• HOME
  • »
  • NEWS
  • »
  • crime
  • »
  • Bridge Theft Case | 60 അടി നീളമുള്ള ഇരുമ്പു പാലം 'കടത്തിക്കെണ്ടു പോയി'; പരാതി നൽകിയ ഉദ്യോഗസ്ഥനടക്കം 8 പേർ പിടിയിൽ

Bridge Theft Case | 60 അടി നീളമുള്ള ഇരുമ്പു പാലം 'കടത്തിക്കെണ്ടു പോയി'; പരാതി നൽകിയ ഉദ്യോഗസ്ഥനടക്കം 8 പേർ പിടിയിൽ

പഴക്കം ചെന്നതിനെ തുടര്‍ന്ന് ഉപയോഗശൂന്യവും അപകടാവസ്ഥയിലായിരുന്ന പാലമാണ് പട്ടാപ്പകൽ കടത്തിക്കൊണ്ടുപോയത്

Image Credits : ANI

Image Credits : ANI

  • Share this:
    ബിഹാറില്‍ (Bihar) ഉപേക്ഷിക്കപ്പെട്ട നിലയില്‍ കിടന്നിരുന്ന ഇരുമ്പുപാലം പാട്ടാപ്പകല്‍ കടത്തിക്കൊണ്ടുപോയ കേസിൽ (Iron Bridge Theft Case) സർക്കാർ ഉദ്യോഗസ്ഥനടക്കം എട്ട് പേർ പിടിയിൽ. സംഭവത്തെ കുറിച്ച് പോലീസില്‍ പരാതി നല്‍കിയ ജലസേചന വകുപ്പിലെ സബ് ഡിവിഷണല്‍ ഓഫീസർ അടക്കമുള്ളവരാണ് പോലീസിന്റെ പിടിയിലായത്. ഇവരിൽ നിന്നും ഒരു ജെസിബിയും 247 കിലോ ഇരുമ്പ് അവശിഷ്ടങ്ങളും പോലീസ് കണ്ടെടുത്തു.

    ദിവസങ്ങൾക്ക് മുമ്പാണ് റോത്താസ് ജില്ലയിലെ അമിയാവർ ഗ്രാമത്തിൽ നിന്നും ഇരുമ്പുപാലം മോഷ്ടാക്കൾ കടത്തിക്കൊണ്ടുപോയത്. ജലസേചന വകുപ്പിലെ ഉദ്യോഗസ്ഥരാണ് എന്ന വ്യാജേന സ്ഥലത്തെത്തിയ ഇവർ മൂന്ന് ദിവസമെടുത്താണ് ജെസിബിയും ഗ്യാസ് കട്ടറും ഉപയോഗിച്ച് പാലം പൊളിച്ചുകടത്തിയത്. ജലസേചന വകുപ്പിലെ ഉദ്യോഗസ്ഥരാണ് എന്ന് വിശ്വസിച്ച് നാട്ടുകാരും പ്രാദേശിക ഭരണകൂടവും പാലം കടത്തുന്നതിന് മോഷ്ടാക്കൾക്ക് എല്ലാവിധ സഹായവും നൽകിയിരുന്നു.

    അരാ കനാലിന് കുറുകെ 60 അടി നീളത്തിൽ നിർമിച്ച പാലം 1972 യാത്രക്കായി തുറന്ന് നൽകിയത്. പഴക്കം ചെന്നതിനെ തുടര്‍ന്ന് ഇതിലൂടെയുള്ള യാത്ര അപകടകരമായതിനാൽ നിർത്തിവെച്ചിരുന്നു. ഇതിനിടെയാണ് ഏവരെയും അമ്പരപ്പിച്ചുകൊണ്ട് പട്ടാപ്പകൽ പാലം കടത്തിക്കൊണ്ടുപോയ സംഭവമുണ്ടായത്. ആദ്യം മോഷണസംഘത്തിന് സഹായം ചെയ്ത നാട്ടുകാർക്ക് പിന്നീട് സംശയം തോന്നുകയും ഇതേ തുടർന്ന് പൊലീസിന് നൽകിയ പരാതിയിന്മേൽ നടത്തിയ അന്വേഷണത്തിലാണ് പ്രതികൾ പിടിയിലായത്.

    Also read- Arrest | പോലീസിന്റെ ചോദ്യം ചെയ്യലില്‍ പതറി; ബൈക്കില്‍ കറങ്ങി നടന്ന യുവാക്കളെ മയക്കുമരുന്നുമായി പിടികൂടി

    കടത്തിക്കൊണ്ടുപോയ പാലത്തിന്റെ അവശിഷ്ടങ്ങള്‍ പ്രതികള്‍ ആക്രിവിലയ്ക്ക് വിറ്റതായാണ് പോലീസ് പറയുന്നത്. സംഭവത്തില്‍ പങ്കുള്ള സബ് ഡിവിഷണല്‍ ഓഫീസര്‍ മോഷണം ആരംഭിച്ച ദിവസം മുതല്‍ അവധിയില്‍ പോയിരുന്നു. മോഷണവുമായി ബന്ധമുണ്ടെന്ന കാര്യം പുറത്തറിയാതിരിൻ ഇയാൾ അസുഖമാണെന്ന് പറഞ്ഞ് അവധിയെടുക്കുകയായിരുന്നെന്നും പോലീസ് പറഞ്ഞു. മോഷണസമയത്ത് ഒരു സര്‍ക്കാര്‍ എഞ്ചിനീയർ സ്ഥലത്തുണ്ടായിരുന്നതായും റിപ്പോര്‍ട്ടുകളുണ്ടായിരുന്നു. ഇതേക്കുറിച്ചും പോലീസ് അന്വേഷണം നടത്തുന്നുണ്ട്.

    Laptop Thief | വഞ്ചിച്ച കാമുകിയോടുള്ള പ്രതികാരം; മെഡിക്കല്‍ കോളേജുകൾ കേന്ദ്രീകരിച്ച് ലാപ്ടോപ്പ് മോഷണം നടത്തിയ യുവാവ് പിടിയിൽ

    രാജ്യത്തെ മെഡിക്കല്‍ കോളേജുകൾ കേന്ദ്രീകരിച്ച് ലാപ്‌ടോപ്പ് മോഷണം (Stealing Laptops) നടത്തിയ തമിഴ്‌നാട് (Tamil Nadu) സ്വദേശി ചെന്നൈയില്‍ പിടിയിൽ. കെ തമിഴ്‌സെല്‍വന്‍ എന്ന 25കാരനെയാണ് വാഷര്‍മെന്‍പേട്ട പൊലീസ് (Police) സംഘം പിടികൂടിയത്. തിരുവാരൂര്‍ ജില്ലയിലെ പുലിവലം സ്വദേശിയാണ് ഇയാള്‍. മെഡിക്കല്‍ വിദ്യാര്‍ത്ഥിയായ തന്റെ കാമുകിയോടുള്ള പ്രതികാരമായാണ് ഇയാള്‍ ലാപ്‌ടോപ്പുകള്‍ മോഷ്ടിക്കാന്‍ ആരംഭിച്ചത്.

    ഒരു കോടി രൂപ വിലമതിക്കുന്ന 31 ലാപ്ടോപ്പുകള്‍ ഇയാളുടെ പക്കല്‍നിന്ന് പൊലീസ് പിടിച്ചെടുത്തു. 2018 മുതല്‍ കണ്ണൂര്‍, ഡല്‍ഹി, ബെംഗളൂരു, ചെന്നൈ, ഹൈദരാബാദ്, ആന്ധ്രാപ്രദേശിലെ കാക്കിനാഡ, വിശാപട്ടണം, കൊല്‍ക്കത്ത, ഭുവനേശ്വര്‍, ജയ്പൂര്‍ തുടങ്ങിയ സ്ഥലങ്ങളിലെ കോളേജുകളില്‍ നിന്ന് 100ലധികം ലാപ്‌ടോപ്പുകള്‍ ഇയാള്‍ മോഷ്ടിച്ചിട്ടുണ്ടെന്നാണ് അന്വേഷണ ഉദ്യോഗസ്ഥർ പറയുന്നത്. കോടതി ഇയാളെ ജയിലിലേക്ക് അയച്ചു.

    വെള്ളിയാഴ്ചയാണ് തമിള്‍സെല്‍വന്‍ തിരിച്ചറിയല്‍ കാര്‍ഡുമായി ഗവണ്‍മെന്റ് സ്റ്റാന്‍ലി മെഡിക്കല്‍ കോളേജിലെ ആണ്‍കുട്ടികളുടെ ഹോസ്റ്റലില്‍ എത്തിയതെന്ന് പോലീസ് പറഞ്ഞു. രണ്ടാം വര്‍ഷ വിദ്യാര്‍ത്ഥികളായ റുതേഷിന്റെയും അക്ഷയ്യുടെയും മുറിയില്‍ കടന്ന് ഇയാള്‍ രണ്ട് ലാപ്‌ടോപ്പുകള്‍ മോഷ്ടിച്ചുവെന്നാണ് പരാതി. പരാതിയുടെ അടിസ്ഥാനത്തില്‍ സിസിടിവി ദൃശ്യങ്ങള്‍ പരിശോധിച്ചപ്പോഴാണ് തമിഴ്‌സെല്‍വന്‍ മുറിയില്‍ പ്രവേശിക്കുകയും 15 മിനിറ്റിനകം പുറത്തിറങ്ങുന്നതായും കണ്ടെത്തിയത്.
    Published by:Naveen
    First published: