പന്തളത്ത് കഞ്ചാവ് കേസ് പ്രതികള്‍ അയല്‍വാസിയുടെ വീടിന് തീയിട്ടു; തടയാനെത്തിയവര്‍ക്ക് നേരെ ആക്രമണം

പത്തനംതിട്ട: പന്തളത്ത് കഞ്ചാവ് കേസിലെ പ്രതികളായ യുവാക്കൾ വീട് ആക്രമിച്ച് തീയിട്ടു. പന്തളം മങ്ങാരം ആനക്കുഴി സ്വദേശി രേഖയുടെ വീടാണ് തീയിട്ടത്. സമീപവാസികളായ രാഹുൽ , അഖിൽ എന്നിവരാണ് ആക്രമണം നടത്തിയത്. യുവാക്കളും രേഖയുടെ മകൻ സൂരജും തമ്മിലുള്ള തർക്കങ്ങളാണ് ആക്രമണത്തിന് കാരണം.

Also Read – പ്രവാസിയുടെ വീട്ടിലെത്തി കാറുകൾ കത്തിച്ചവർ പിടിയിൽ; പിന്നിൽ ഗൾഫിൽ ഒരുമിച്ച് ജോലി ചെയ്യുന്നതിനിടെയുണ്ടായ തർക്കം

ഇന്നലെ ഉച്ചയോടെയാണ് യുവാക്കൾ രേഖയുടെ വീട്ടിൽ അതിക്രമിച്ച് കടന്ന് വീട്ടു ഉപകരണങ്ങൾ തല്ലി തകർത്ത് ഭീകരാന്തരീക്ഷം സൃഷ്ടിച്ച് വീടിന് തീയിട്ടത്. അക്രമം
തടയാൻ എത്തിയ അയൽവാസികൾക്ക് നേരെയും ആക്രമണമുണ്ടായി. സമീപത്തെ വീടുകൾക്ക് നേരെ കല്ലെറിഞ്ഞും ഭീഷണി മുഴക്കിയും അസഭ്യം പറഞ്ഞും ഭീകരാന്തരീക്ഷം സൃഷ്ടിച്ചാണ് യുവാക്കൾ മടങ്ങിയത്.