• HOME
  • »
  • NEWS
  • »
  • crime
  • »
  • വ്യാജ ചെക്ക് കേസ്; നടൻ റിസബാവയ്ക്കെതിരെ അറസ്റ്റ് വാറന്റ്

വ്യാജ ചെക്ക് കേസ്; നടൻ റിസബാവയ്ക്കെതിരെ അറസ്റ്റ് വാറന്റ്

സുഹൃത്തിൽ നിന്നും വാങ്ങിയ 11 ലക്ഷം രൂപ തിരിച്ചു കൊടുക്കാത്തതിനെതിരെ നൽകിയ പരാതിയിലാണ് കോടതി നടപടികൾ.

rizabawa

rizabawa

  • Share this:
എറണാകുളം: വ്യാജചെക്ക് കേസിൽ നടൻ റിസബാവയ്ക്കെതിരെ  അറസ്റ്റ് വാറന്റ്.  സുഹൃത്തിൽ നിന്നും വാങ്ങിയ 11 ലക്ഷം രൂപ തിരിച്ചു കൊടുക്കാത്തതിനെതിരെ നൽകിയ പരാതിയിലാണ് കോടതി നടപടികൾ.   എളമക്കര സ്വദേശിയായ സാദിഖിൽ നിന്നും  2014ൽ  റിസബാവ 11 ലക്ഷം രൂപ വാങ്ങിയെന്നാണ് കേസ്.

ഇരു കുടുംബങ്ങളുമായി നടന്ന വിവാഹ ആലോചനയുടെ പശ്ചാത്തലത്തിലായിരുന്നു  കടം വാങ്ങൽ. എന്നാൽ പണം തിരികെ നൽകിയില്ല. സാദിഖിന് റിസബാവ ഒപ്പിട്ടു നൽകിയ ചെക്ക് വ്യാജമാണെന്ന് നടൻ കോടതിയിൽ വാദിച്ചു. ഇതേ തുടർന്ന് ചെക്ക് ഫോറൻസിക് പരിശോധനയ്ക്ക് വിധേയമാക്കുകയും റിസബാവയുടെ വാദം കളവാണെന്ന് തെളിയുകയും ചെയ്തു. നാലു വർഷം നീണ്ടു നിന്ന കോടതി വ്യവഹാരങ്ങൾ ഹൈക്കോടതി വരെ എത്തിയിരുന്നു.

ചെക്കിൽ ഫോറൻസിക്ക് പരിശോധന ആവശ്യപ്പെട്ട നടന്റെ നീക്കങ്ങൾ അദ്ദേഹത്തിന് തന്നെ തിരിച്ചടിയായി. ഒപ്പിൽ 26 ഓളം സമാനതകൾ ഫോറൻസിക് കണ്ടെത്തി. ഇത് പരിഗണിച്ച ഹൈക്കോടതി പണം തിരികെ നൽകാൻ ആറുമാസത്തെ സമയം  അനുവദിക്കുക മാത്രമാണ് ചെയ്തത്.



ആ കാലാവധി കഴിഞ്ഞിട്ടും പണം നൽകാത്ത സാഹചര്യത്തിലാണ്  എറണാകുളം  ജുഡീഷ്യൽ ഒന്നാം ക്ലാസ്സ്‌ മജിസ്‌ട്രേറ്റ് കോടതിയുടെ  ഉത്തരവ്. പണം നൽകേണ്ട കാലാവധി ഇന്നലെ അവസാനിച്ചിരുന്നു. അതേസമയം പണം തിരിച്ചടക്കാൻ കൂടുതൽ സമയം ആവശ്യപ്പെട്ട് റിസബാവ  കോടതിയിൽ അപേക്ഷ നൽകി.
Published by:Gowthamy GG
First published: