കോഴിക്കോട് ഓട്ടോ യാത്രയ്ക്കിടെ വയോധികയെ പീഡിപ്പിച്ച് ആഭരണങ്ങൾ കവർന്ന സംഭവം; ഓട്ടോ ഡ്രൈവർ പിടിയിൽ

കോഴിക്കോട്: മുക്കം മുത്തേരിയിൽ ഓട്ടോറിക്ഷാ യാത്രക്കാരിയായ വയോധികയെ ബോധരഹിതയാക്കി പീഡിപ്പിക്കുകയും തുടർന്ന് സ്വർണ്ണാഭരണങ്ങൾ മോഷ്ടിക്കുകയും ചെയ്ത സംഭവത്തിൽ പ്രതി പിടിയിലായി. ഓട്ടോ ഡ്രൈവറായ മലപ്പുറം ജില്ലയിലെ കൊണ്ടോട്ടി സ്വദേശിയായ മുജീബാണ് പോലീസിൻറെ പിടിയിലായത്.

വയോധികയുടെ മൊഴിയുടെയും പ്രദേശത്തെ സി സി ടി വി ദൃശ്യങ്ങൾ പരിശോധിച്ചതിൻറെയും അടിസ്ഥാനത്തിലാണ് പ്രതിയിലേക്ക് പൊലീസ് എത്തിയത്. ഇയാളെ ഇന്ന് കോടതിയിൽ ഹാജരാക്കും.

Also Read- കോഴിക്കോട് യാത്രയ്ക്കിടെ കവർച്ചയ്ക്കിരയായ വയോധികയെ ഓട്ടോഡ്രൈവർ ക്രൂരമായി പീഡിപ്പിച്ചുവെന്ന് മൊഴി

ഈ മാസം രണ്ടിന് രാവിലെ ആറരയോടെയാണ് ഓമശ്ശേരി ഹോട്ടൽ ജീവനക്കാരിയായ സ്ത്രീ ജോലിക്ക് പോകുന്നതിനായി മുജീബിന്‍റെ ഓട്ടോയിൽ കയറിയത്. എന്നാൽ യാത്രയ്ക്കിടെ ഓട്ടോ തകരാറിലായെന്ന് പറഞ്ഞ് നിർത്തിയ മുജീബ്, വയോധികയെ ബോധകെടുത്തുകയും തൊട്ടടുത്തുള്ള കാപ്പുമലയിലെ ആളൊഴിഞ്ഞ പറമ്പിൽ കൊണ്ടുപോയി കൈയ്യും കാലും കെട്ടിയിട്ട് പീഡിപ്പിക്കുകയുമായിരുന്നു. അതിനുശേഷം ആഭരണങ്ങൾ കവർന്നെടുക്കുകയും ചെയ്തു.

Also Read- പട്ടാപ്പകല്‍ വയോധികയെ ബോധരഹിതയാക്കി ആഭരണങ്ങളും പണവും കവര്‍ന്നു; സംഭവം കോഴിക്കോട്ട്

അവശയായ വയോധികയെ തൊട്ടടുത്തുള്ള വീട്ടുകാരാണ് സ്വകാര്യ ആശുപത്രിയിലെത്തിച്ചത്. പിന്നീട് ഇവരെ വിദഗ്ദ്ധ ചികിത്സയ്ക്കായി കോഴിക്കോട് മെഡിക്കൽ കോളേജിലേക്ക് മാറ്റുകയും ചെയ്തു. വൈദ്യപരിശോധനയിലാണ് വയോധിക പീഡനത്തിന് ഇരയായെന്ന് മനസിലായത്.
TRENDING:Gold Smuggling Case | കാണാതായ ഗൺമാൻ കൈത്തണ്ടയിലെ ഞരമ്പ് മുറിച്ച നിലയിൽ; കണ്ടെത്തിയത് വീട‌ിനടുത്തു നിന്നും
[NEWS]സുരക്ഷാ അവലോകനം; രാജ്നാഥ് സിങ് ലഡാക്കിൽ; ചിത്രങ്ങളിലൂടെ
[PHOTO]നിത്യ മേനോന്റെ ലിപ്-ലോക്ക് ചിത്രങ്ങൾ സോഷ്യൽ മീഡിയയിൽ വൈറൽ
[PHOTO]
പ്രതിക്കായി വ്യാപകമായ അന്വേഷണം നടന്നിരുന്നെങ്കിലും ആദ്യഘട്ടത്തിൽ തെളിവൊന്നും ലഭിച്ചില്ല. പിന്നീട് മൊബൈൽ ടവർ കേന്ദ്രീകരിച്ചു നടത്തിയ അന്വേഷണമാണ് പ്രതിയിലേക്ക് പൊലീസിനെ എത്തിച്ചത്. കേസന്വേഷണത്തിനിടെ പ്രതിയുമായി ബന്ധമുള്ളവരിൽ നിന്ന് കഞ്ചാവും പൊലീസ് പിടികൂടിയിരുന്നു.