• HOME
  • »
  • NEWS
  • »
  • crime
  • »
  • Nayana Sooryan | നയന സൂര്യന്റെ ദുരൂഹ മരണം; ക്രൈം ബ്രാഞ്ച് അന്വേഷിക്കും

Nayana Sooryan | നയന സൂര്യന്റെ ദുരൂഹ മരണം; ക്രൈം ബ്രാഞ്ച് അന്വേഷിക്കും

പോസ്റ്റ്മോർട്ടം റിപ്പോർട്ട് നയനയുടെ സുഹൃത്തുക്കളുടെ പക്കലെത്തിയപ്പോഴാണ് കണ്ടെത്തലുകൾ മരണം കൊലപാതകമാകാം എന്ന സംശയം ഉടലെടുത്തത്

നയന സൂര്യൻ

നയന സൂര്യൻ

  • Share this:

    യുവസംവിധായക നയന സൂര്യന്റെ (Nayana Sooryan) മരണം കൊലപാതകമെന്ന് ദുരൂഹതയുയർന്ന സാഹചര്യത്തിൽ അന്വേഷണം ആരംഭിക്കാൻ ക്രൈം ബ്രാഞ്ച്. 2019 ഫെബ്രുവരി മാസത്തിൽ തിരുവനന്തപുരം ആൽത്തറ ജംഗ്ഷനിലെ ഫ്ലാറ്റിൽ നയനയെ മരിച്ച നിലയിൽ കണ്ടെത്തുകയായിരുന്നു. എഡിജിപി എം.ആർ. അജിത്ത് കുമാറിന്റെ നിർദേശ പ്രകാരമാണ് നടപടി. മരണത്തിലെ ദുരൂഹത നീക്കാൻ അന്വേഷണം വേണമെന്ന് പ്രതിപക്ഷ നേതാവും നയനയുടെ കുടുംബവും ആവശ്യപ്പെട്ടിരുന്നു. പോസ്റ്റ്മോർട്ടം റിപ്പോർട്ട് നയനയുടെ സുഹൃത്തുക്കളുടെ പക്കലെത്തിയപ്പോഴാണ് കണ്ടെത്തലുകൾ മരണം കൊലപാതകമാകാം എന്ന സംശയം ഉടലെടുത്തത്. ഇതിനു പിന്നാലെ മാധ്യമറിപ്പോർട്ടുകളും പുറത്തുവന്നിരുന്നു.

    അസ്വാഭാവികമരണത്തിന് കേസെടുത്ത് മ്യൂസിയം പോലീസ് അന്വേഷണം ആരംഭിച്ചെങ്കിലും കേസ് എങ്ങുമെത്തിയില്ല.

    Also read: Nayana Sooryan | നയന സൂര്യന്റെ മരണം: സിനിമാ സംഘടനകൾക്കും വനിതാ രാഷ്ട്രീയ പ്രസ്ഥാനങ്ങൾക്കും മിണ്ടാട്ടമില്ലേ എന്ന് സനൽകുമാർ ശശിധരൻ

    കഴുത്ത് ശക്തമായി ഞെരിഞ്ഞാണ് മരണം സംഭവിച്ചതെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നു. കഴുത്തിനുചുറ്റും ഉരഞ്ഞുണ്ടായ ഒട്ടേറെ മുറിവുകളുണ്ട്. 31.5 സെന്റീമീറ്റര്‍വരെ നീളമുള്ള മുറിവുകളുണ്ട്. ഇടത് അടിവയറ്റില്‍ ചവിട്ടേറ്റതുപോലുള്ള ക്ഷതം കണ്ടെത്തി. ഇതിന്റെ ആഘാതത്തില്‍ ആന്തരീകാവയവങ്ങളില്‍ രക്തസ്രാവമുണ്ടായി. ക്ഷതമേറ്റാണ് പാന്‍ക്രിയാസ്, വൃക്ക എന്നീ അവയവങ്ങളില്‍ രക്തസ്രാവമുണ്ടായത്. പ്ലീഹ ചുരുങ്ങുകയും പൊട്ടുകയും ചെയ്തിട്ടുണ്ടെന്നും പോസ്റ്റ്മോര്‍ട്ടം റിപ്പോര്‍ട്ടില്‍ പറയുന്നു.

    സംവിധായകൻ ലെനിൻ രാജേന്ദ്രന്റെ സംവിധായക സഹായിയായി ഏറെക്കാലം പ്രവർത്തിച്ച നയന, ‘ക്രോസ്സ്‌റോഡ്’ എന്ന ആന്തോളജി സിനിമയിലെ ‘പക്ഷിയുടെ മനം’ എന്ന സെഗ്മെന്റ് സംവിധാനം ചെയ്തിരുന്നു.

    Summary: Crime branch to probe the death of director Nayana Sooryan. She was found dead at the residence in Thiruvananthapuram on February 2019

    Published by:user_57
    First published: