കോവിഡ് ബാധിച്ച മാതാവിനെ ആംബുലൻസിൽ എത്തിച്ചു മടങ്ങിയ മകന് സാമൂഹ്യവിരുദ്ധരുടെ മർദ്ദനം

ഇടുക്കി: കൊവിഡ് സ്ഥിരീകരിച്ച മാതാവിനെ ആംബുലൻസിൽ എത്തിച്ച് മടങ്ങിയ മകന് സാമൂഹ്യവിരുദ്ധരുടെ മർദ്ദനം. ഉടുമ്പൻചോല പഞ്ചായത്തിലെ ചെമ്മണ്ണാർ എഴുമലക്കുടിയിൽ കുമരവിലാസം വീട്ടിൽ കുമരേശനെ (50) ആണ് പ്രദേശവാസികളായ 5 പേർ ചേർന്ന് മർദ്ദിച്ചത്.

ചെമ്മണ്ണാർ എഴുമലക്കുടിയിൽ ഇന്ന് കോവിഡ് സ്ഥിരീകരിച്ച മാതാവിനെ സ്വന്തം ജീപ്പിൽ കയറ്റി ആംബുലൻസിൽ എത്തിച്ച് മടങ്ങിയ മകന് നേരേയാണ് ആക്രമണം ഉണ്ടായത്. തമിഴ്നാട്ടിൽ ഒരു ബന്ധുവിന്‍റെ സംസ്കാരച്ചടങ്ങിൽ പങ്കെടുത്ത് മടങ്ങിയെത്തിയ കുടുംബം ക്വറന്‍റീനിലായിരുന്നു. ഇന്ന് പരിശോധനാ ഫലം വന്നപ്പോൾ മാതാവിന് കോവിഡ് സ്ഥിരീകരിച്ചു.

ഇവരെ ആശുപത്രിയിൽ കൊണ്ടുപോകുവാൻ ആംബുലൻസ് തയ്യാറാക്കിയെങ്കിലും റോഡ് മോശമായതിനാൽ പാമ്പുപാറ വരെ മാത്രമെ എത്താനായുള്ളു. തുടർന്ന് ഇയാൾ സ്വന്തം ജീപ്പിൽ അമ്മയെ കയറ്റി ആംബുലൻസിൽ എത്തിച്ചു.
TRENDING:'ലോകകപ്പിനിടെ അഫ്രിദിയും അക്തറും രക്ഷകരായി'; പാക് താരങ്ങൾ സഹായിച്ചത് ഓർത്തെടുത്ത് നെഹ്റ[PHOTOS]യുവാവിനെ ബന്ദിയാക്കി ഭാര്യയെയും മകളെയും ലൈംഗികമായി പീഡിപ്പിച്ചു; ആറംഗ സംഘത്തെ പൊലീസ് തെരയുന്നു[PHOTOS]Samantha Akkineni | സാമന്ത അഭിനയം നിർത്തുന്നോ? സോഷ്യൽമീഡിയയിൽ വൈറലായ ചോദ്യം[PHOTOS]
മടങ്ങിവരുംവഴി പ്രദേശവാസികളായ അഞ്ച് പേർ ചേർന്ന് വാഹനം തടഞ്ഞുനിർത്തി മർദ്ദിക്കുകയായിരുന്നുവെന്ന് പറയപ്പെടുന്നു. സംഭവം അറിയിച്ചതിനെ തുടർന്ന് ഉടുമ്പൻചോല പൊലീസ് സ്ഥലത്ത് എത്തിയിട്ടുണ്ട്.