കോട്ടയത്ത് പതിമൂന്നുകാരിക്ക് പീഡനം; അഞ്ചുപേർ രണ്ടുവർഷമായി പീഡിപ്പിച്ചെന്ന് പരാതി

കോട്ടയം: വാളയാർ പീഡന കേസിലെ പ്രതികളെ വെറുതെവിട്ടതിന് പിന്നാലെ പ്രതിഷേധം കനക്കുന്നതിനിടെ മറ്റൊരു ബാലിക കൂടി പീഡനത്തിനിരയായതായി പരാതി. കോട്ടയം കിടങ്ങൂരിൽ 13 കാരി രണ്ടുവർഷമായി പീഡനത്തിനിരയായതായാണ് പരാതി. അഞ്ചുപേരാണ് പെൺകുട്ടിയെ പീഡിപ്പിച്ചതെന്നാണ് പുറത്തുവരുന്ന റിപ്പോർട്ടുകൾ.

പരാതിയിൽ പോക്സോ നിയമപ്രകാരം കിടങ്ങൂർ പൊലീസ് കേസ് രജിസ്റ്റർ ചെയ്തു. ജില്ലാ പൊലീസ് മേധാവിക്ക് ലഭിച്ച പരാതിയിൽ നാലുപേരെ കസ്റ്റഡിയിൽ എടുത്തു. ഒരാൾ ഒളിവിലാണ്.

ദേവസ്യ, റെജി, ജോബി നാഗപ്പൻ എന്നിവരാണ് പൊലീസ് കസ്റ്റഡിയിലുള്ളത്. കേസിലെ മറ്റൊരു പ്രതിയായ ബെന്നി ഒളിവിലാണ്. ഇയാൾക്കായി തിരച്ചിൽ ഊർജിതമാക്കിയതായി പൊലീസ് അറിയിച്ചു.

Also Read- വാളയാർ കേസ് പുനരന്വേഷിക്കണമെന്ന് വനിതാ കമ്മിഷൻ