• HOME
  • »
  • NEWS
  • »
  • crime
  • »
  • പെരുമ്പാവൂരിൽ വ്യാപാരിയെ തട്ടിക്കൊണ്ടുപോയി പണം തട്ടിയ കേസ്; അഞ്ച് പേര്‍ പിടിയില്‍

പെരുമ്പാവൂരിൽ വ്യാപാരിയെ തട്ടിക്കൊണ്ടുപോയി പണം തട്ടിയ കേസ്; അഞ്ച് പേര്‍ പിടിയില്‍

സാമ്പത്തിക ഇടപാടുകളുമായി ബന്ധപ്പെട്ട പ്രശ്നങ്ങളാണ് തട്ടിക്കൊണ്ടു പോകലിൽ കലാശിച്ചത്

Perumbavoor

Perumbavoor

  • Last Updated :
  • Share this:
    കൊച്ചി: പെരുമ്പാവൂരിൽ പ്ലൈവുഡ് വ്യാപാരിയെ തട്ടിക്കൊണ്ടുപോയി മർദ്ദിച്ച് പണം തട്ടിയ കേസിൽ അഞ്ച് പേരെ എറണാകുളം റൂറൽ ജില്ലാ സി ബ്രാഞ്ച് അറസ്റ്റ് ചെയ്തു. ഒന്നാം പ്രതി വല്ലം റയോൺപുരം അമ്പാടൻ ഷംഷാദ് (44), ഇയാളുടെ ബന്ധുക്കളായ അമ്പാടൻ വീട്ടിൽ ഷിയാസ് (43), അമ്പാടൻ വീട്ടിൽ സിയാദ് (35), ഷംഷാദിന്‍റെ സുഹൃത്തുക്കളായ അല്ലപ്ര തുരുത്തുമാലിൽ സിദ്ദിഖ് (33), തുരുത്തേലിൽ അനൂപ് (32) എന്നിവരെയാണ് അറസ്റ്റ് ചെയ്തത്.

    സംഭവവുമായി ബന്ധപ്പെട്ട് അജ്മൽ, നവാബ്, അഷറഫ്, റയിസൻ എന്നിവരെ നേരത്തെ അറസ്റ്റ് ചെയ്തിരുന്നു. കഴിഞ്ഞ മാസമാണ് സംഭവം നടന്നത്. മുടിക്കൽ സ്വദേശി ജമീറിനെയാണ് തട്ടിക്കൊണ്ടുപോയത്. ഷംഷാദും ജമിറിന്‍റെ സഹോദരനും തമ്മിൽ സാമ്പത്തിക ഇടപാടുകളുണ്ടായിരുന്നു. ഇതുമായി ബന്ധപ്പെട്ട പ്രശ്നങ്ങളാണ് തട്ടിക്കൊണ്ടു പോകലിൽ കലാശിച്ചത്.

    Also Read 'മല്ലിയും ഉലുവയും തമ്മിലുള്ള വ്യത്യാസം നിങ്ങൾക്ക് അറിയുമോ?'; ഭാരത് ബന്ദിനെ പിന്തുണച്ച രാഹുൽ ഗാന്ധിയെ പരിഹസിച്ച് BJP നേതാവ്

    ജമീറിനെ കാറിലെത്തിയ ഒരു സംഘം തടഞ്ഞ് നിർത്തി വല്ലത്തുള്ള ഗോഡൗണിലേക്ക് തട്ടിക്കൊണു പോകുകയും അവിടെ വച്ച് ഭീഷണിപ്പെടുത്തി മർദ്ദിച്ച് കാറിലുണ്ടയിരുന്ന മൂന്നര ലക്ഷം രൂപയും സ്ഥലത്തിന്‍റെ ആധാരവും കവരുകയും ബലമായി ചെക്ക് ലീഫിൽ നാലര ലക്ഷം രൂപ എഴുതി ഒപ്പിടുവിച്ച് വാങ്ങുകയും ചെയ്തുവെന്നതാണ് കേസ്.

    റൂറൽ ജില്ലാ പോലിസ് മേധാവി കെ. കാർത്തികിന്‍റെ നേതൃത്വത്തിൽ ഡി.വൈ.എസ്.പി .വി രാജീവ്, സബ് ഇൻസ്പെക്ടർമാരായ പി.ബി നഹാദ്, പി.വി. ബൈജു, ബിനോയ് മാത്യു എ .എസ് .എ മാരായ ഇ .ബി. സുനിൽ , ഷിബു ദേവരാജൻ എന്നിവരാണ് അന്വേഷണ സംഘത്തിൽ ഉള്ളത്.
    Published by:user_49
    First published: