുന്നതിനിടെ ശശിക്കും പൊള്ളലേറ്റിട്ടുണ്ട്. ഇയാളുടെ പരിക്കും ഗുരുതരമാണെന്ന് പൊലീസ് പറഞ്ഞു. സാമ്പത്തിക ഇടപാടുകളുമായി ബന്ധപ്പെട്ട തർക്കമാണ് ആക്രമത്തിലേക്ക് നയിച്ചതെന്നാണ് സൂചന. വിസ ഇടപാടുമായി ബന്ധപ്പെട്ടായിരുന്നു തർക്കമെന്നാണ് പ്രാഥമിക വിവരം.

    Also Read- പത്തു വയസുകാരിയോട് ലൈംഗികാതിക്രമം; 41കാരന് 142 വർഷം കഠിനതടവും 5 ലക്ഷം രൂപ പിഴയും

    പെട്രോളുമായി വീട്ടിലെത്തിയ ശശി, പ്രഭാകര പിള്ളയുടെയും വിമലകുമാരിയുടേയും ദേഹത്ത് ഒഴിക്കുകയായിരുന്നുവെന്നാണ് പ്രദേശവാസികൾ പറയുന്നത്. സൈന്യത്തിൽ നിന്ന് വിരമിച്ചയാളാണ് ശശി. ഹോളോ ബ്രിക്സ് നിർമാണ യൂണിറ്റ് നടത്തുകയാണ് പ്രഭാകര പിള്ള.
    Published by:Rajesh V
    First published: