HOME » NEWS » Crime » ATTACK ON THE ACCUSED IN SIX YEAR OLD GIRL MURDERED IN VANDIPERIYAR 1

വണ്ടിപ്പെരിയാർ ആറുവയസുകാരിയുടെ കൊലപാതകം; തെളിവെടുപ്പിനിടെ നാട്ടുകാരൻ പ്രതിയുടെ മുഖത്തടിച്ചു

മാതാപിതാക്കൾ വൈകാരികമായി പെരുമാറാൻ ശ്രമിച്ചെങ്കിലും പോലീസ് ഇവരെ മാറ്റിനിർത്തുന്നതിനിടയിൽ നാട്ടുകാരനായ ഒരാൾ തള്ളിക്കയറി പ്രതിയുടെ മുഖത്ത് അടിച്ചു.

News18 Malayalam | news18-malayalam
Updated: July 11, 2021, 2:21 PM IST
വണ്ടിപ്പെരിയാർ ആറുവയസുകാരിയുടെ കൊലപാതകം; തെളിവെടുപ്പിനിടെ നാട്ടുകാരൻ പ്രതിയുടെ മുഖത്തടിച്ചു
അർജുൻ
  • Share this:
ഇടുക്കി: വണ്ടിപ്പെരിയാർ ആറു വയസ്സുകാരിയുടെ കൊലപാതകത്തിലെ പ്രതിയെ വീണ്ടും തെളിവെടുപ്പിനായി കൊല്ലപ്പെട്ട ബാലികയുടെ വീട്ടിലെത്തിച്ചു. തെളിവെടുപ്പിനിടെ മാതാപിതാക്കൾ വൈകാരികമായി പ്രതികരിച്ചെങ്കിലും പോലീസ് ഇടപെട്ട് മാറ്റി നിർത്തി. എന്നാൽ നാട്ടുകാരനായ ഒരാൾ പ്രതിയെ ആക്രമിച്ചു.

വൻ പോലീസ് സന്നാഹത്തോടു കൂടിയാണ് പ്രതിയെ സ്ഥലത്തെത്തിച്ചത്. പ്രതി കുറ്റകൃത്യം ചെയ്ത രീതി ഡെമ്മിയിലൂടെ പോലീസിന് വിശദീകരിക്കുന്നതിനു വേണ്ടിയാണ് ഇന്ന് പ്രധാനമായും തെളിവെടുപ്പിനായി പ്രതിയെ വീട്ടിലെത്തിച്ചത്. പീരുമേട് ഡിവൈഎസ്പി സനൽ കുമാറിന്റെയും വണ്ടിപ്പെരിയാർ സർക്കിൾ ഇൻസ്പെക്ടർ ടി. ഡി. സുനിൽ കുമാറിൻറെയും നേതൃത്വത്തിലാണ് പ്രതിയെ സ്ഥലത്തെത്തിച്ചത്. വലിയ പോലീസ് സന്നാഹവും ഒപ്പമുണ്ടായിരുന്നു.

മാതാപിതാക്കളും ചില ബന്ധുക്കളും വൈകാരികമായി പെരുമാറാൻ ശ്രമിച്ചെങ്കിലും പോലീസ് ഇവരെ മാറ്റിനിർത്തുന്നതിനിടയിൽ നാട്ടുകാരനായ ഒരാൾ പൊലീസിനിടയിലേക്ക് തള്ളിക്കയറി പ്രതിയുടെ മുഖത്ത് അടിക്കുകയും ചെയ്തു. കഴിഞ്ഞ അഞ്ചിന് കോടതിയിൽ ഹാജരാക്കി റിമാൻഡ് ചെയ്ത പ്രതിയെ എട്ടിന് വൈകിട്ട് പോലീസിന് വിട്ടു കിട്ടിയിരുന്നു. തിരിച്ച് 13ന് വീണ്ടും കോടതിയിൽ ഹാജരാക്കേണ്ടതാണ്.

വണ്ടിപ്പെരിയാറിൽ ആറുവയസ്സുകാരിയെ പ്രലോഭിപ്പിച്ചത് 50 രൂപയ്ക്ക് മിഠായി വാങ്ങി നല്‍കിയെന്ന് കൊലക്കേസ് പ്രതിയുടെ കുറ്റസമ്മതം. വണ്ടിപ്പെരിയാറ്റിൽ പെൺകുഞ്ഞിനെ പീഡിപ്പിച്ച് കൊന്ന കേസിലെ പ്രതിയായ അര്‍ജുനെ, സ്ഥിരമായി മിഠായി വാങ്ങിയിരുന്ന കടയിലെത്തിച്ച് പൊലീസ് തെളിവെടുത്തു. പ്രതിയെ കടയിലുള്ളവർ തിരിച്ചറിഞ്ഞു. കൊലപാതകം നടന്ന ദിവസം ഉച്ചയ്ക്ക് പന്ത്രണ്ടോടെ ഇയാൾ മിഠായി വാങ്ങിയിരുന്നെന്നും അവർ മൊഴി നൽകി.

കുട്ടിയെ പീഡിപ്പിക്കുന്നതിന്, രണ്ടര വര്‍ഷത്തോളമായി അര്‍ജുന്‍ ഇവിടെനിന്നാണ് മിഠായി വാങ്ങിയിരുന്നത്. സംഭവദിവസം കുട്ടിയുടെ വീട്ടില്‍ ആരുമില്ലെന്ന് ഉറപ്പിച്ചതോടെ തിടുക്കത്തില്‍ ഇവിടെയെത്തി മിഠായി വാങ്ങി മടങ്ങി. കടക്കാര്‍ക്ക് സംശയം തോന്നിയില്ല. പലപ്പോഴും ഇതേ തിടുക്കത്തിലാണ് ഇയാൾ മിഠായി വാങ്ങി പോകാറുള്ളതെന്നും കടക്കാര്‍ മൊഴി നൽകി.





Also Read- 'നിർഭയ' മോഡൽ പീഡനം; മലയാളി സ്ത്രീയെ തട്ടിക്കൊണ്ടുപോയി തടവിൽ അതിക്രൂരമായി പീഡിപ്പിച്ചു

തന്റെ നിലവിളി കേട്ടപ്പോള്‍ ആദ്യം ഓടിയെത്തിയത് അര്‍ജുനായിരുന്നെന്ന് കുട്ടിയുടെ സഹോദരന്‍ പറഞ്ഞു. മൃതദേഹ പരിശോധനയില്‍, പീഡനം നടന്നതായി കണ്ടെത്തിയതോടെയാണ് പ്രതിയിലേക്ക്‌ അന്വേഷണം എത്തിയത്. വണ്ടിപ്പെരിയാര്‍ സി ഐ. ടി ഡി സുനില്‍കുമാറിന്റെ നേതൃത്വത്തിലായിരുന്നു തെളിവെടുപ്പ്.

'കണ്ടത് സ്വന്തം മകനെപ്പോലെ; ഉൾക്കൊള്ളാൻ ആവുന്നില്ല'- പെൺകുട്ടിയുടെ അച്ഛൻ

ഇടുക്കി വണ്ടിപ്പെരിയാറിലെ ആറുവയസുകാരിയെ പീഡിപ്പിച്ചു കൊലപ്പെടുത്തിയ കേസ് രാഷ്ട്രീയവത്കരിക്കരുതെന്ന് ഇരയായ കുട്ടിയുടെ അച്ഛൻ. ഡിവൈഎഫ്ഐ പ്രവര്‍ത്തകൻ എന്ന നിലയിലുള്ള ഒരു പരിഗണനയും പ്രതിക്ക് ലഭിച്ചിട്ടില്ലെന്നും മൂന്ന് ദിവസത്തിനുള്ളിൽ പ്രതിയെ പിടികൂടാൻ കഴിഞ്ഞത് പൊലീസിന്റെ മികവാണെന്നും അച്ഛൻ പ്രതികരിച്ചു. പ്രതിക്കു സിപിഎം സംരക്ഷണം കൊടുക്കുകയാണെന്ന് യൂത്ത് കോൺഗ്രസും ബിജെപിയും ആരോപിക്കുന്നതിനിടയിലാണ് കൊല്ലപ്പെട്ട കുട്ടിയുടെ അച്ഛന്റെ പ്രതികരണം. അന്വേഷണത്തിൽ തൃപ്തനാണെന്നും പ്രതിക്കു പരമാവധി ശിക്ഷ കിട്ടണമെന്നും കുട്ടിയുടെ അച്ഛൻ പറഞ്ഞു.

Also Read- ആലപ്പുഴയിൽ മദ്യപിച്ചെത്തിയ പിതാവ് മകളെ കാലിൽ തൂക്കി നിലത്തടിച്ചു

സ്വന്തം മകനെപ്പോലെയാണ് അര്‍ജുനെ കണ്ടത്. ഒട്ടും പ്രതീക്ഷിക്കാത്തതാണു നടന്നത്. അര്‍ജുൻ ഡിവൈഎഫ്ഐയുടെ വലിയ നേതാവൊന്നും അല്ലെന്നും ദുരൂഹത തോന്നിയപ്പോള്‍ പൊലീസ് അന്വേഷണം നടത്തിയതിനാലാണു പ്രതിയെ പിടികൂടാൻ കഴിഞ്ഞതെന്നും അദ്ദേഹം പറഞ്ഞു.

പ്രതി അര്‍ജുന്റെ ഡിവൈഎഫ്ഐ ബന്ധം ഉയര്‍ത്തിക്കാട്ടി പ്രതിപക്ഷ സംഘടനകൾ പ്രതിഷേധം നടത്തിയിരുന്നു. സിപിഎമ്മിനെതിരെ പ്രതിക്ഷനേതാവ് വി ഡി സതീശനും യൂത്ത് കോൺഗ്രസ് സംസ്ഥാന അധ്യക്ഷൻ ഷാഫി പറമ്പിലും രംഗത്തെത്തിയിരുന്നു. എന്നാൽ, മൂവാറ്റുപുഴയിലെ പോക്സോ കേസിൽനിന്ന് ശ്രദ്ധ തിരിക്കാനുള്ള ശ്രമമാണ് യൂത്ത് കോൺഗ്രസ് നടത്തുന്നതെന്നും പ്രതിയെ അറസ്റ്റ് ചെയ്ത ദിവസം തന്നെ ഇയാളെ സംഘടനയിൽ നിന്ന് പുറത്താക്കിയിരുന്നെന്നുമാണ് ഡിവൈഎഫ്ഐയുടെ പ്രതികരണം.
Published by: Anuraj GR
First published: July 11, 2021, 2:20 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories