• HOME
  • »
  • NEWS
  • »
  • crime
  • »
  • സ്ത്രീധനത്തെച്ചൊല്ലി ഭാര്യയുടെ വീട് അടിച്ചുതകർത്തു; കോട്ടയത്ത് ഭർത്താവ് ഉൾപ്പെടെ നാലു പേർക്കെതിരെ കേസ്

സ്ത്രീധനത്തെച്ചൊല്ലി ഭാര്യയുടെ വീട് അടിച്ചുതകർത്തു; കോട്ടയത്ത് ഭർത്താവ് ഉൾപ്പെടെ നാലു പേർക്കെതിരെ കേസ്

35 പവൻ സ്ത്രീധനമായി നൽകിയെങ്കിലും കൂടുതൽ വേണമെന്ന് ആവശ്യപ്പെട്ട് ഇയാൾ ഭീഷണിപ്പെടുത്തുകയായിരുന്നു.

  • Share this:

    കോട്ടയം: കുമാരനല്ലൂരിൽ സ്ത്രീധനത്തെച്ചൊല്ലിയുണ്ടായ തർക്കത്തിൽ ഭാര്യവീട് അടിച്ചുതകർത്തു. യുവതിയുടെ ഭർത്താവായ തിരുവല്ല മുത്തൂർ സ്വദേശി സന്തോഷും ഗുണ്ടാ സംഘവും ചേർന്നാണ് വീട് അടിച്ചുതകർത്തത്. ഇവർക്കെതിരെ ഗാന്ധിനഗർ പൊലീസ് കേസെടുത്തു. കുമാരനല്ലൂർ പുതുക്കുളങ്ങര വീട്ടിൽ വിജയകുമാരി അമ്മയുടെ ഉടമസ്ഥതയിലുള്ള വീട് ആക്രമിച്ചത്.

    Also read-ഒഎൽഎക്സിൽ ഇലക്ട്രോണിക്സ് ഉൽപ്പന്നങ്ങൾ വാങ്ങാനെന്ന വ്യാജേന 20 ലക്ഷം രൂപ തട്ടി; നൈജീരിയൻ സ്വദേശി അറസ്റ്റിൽ

    ഭാര്യവീട്ടിലെത്തിയ സന്തോഷും സംഘവും അസഭ്യം വിളിച്ചതിനെ തുടർന്ന് ഗാന്ധിനഗർ പൊലീസിൽ പരാതി നൽകിയതിന് പിന്നാലെയായിരുന്നു ആക്രമണം. തിങ്കളാഴ്ച രാത്രി 12 ഓടെയാണ് സംഭവം. ഒരു വർഷം മുൻപാണ് വിജയകുമാരിയുടെ മകളും സന്തോഷും വിവാഹിതരായത്. 35 പവൻ സ്ത്രീധനമായി നൽകിയെങ്കിലും കൂടുതൽ വേണമെന്ന് ആവശ്യപ്പെട്ട് ഇയാൾ ഭീഷണിപ്പെടുത്തുകയായിരുന്നു. ഇതോടെ യുവതി സ്വന്തം വീട്ടിലേക്ക് മടങ്ങുകയായിരുന്നു. കുഞ്ഞ് ജനിച്ച് 27 ദിവസം മാത്രം ആകുമ്പോഴാണ് ഭർത്താവ് ഗുണ്ടാസംഘത്തിനൊപ്പം വന്ന് വീട് ആക്രമിക്കുന്നത്.

    Published by:Sarika KP
    First published: