• HOME
  • »
  • NEWS
  • »
  • crime
  • »
  • Moral policing | DYFI നേതാവ് ഉള്‍പ്പെടെയുളളവര്‍ മര്‍ദിച്ച് ചികിത്സയിലായിരുന്ന യുവാവ് മരിച്ചു

Moral policing | DYFI നേതാവ് ഉള്‍പ്പെടെയുളളവര്‍ മര്‍ദിച്ച് ചികിത്സയിലായിരുന്ന യുവാവ് മരിച്ചു

ശബരി വധക്കേസില്‍ പ്രതിയായ സുള്‍ഫിത്തിനെ സെക്രട്ടറി സ്ഥാനത്ത് നിന്ന് നീക്കിയതായി ഡിവൈഎഫ്‌ഐ ബ്ലോക്ക് കമ്മിറ്റി ഭാരവാഹികള്‍ അറിയിച്ചു

ശബരി

ശബരി

  • Share this:
    ആലപ്പുഴ: ആലപ്പുഴയില്‍ ഡിവൈഎഫ്‌ഐ(DYFI) നേതാവുള്‍പ്പെടെയുള്ളവരുടെ മര്‍ദനമേറ്റ് ചികിത്സയില്‍ കഴിയുകയായിരുന്ന യുവാവ് മരിച്ചു(Dead). ചേപ്പാട് സ്വദേശി ശബരി (28) ആണ് മരിച്ചത്. എറണാകുളത്തെ സ്വകാര്യ ആശുപത്രിയില്‍ ബുധനാഴ്ച വൈകിട്ടോടെയാണ് മരിച്ചത്.

    ഈ മാസം 17ന് പള്ളിപ്പാട് നീറ്റൊഴുക്ക് ജംഗ്ഷന് സമീപത്ത് വെച്ചായിരുന്നു ശബരിയെ ഹെല്‍മെറ്റ് കൊണ്ട് തലയ്ക്കടിച്ചു വീഴ്ത്തിയത്. കേസില്‍ ഡിവൈഎഫ്‌ഐ മേഖലാ സെക്രട്ടറി അടക്കം മൂന്നു പേര്‍ ഇതുവരെ അറസ്റ്റിലായിട്ടുണ്ട്. മേഖലാ സെക്രട്ടറി സുള്‍ഫിത്ത്(27), മണ്ഡലം കമ്മിറ്റിയഗം മുട്ടം കണ്ണന്‍ഭവനം കണ്ണന്‍ മോന്‍(27), മുതുകുളം ചൂളത്തോതില്‍ വടക്കതില്‍ അജീഷ്(28) എന്നിവരാണ് അറസ്റ്റിലായത്.

    Also Read-Drug Case | കണ്ണൂരിലേക്ക് കോടിക്കണക്കിനു രൂപയുടെ മയക്കുമരുന്ന് കടത്താന്‍ ശ്രമിച്ച കേസ്; മൂന്നു പേര്‍ അറസ്റ്റില്‍

    ആക്രമണത്തില്‍ തലയ്ക്ക് ഗുരുതരമായി പരിക്കേറ്റ ശബരിയെ ആശുപത്രിയിലെത്തിക്കാന്‍ ആരും തയ്യാറായിരുന്നില്ല. ബൈക്കില്‍ വരികയായിരുന്ന ശബരിയെ സുള്‍ഫിത്തും സുഹൃത്തുക്കളും ചേര്‍ന്ന് തടഞ്ഞു നിര്‍ത്തി അതിക്രൂരമായി മര്‍ദ്ദിക്കുകയായിരുന്നു.ഹെല്‍മറ്റും കല്ലും വടിയും ഉപയോഗിച്ചായിരുന്നു മര്‍ദനം.

    Also Read-Petrol Bomb |സ്‌കൂള്‍ വിദ്യാര്‍ത്ഥികള്‍ക്ക് നേരെ യുവാവിന്റെ പെട്രോള്‍ ബോംബേറ്; കളിയാക്കിയത് പ്രകോപനം

    അരമണിക്കൂറോളം രക്തം വാര്‍ന്ന് വഴിയില്‍ കിടന്ന ശബരിയെ ഹരിപ്പാട് പൊലീസാണ് ആശുപത്രിയിലെത്തിച്ചത്. പ്രതികളിലൊരാളുടെ ബന്ധുവായ യുവതിയുമായി ബന്ധമുണ്ടെന്ന സംശയത്തിലാണ് ശബരിയെ ആക്രമിച്ചതെന്നാണ് പൊലീസ് സൂചിപ്പിക്കുന്നത്. കേസില്‍ എട്ടി പ്രതികളാണ് ഉള്ളത്. മറ്റു പ്രതികളെ പിടികൂടാനുള്ള ശ്രമത്തിലാണ് പൊലീസ്.

    Also Read-No.18 Hotel പോക്സോ കേസ് : ഗൂഢാലോചനയ്ക്ക് പിന്നിൽ ഒരു എം.എൽ.എയുടെ ഭാര്യയുൾപ്പെടെ 6 പേരെന്ന് അഞ്ജലി റിമ ദേവ്

    നേരത്തെയും ക്രിമിനല്‍ കേസുകളില്‍ ഉള്‍പ്പെട്ടിരുന്നയാളാണ് സുള്‍ഫിത്ത്. ശബരി വധക്കേസില്‍ പ്രതിയായ സുള്‍ഫിത്തിനെ സെക്രട്ടറി സ്ഥാനത്ത് നിന്ന് നീക്കിയതായി ഡിവൈഎഫ്‌ഐ ബ്ലോക്ക് കമ്മിറ്റി ഭാരവാഹികള്‍ അറിയിച്ചു. ശബരിയുടെ മൃതദേഹം വണ്ടാനം മെഡിക്കല്‍ കോളേജ് മോര്‍ച്ചറിയില്‍. അമ്മ: സുപ്രഭ, സഹോദരന്‍: ശംഭു(റിലയന്‍സ് ഹൈദരാബാദ്). പോസ്റ്റുമോര്‍ട്ടത്തിന് ശേഷം സംസ്‌കാരം വ്യാഴാഴ്ച വൈകിട്ട് വീട്ടുവളപ്പില്‍.
    Published by:Jayesh Krishnan
    First published: