പാലക്കാട് കൊഴിഞ്ഞാമ്പാറയിൽ 825 ലിറ്റർ സ്പിരിറ്റുമായി CPM ബ്രാഞ്ച് സെക്രട്ടറി പിടിയില്‍

പാലക്കാട് കൊഴിഞ്ഞാമ്പാറയിൽ 825 ലിറ്റർ സ്പിരിറ്റുമായി CPM ബ്രാഞ്ച് സെക്രട്ടറിയടക്കം രണ്ട് പേര്‍ പിടിയില്‍. ചിറ്റൂർ മണൽതോട് ബ്രാഞ്ച് സെക്രട്ടറി കണ്ണന്‍, വണ്ണാമട സ്വദേശി പ്രഭു എന്നിവരെയാണ് എക്സൈസ് അറസ്റ്റ് ചെയ്തത്.

കൊല്ലത്ത് ബൈക്കിന്റെ ഹോണ്‍ മുഴക്കിയതിന് മാരകായുധങ്ങളുമായി ആക്രമണം; മൂന്നു പേര്‍ പിടിയിൽ

കൊല്ലം: ബൈക്കിന്‌റെ ഹോൺ മുഴക്കിയതിന് ആക്രമണം നടത്തിയ മൂന്നു പേർ പിടിയിൽ. കൊല്ലം ചവറയിലാണ് സംഭവം. തേവലക്രക കോയിവിള ചാലിൽ കിഴക്കതിൽ നിയാസ്, നീണ്ടകര പുത്തൻതുറ സുമയ്യ മൻസിലിൽ ഷുഹൈബ്, പുത്തൻകോട്ടയ്ക്കകം മൻസിലിൽ ബിലാൽ എന്നിവരെയാണ് പൊലീസ് അറസ്റ്റ് ചെയ്തത്.

രാത്രി ചവറ സ്വദേശി രതീഷും സുഹൃത്തും ബൈക്കിൽ പോകുമ്പോഴായിരുന്നു ആക്രമണം. രതീഷ് ഹോൺ അടിച്ചതിലുള്ള വിരോധത്താൽ രതീഷിനെയും സുഹൃത്ത് ഗിരീഷിനെയും ആക്രമിക്കുകയായിരുന്നു. സീറ്റിന്റെ പൈപ്പ് രതീഷിന്റെ ദേഹത്തും തലയുടെ പുറകിലും അടിക്കുകയും പൈപ്പിന്റെ മുനകൊണ്ട് ഇരുകൈകളിലും കുത്തിപരിക്കേൽപ്പിക്കുകയും ചെയ്തു.

അക്രമം തടയാൻ ശ്രമിച്ച സുഹൃത്ത് ഗിരീഷിനെയും ആക്രമിച്ചു. ഇരുകാലുകൾക്കും ഗുരുതരമായി പരിക്കേറ്റു. പരിക്കേറ്റ ബൈക്ക് യാത്രക്കാർ ഇപ്പോഴും ചികിത്സയിലാണ്. അറസ്റ്റിലായ പ്രതികളെ കോടതിയിൽ ഹാജരാക്കി റിമാൻഡ് ചെയ്തു.