പൊലീസ് ഉദ്യോഗസ്ഥന്റെ വീട്ടിൽ മോഷണം; സ്വർണാഭരണങ്ങളും അരലക്ഷത്തിലേറെ രൂപയും കവർന്നു

മലപ്പുറം: പൊലീസ് ഉദ്യോഗസ്ഥന്റെ വീട്ടില്‍ നിന്ന് സ്വർണാഭരണങ്ങളം 62,000 രൂപയും കവർന്നു. സിവിൽ പൊലീസ് ഉദ്യോഗസ്ഥനായ മകൻ ജോലിയ്ക്ക് പോയ സമയത്തായിരുന്നു മോഷണം നടന്നത്. ഈ സമയം മാതാവ് ഷരീഫയും സഹോദരിയുമായിരുന്നു വീട്ടിലുണ്ടായിരുന്നത്.

പുലർച്ചെ ഒന്നരയോ‌ടെ ടെറസിലെ വാതിൽ വഴി അകത്തേക്ക് കയറിയ മോഷ്ടാവ് അലമാരയിൽ നിന്ന് 60,000 രൂപയും ഉറങ്ങിക്കിടന്ന മാതാവും സഹോദരിയും ധരിച്ചിരുന്ന അഞ്ചര പവൻ സ്വർണാഭരണങ്ങളും കവര്‍ന്നു.

Also Read-ഭര്‍ത്താവിന്‍റെ വീട്ടില്‍ യുവതിയെ തൂങ്ങിമരിച്ച നിലയില്‍ കണ്ടെത്തി; ഭര്‍തൃസഹോദരി മര്‍ദിച്ചെന്ന് ബന്ധുക്കള്‍

മൊബൈൽ ഫോണിന്‍റെ വെളിച്ച കണ്ട ഷരീഫയുട മകൾ ഉണർന്നെങ്കിലും സംശയകരമായി ഒന്നും തന്നെ കണ്ടില്ല. ഈ സമയം വീട്ടിൽ ഒളിച്ച കള്ളൻ പിന്നീ‌ട‌് ഇവർ ഉറങ്ങിയെന്ന് ഉറപ്പാക്കിയശേഷമാണ് മോഷണ നടത്തിയത്. ഷരീഫയുടെ കഴുത്തില മാല പൊട്ടിച്ചപ്പോൾ ഉണർന്നു നിലവിളിച്ചതോടെ കള്ളൻ രക്ഷപ്പെടുകയായിരുന്നു.

Also Read-ആളില്ലാത്ത വീട്ടിൽ അതിക്രമിച്ച് കയറി പതിനാറുകാരിയെ പീഡിപ്പിക്കാൻ ശ്രമം; 43കാരൻ അറസ്റ്റിൽ

പ്രദേശത്ത് നാട്ടുകാർ തെരച്ചിൽ ന‌ടത്തിയെങ്കിലും കള്ളനെ കണ്ടെത്തനായില്ല. കള്ളനെന്നും സംശയിക്കുന്ന ആളുടെ സിസിടിവി ദൃശ്യം പൊലീസിന് ലഭിച്ചു. ഈ ദൃശ്യങ്ങൾ പൊലീസ് പുറത്തുവിട്ടിട്ടുണ്ട്.