• HOME
  • »
  • NEWS
  • »
  • crime
  • »
  • ഇലന്തൂരിലെ നരബലി ; പ്രതി ഭഗവല്‍ സിങ് സജീവ രാഷ്ട്രീയ സാമൂഹിക പ്രവര്‍ത്തകന്‍

ഇലന്തൂരിലെ നരബലി ; പ്രതി ഭഗവല്‍ സിങ് സജീവ രാഷ്ട്രീയ സാമൂഹിക പ്രവര്‍ത്തകന്‍

സമൂഹമാധ്യമങ്ങളില്‍ ഏറെ ആരാധകരുള്ള ഹൈക്കു കവി കൂടിയാണ് പ്രതി ഭഗവല്‍ സിങ്.

  • Share this:
    പത്തനംതിട്ട: ഇലന്തൂരില്‍ രണ്ടു സ്ത്രീകളെ കൊന്ന് കഷണങ്ങളാക്കി കുഴിച്ചിട്ട സംഭവത്തില്‍ അറസ്റ്റിലായ പ്രതികളിലൊരാളായ ഭഗവല്‍ സിങ് കേരള കര്‍ഷക സംഘത്തിന്‍റെ  പത്തനംതിട്ട ഏരിയ കമ്മിറ്റി അംഗം. സജീവ രാഷ്ട്രീയ , സാമൂഹ്യ പ്രവര്‍ത്തകനായ ഇയാള്‍  ഇത്തരമൊരു കുറ്റകൃത്യത്തില്‍ ഏര്‍പ്പെട്ടു എന്ന വിവരം പരിചയക്കാരില്‍ ഞെട്ടലുണ്ടാക്കിയിട്ടുണ്ട്.

    ALSO READ-നരബലിയ്ക്ക് പിടിയിലായ ഭഗവൽ സിംഗിനെ അറിയുമോ? സോഷ്യൽ മീഡിയില്‍ സജീവമായ 'ഹൈകു കവി'

    സമൂഹമാധ്യമങ്ങളില്‍ ഏറെ ആരാധകരുള്ള ഹൈക്കു കവി കൂടിയാണ് പ്രതി ഭഗവല്‍ സിങ്. കടവന്ത്രയില്‍ രജിസ്റ്റര്‍ ചെയ്ത മിസിംഗ് കേസിലെ അന്വേഷണത്തിലൂടെയാണ് പോലീസ് ഈ ക്രൂര സംഭവത്തിന്റെ ചുരുളുകള്‍ അഴിച്ചത്.

    ALSO READ- കട്ടിലിൽ കെട്ടിയിട്ട് കഴുത്തറത്തു; മൃതദേഹം വെട്ടിനുറുക്കി കുഴിച്ചിട്ടു; അന്വേഷണ സംഘം ഇലന്തൂരിൽ

    തിരുവല്ല സ്വദേശിയായ ഭഗവൽ സിംഗ്, ഭാര്യ ലൈല, പെരുമ്പാവൂർ സ്വദേശിയായ മുഹമ്മദ് ഷാഫി എന്ന ഷിഹാബ് എന്നിവരാണ് നരബലിയുമായി ബന്ധപ്പെട്ട് അറസ്റ്റിലായിരിക്കുന്നത്. ഐശ്വര്യവും സമ്പത്തും ലഭ്യമാകുമെന്ന് വിശ്വസിപ്പിച്ച് പെരുമ്പാവൂരിലെ ഏജന്റിന്റെ സഹായത്തോടെ സ്ത്രീകളെ തിരുവല്ലയിലെത്തിച്ച് ബലി നൽകിയെന്നാണ് വിവരം.

    ALSO READ-കൊച്ചിയിലെ നരബലി നടത്തിയത് ഐശ്വര്യത്തിനും സമ്പത്തിനും; യുവതികളെ തട്ടിക്കൊണ്ടുപോയി കൊന്ന് കുഴിച്ചിട്ടു

    പ്രതികളുമായി അന്വേഷണ സംഘം ഇലന്തൂരിലെ വീട്ടിലെത്തി തെളിവെടുപ്പ് ആരംഭിച്ചു. ദക്ഷിണ മേഖല ഐജി പി.പ്രകാശിനാണ് അന്വേഷണ ചുമതല. കൊല്ലപ്പെട്ട പത്മം, റോസ്ലിന്‍ എന്നിവരുടെ മൃതദേഹങ്ങള്‍ ഇലന്തൂരിലെ വീടിന് സമീപമുള്ള പറമ്പില്‍ കുഴിച്ചിട്ടെന്നാണ് പ്രതികളുടെ മൊഴി.

    Also Read-നരബലിയ്ക്ക് മുൻപ് ഷാഫി ലൈലയുമായി ലൈംഗിക ബന്ധത്തിൽ ഏർ‌പ്പെട്ടു; റോസ്ലിയുടെ സ്വകാര്യഭാഗത്ത് കത്തി കുത്തിയിറക്കി

    ഇലന്തൂരില്‍ രണ്ടു സ്ത്രീകളെ കൊന്ന് കഷണങ്ങളാക്കി കുഴിച്ചിട്ട സംഭവം ഞെട്ടിപ്പിക്കുന്നതാണെന്ന് സ്ഥലം എംഎല്‍എ കൂടിയായ ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. ഇത് അത്യന്തം ക്രൂരവും ഭയപ്പെടുത്തുന്നതുമാണ്. കടവന്ത്രയില്‍ രജിസ്റ്റര്‍ ചെയ്ത മിസിംഗ് കേസിലെ അന്വേഷണത്തിലൂടെയാണ് പോലീസ് ഈ ക്രൂര സംഭവത്തിന്റെ ചുരുളുകള്‍ അഴിച്ചത്. അതിശക്തമായ നടപടി സ്വീകരിക്കും. പരിഷ്‌കൃത സമൂഹത്തില്‍ ഉണ്ടാകാന്‍ പാടില്ലാത്ത സംഭവമാണിത്. ആലോചിക്കാന്‍ പോലും കഴിയാത്ത ക്രൂരകൃത്യമാണ്. കുറ്റക്കാര്‍ക്കെതിരെ അതിശക്തമായ നടപടിയുണ്ടാകുമെന്നും മന്ത്രി പറഞ്ഞു.





    .
    Published by:Arun krishna
    First published: