ആഭ്യന്തര മന്ത്രി അമിത്ഷായുടെ ആരോഗ്യനിലയേക്കുറിച്ച് നുണപ്രചരണം; നാലുപേർ പിടിയിൽ

അമിത്ഷായുടെ പേരിൽ വ്യാജ ട്വിറ്റർ അക്കൗണ്ട് ഉണ്ടാക്കി അതിൽ നിന്നായിരുന്നു നുണ പ്രചരണം നടത്തിയത്.

News18 Malayalam | news18-malayalam
Updated: May 9, 2020, 7:06 PM IST
ആഭ്യന്തര മന്ത്രി അമിത്ഷായുടെ ആരോഗ്യനിലയേക്കുറിച്ച് നുണപ്രചരണം; നാലുപേർ പിടിയിൽ
BJP National President Amit Shah
  • Share this:
ന്യൂഡൽഹി: ആഭ്യന്തരമന്ത്രി അമിത്ഷായുടെ ആരോഗ്യനിലയെ കുറിച്ച് നുണ പ്രചരണം നടത്തിയ നാലു പേർ പിടിയിൽ. ശനിയാഴ്ച അഹമ്മദാബാദ് പൊലീസാണ് ഇവരെ പിടികൂടിയത്. അമിത്ഷായുടെ പേരിൽ വ്യാജ ട്വിറ്റർ അക്കൗണ്ട് ഉണ്ടാക്കി അതിൽ നിന്നായിരുന്നു നുണ പ്രചരണം നടത്തിയത്.

ലോക്കൽ ക്രൈംബ്രാഞ്ചാണ് ഇവരെ അറസ്റ്റ് ചെയ്തതെന്ന് സ്പെഷ്യൽ കമ്മീഷ്ണർ അജയ് തോമർ പറഞ്ഞു. അമിത്ഷായുടെ പേരും ഫോട്ടോയും ഉപയോഗിച്ചുള്ള വ്യാജ അക്കൗണ്ടിൽ നിന്നുള്ള ട്വീറ്റിന്റെ സ്ക്രീൻ ഷോട്ട് വൈറലായിരുന്നു. താൻ ഗുരുതര രോഗബാധിതനാണെന്ന് അവകാശപ്പെട്ടു കൊണ്ടുള്ളതായിരുന്നു ട്വീറ്റെന്ന് തോമർ പറഞ്ഞു.

അഹമ്മദാബാദ്, ഭാവ് നഗർ എന്നിവിടങ്ങളിൽ നിന്നാണ് പ്രതികളെ അറസ്റ്റ് ചെയ്തത്. ഇവരെ ചോദ്യം ചെയ്ത് വരികയാണ്. ഐടി നിയമത്തിലെ വിവിധ വകുപ്പുകൾ പ്രകാരമാണ് ഇവർക്കെതിരെ കേസെടുത്തിരിക്കുന്നതെന്ന് പൊലീസ് അറിയിച്ചു.
You may also like:''ഞായറാഴ്ച സമ്പൂർണ ലോക്ക്ഡൗണ്‍: തുറക്കുന്ന സ്ഥാപനങ്ങൾ ഏതെല്ലാം ? ആർക്കൊക്കെ യാത്ര ചെയ്യാം ?
[NEWS]
'''ഗുരുതര കോവിഡ് രോഗികളിൽ മാത്രം ഡിസ്ചാർജിന് മുമ്പ് പരിശോധന; പുതിയ മാർഗനിർദേശവുമായി കേന്ദ്രം [NEWS]COVID 19| കേരളത്തിലേക്കുള്ള ആദ്യ ട്രെയിന്‍ ഡല്‍ഹിയില്‍ നിന്നാകും; മുന്‍ഗണന വിദ്യാർഥികൾക്ക്: മുഖ്യമന്ത്രി [NEWS]

ആരോഗ്യ പ്രശ്നങ്ങളുണ്ടെന്ന തരത്തിൽ പ്രചരിച്ച വാർത്തകൾ അമിത്ഷാ നേരത്തെ തള്ളിയിരുന്നു. പ്രചരിച്ചത് വെറും കിംവദന്തികളാണെന്നും ആഭ്യന്തരമന്ത്രിയെന്ന നിലയിൽ കൊറോണ വൈറസുമായി ബന്ധപ്പെട്ട പ്രവർത്തനങ്ങളിലാണ് താനെന്നും അമിത്ഷാ ട്വിറ്ററിലൂടെ അറിയിച്ചിരുന്നു.
First published: May 9, 2020, 7:06 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading