• HOME
  • »
  • NEWS
  • »
  • crime
  • »
  • ലോക്ക്ഡൗൺ സമയത്ത് സ്ത്രീകളെ ഉപദ്രവിക്കുന്നവർക്ക് കനത്ത ശിക്ഷ നൽകാൻ മഹാരാഷ്ട്ര

ലോക്ക്ഡൗൺ സമയത്ത് സ്ത്രീകളെ ഉപദ്രവിക്കുന്നവർക്ക് കനത്ത ശിക്ഷ നൽകാൻ മഹാരാഷ്ട്ര

Abuse against Women | "ലോക്ക്ഡൗൺ സമയത്ത് പൊലീസുകാർ തിരക്കിലായിരിക്കുമെന്ന് കരുതിയാണ് ചിലർ സ്ത്രീകൾക്കെതിരെ അതിക്രമം നടത്തുന്നത്. എന്നാൽ അത്തരക്കാർക്കെതിരെ പൊലീസ് കർശന നടപടി സ്വീകരിക്കും,"

News18 Malayalam

News18 Malayalam

  • Share this:
    മുംബൈ: കോവിഡ് 19 മഹാമാരി വ്യാപിക്കുന്ന സാഹചര്യത്തിൽ പ്രഖ്യാപിച്ച ലോക്ക്ഡൗണിനിടെ സ്ത്രീകളെ ഉപദ്രവിക്കുന്നവർക്ക് കനത്ത ശിക്ഷ നൽകാൻ മഹാരാഷ്ട്ര. ലോക്ക്ഡൌൺ നടപ്പിലാക്കിയതുമുതൽ സ്ത്രീ പീഡനം, ഗാർഹികപീഡനം തുടങ്ങിയ സംഭവങ്ങൾ വൻതോതിൽ വർദ്ധിച്ച സാഹചര്യത്തിലാണ് കർക്കശ നടപടികളുണ്ടാകുമെന്ന് മഹാരാഷ്ട്ര ആഭ്യന്തരമന്ത്രി അനിൽ ദേശ്മുഖ് അറിയിച്ചത്.

    "ലോക്ക്ഡൗൺ സമയത്ത് പൊലീസുകാർ തിരക്കിലായിരിക്കുമെന്ന് കരുതിയാണ് ചിലർ സ്ത്രീകൾക്കെതിരെ അതിക്രമം നടത്തുന്നത്. എന്നാൽ അത്തരക്കാർക്കെതിരെ പൊലീസ് കർശന നടപടി സ്വീകരിക്കും," ആഭ്യന്തരമന്ത്രി കൂട്ടിച്ചേർത്തു, "ഇതുസംബന്ധിച്ച നിർദേശം ഞാൻ പോലീസിന് നൽകിയിട്ടുണ്ട്. ശക്തമായതും ശിക്ഷാർഹവുമായ കുറ്റങ്ങൾ ചുമത്തി അത്തരക്കാർക്കെതിരെ കർശന നടപടി സ്വീകരിക്കും"- അനിൽ ദേശ്മുഖ് പറഞ്ഞു.
    You may also like:ഇളവുകളോടെ ലോക്ക് ഡൗൺ തുടരും? ട്രെയിനും വിമാനങ്ങളും ഉണ്ടാകില്ല; അന്തിമ തീരുമാനം ഇന്നറിയാം [NEWS]കോവിഡ് ബാധയെന്ന് സംശയം; യുവാവ് കെട്ടിടത്തിന്റെ ഏഴാം നിലയിൽ നിന്നും ചാടി ജീവനൊടുക്കി [PHOTO]വീട്ടിൽ ഇരുന്ന് ജോലി ചെയ്യുന്നവരുടെ ശ്രദ്ധയ്ക്ക്, കഴുത്തുവേദനയും നടുവേദനയും വരാതിരിക്കാൻ ചില വഴികൾ [NEWS]
    സ്ത്രീകൾക്കെതിരായ ഗാർഹിക പീഡനങ്ങൾ വർദ്ധിച്ചുവരുന്നതിൽ മഹാരാഷ്ട്ര ആഭ്യന്തരമന്ത്രി ആശങ്ക പ്രകടിപ്പിച്ചു. "ഇത് കൈകാര്യം ചെയ്യാൻ ശക്തമായ നിയമങ്ങളുണ്ട്, അത്തരം കുറ്റവാളികളെ നിയമത്തിന് മുന്നിൽ കൊണ്ടുവരുന്നതിൽ ഒരു വീഴ്ചയും വരുത്തില്ല"- ദേശ്മുഖ് പറഞ്ഞു.

    ഒരു സ്ത്രീയുടെ അന്തസ്സിനോ ആദരവിനോ ഹിതകരമല്ലാത്ത ഒരു പ്രവൃത്തിയും വാക്കുകളും പുരുഷൻമാരുടെ ഭാഗത്തുനിന്ന് ഉണ്ടാകില്ലെന്ന് ഉറപ്പാക്കുകയാണ് നിയമപാലകർ ചെയ്യേണ്ടതെന്ന് അദ്ദേഹം ഉപദേശിച്ചു. സാവിത്രിബായ് ഫൂലിന്റെ പാരമ്പര്യത്തിൽ അഭിമാനിക്കുന്ന സംസ്ഥാനമാണിത്. സ്ത്രീകൾ ഇവിടെ സുരക്ഷിതരായിരിക്കണമെന്നും അനിൽ ദേശ്മുഖ് പറഞ്ഞു.
    Published by:Anuraj GR
    First published: