• HOME
  • »
  • NEWS
  • »
  • crime
  • »
  • സ്വർണക്കടത്ത്: കസ്റ്റംസ് അന്വേഷണ സംഘത്തിൻ്റെ തലപ്പത്ത് വീണ്ടും മാറ്റം; നടപടി സ്വപ്നയുടെ മൊഴി ചോർന്നതിന് പിന്നാലെ

സ്വർണക്കടത്ത്: കസ്റ്റംസ് അന്വേഷണ സംഘത്തിൻ്റെ തലപ്പത്ത് വീണ്ടും മാറ്റം; നടപടി സ്വപ്നയുടെ മൊഴി ചോർന്നതിന് പിന്നാലെ

സ്വപ്ന സ്വന്തം കൈയ്യക്ഷരത്തിൽ എഴുതിയ മൊഴിയുടെ പകർപ്പ് ന്യൂസ് 18 പുറത്തുവിട്ടിരുന്നു. കോടതിയിൽ സീൽഡ് കവറിൽ സമർപ്പിച്ച രേഖയുടെ പകർപ്പ് പുറത്തുവന്നത് കസ്റ്റംസിലെ ഉന്നത ഉദ്യോസ്ഥർ അതീവ ഗൗരവത്തോടെയാണ് കാണുന്നത്.

സ്വപ്ന സുരേഷ്

സ്വപ്ന സുരേഷ്

  • Share this:
കൊച്ചി: സ്വർണ്ണക്കടത്ത് കേസ് അന്വേഷിക്കുന്ന സംഘത്തിൻ്റെ തലപ്പത്ത് വീണ്ടും മാറ്റം. ഇത്തവണ അസിസ്റ്റൻ്റ് കമ്മീഷണർ എൻ.എസ്.ദേവിനെയാണ് മാറ്റിയത്. അന്വേഷണത്തിൻ്റെ മേൽനോട്ടച്ചുമതലയുണ്ടായിരുന്ന ഉദ്യോഗസ്ഥനാണ് എൻ.എസ്.ദേവ്. മാധ്യമ പ്രവർത്തകൻ അനിൽ നമ്പ്യാർക്ക് എതിരെ സ്വപ്ന നൽകിയ മൊഴി മാധ്യമങ്ങളിൽ വന്നതാണ് ദേവിന് വിനയായത്.

സ്വപ്ന സ്വന്തം കൈയ്യക്ഷരത്തിൽ എഴുതിയ മൊഴിയുടെ പകർപ്പ് ന്യൂസ് 18 പുറത്തുവിട്ടിരുന്നു. കോടതിയിൽ സീൽഡ് കവറിൽ സമർപ്പിച്ച രേഖയുടെ പകർപ്പ് പുറത്തുവന്നത് കസ്റ്റംസിലെ ഉന്നത ഉദ്യോസ്ഥർ അതീവ ഗൗരവത്തോടെയാണ് കാണുന്നത്. ഇതിനെത്തുടർന്ന് കസ്റ്റംസ് വിജിലൻസ് വിഭാഗവും അന്വേഷണം ആരംഭിച്ചിരുന്നു.

സ്വർണ്ണക്കടത്ത് കേസിലെ ഡിപ്ലൊമാറ്റിക് ബാഗേജ് വിട്ടുകിട്ടുന്നത് സംബന്ധിച്ച് മുഖ്യമന്ത്രിയുടെ ഓഫിസിൽ നിന്ന് സമ്മർദ്ദമുണ്ടായിട്ടില്ലെന്ന് മാധ്യമങ്ങളോട് പറഞ്ഞ ജോയിൻ്റ് കമ്മീഷണർ അനീഷ് പി രാജനെ നേരത്തെ കസ്റ്റംസ് സ്ഥലം മാറ്റിയിരുന്നു. അനീഷ് പി.രാജനെതിരെ ബി.ജെ.പിയും കോൺഗ്രസും അടക്കമുള്ള രാഷ്ട്രീയ പാർട്ടികൾ രംഗത്തു വന്നിരുന്നു. ജൂലൈ 30നാണ് അനീഷ് പി.രാജനെ മാറ്റിയതെങ്കിൽ കൃത്യം ഒരു മാസമാകുമ്പോൾ ഓഗസ്റ്റ് 30ന് അസിസ്റ്റൻ്റ് കമ്മീഷണർ എൻ.എസ്.ദേവിനെ അന്വേഷണ സംഘത്തിൽ നിന്ന് നീക്കി.
You may also like:Suresh Raina| 'കുഞ്ഞുങ്ങളെക്കാൾ വലുതായി ഒന്നുമില്ല'; ഐപിഎൽ ഉപേക്ഷിക്കാനുള്ള കാരണം വ്യക്തമാക്കി സുരേഷ് റെയ്ന [NEWS]Life Mission | 'മിനിട്സ് നശിപ്പിക്കാൻ ഗൂഡാലോചന; മുഖ്യമന്ത്രിയെയും തദ്ദേശ മന്ത്രിയെയും നുണപരിശോധനയ്ക്ക് വിധേയമാക്കണം': അനിൽ അക്കര [NEWS] കണ്ണൂരിൽ രണ്ട് മക്കളുമൊത്ത് അമ്മ ആത്മഹത്യയ്ക്ക് ശ്രമിച്ചു; ഇളയമകൾ മരിച്ചു [NEWS]
കേസന്വേഷണച്ചുമതലയുണ്ടായിരുന്നവരുടെ തുടർച്ചയായ മാറ്റം അന്വേഷണ സംഘത്തെ നിരാശരാക്കിയിട്ടുണ്ട്. കോഴിക്കോട് വിമാനത്താവളത്തിലെ അസിസ്റ്റൻ്റ് കമ്മീഷണർ ഡോ.രാജിയ്ക്കാണ് അന്വേഷണ മേൽനോട്ടത്തിൻ്റെ പുതിയ ചുമതല.
Published by:Anuraj GR
First published: