HOME » NEWS » Crime » GOLD SMUGGLING CASECUSTOMS AND NIA WILL AGAIN QUESTION CONSULATE GUNMAN JAYAGHOSH

Gold Smuggling Case | മൊഴിയിൽ വൈരുദ്ധ്യം; കോൺസുലേറ്റ് ഗൺമാൻ ജയഘോഷിനെ കസ്റ്റംസും എൻ.ഐ.എയും ചോദ്യം ചെയ്യും

ഫൈസൽ ഫരീദിന് വിമാനത്താവളത്തിൽ പരിശോധന ഇല്ലാതെ കടക്കാൻ സൗകര്യം ഒരുക്കിയത് ജയഘോഷുമായി ബന്ധമുള്ള കസ്റ്റംസ് ഉദ്യോഗസ്ഥാനാണെന്നും കണ്ടെത്തിയിട്ടുണ്ട്.

News18 Malayalam | news18-malayalam
Updated: July 26, 2020, 9:56 AM IST
Gold Smuggling Case | മൊഴിയിൽ വൈരുദ്ധ്യം; കോൺസുലേറ്റ് ഗൺമാൻ ജയഘോഷിനെ കസ്റ്റംസും എൻ.ഐ.എയും ചോദ്യം ചെയ്യും
ജയഘോഷ്, സ്വപ്ന സുരേഷ്
  • Share this:
കൊച്ചി: നയതന്ത്ര ബാഗേജിലെ സ്വർണക്കടത്ത് കേസുമായി ബന്ധപ്പെട്ട് യു.എ.ഇ കോൺസുലേറ്റിലെ ഗൺമാനായ ജയഘോഷിനെ കസ്റ്റംസും എൻ.ഐ.എയും വിളിച്ചു വരുത്തി ചോദ്യം ചെയ്യും. ജയഘോഷുമായി ബന്ധമുള്ള തിരുവനന്തപുരം വിമാനത്താവളത്തിലെ കസ്റ്റംസ് ഉദ്യോഗസ്ഥന് എതിരെയും അന്വേഷണം നടത്തുമെന്നാണ് വിവരം. ജയഘോഷിന്റെ മൊഴികളിലെ വൈരുദ്ധ്യവും ഇയാൾക്ക് സ്വർണ്ണക്കടത്തിനെ കുറിച്ച് അറിവുണ്ടായിരുന്നുവെന്നും സൂചനയെയും തുടർന്നാണ് വീണ്ടും ചോദ്യം ചെയ്യാൻ തീരുമാനിച്ചിരിക്കുന്നത്.

കോൺസുലേറ്റ് വിലാസത്തിൽ ദുബായിൽ നിന്നും സ്വർണം അയച്ച ഫൈസൽ ഫരീദിന് വിമാനത്താവളത്തിൽ പരിശോധന ഇല്ലാതെ കടക്കാൻ സൗകര്യം ഒരുക്കിയത് ജയഘോഷുമായി ബന്ധമുള്ള കസ്റ്റംസ് ഉദ്യോഗസ്ഥാനാണെന്നാണ് സൂചന. ഇതു സംബന്ധിച്ചും അന്വേഷണം നടത്താൻ കസ്റ്റംസ് തീരുമാനിച്ചിട്ടുണ്ട്.

TRENDING:#CourageInKargil| കാർഗിൽ യുദ്ധ വിജയത്തിന് ഇന്ന് 21 വയസ്; വിജയ സ്മരണയിൽ രാജ്യം[NEWS]വിവാഹത്തിൽ പങ്കെടുത്ത 43 പേർക്ക് കോവിഡ്; വധുവിന്റെ പിതാവിനെതിരെ പൊലീസ് കേസെടുത്തു[NEWS]പാഞ്ഞടുത്ത് ജെസിബി; രക്ഷകനായെത്തി ബൊലെറോ: മരണമുഖത്ത് നിന്ന് രക്ഷപെട്ട ഞെട്ടലിൽ യുവാവ്[NEWS]
ഇതിനിടെ തനിക്കു വധഭീഷണിയുണ്ടെന്നു കാണിച്ച് ജയഘോഷ് നൽകിയ പരാതി കെട്ടിച്ചമച്ചതെന്ന് അന്വേഷണസംഘം കണ്ടെത്തിയിരുന്നു. സ്വർണക്കടത്തു കേസ് പുറത്തുവന്നതിനു പിന്നാലെ ജയഘോഷ് ആത്മഹത്യാശ്രമം നടത്തിയിരുന്നു.

യുഎഇ കോൺസൽ ജനറൽ വിദേശത്തേക്കു മടങ്ങിയ വിവരം അറിയിക്കുന്നതിൽ ജയഘോഷ് വീഴ്ച വരുത്തിയതായി സിറ്റി പൊലീസ് കമ്മിഷണർ പുറത്തിറക്കിയ സസ്പെൻഷൻ ഉത്തരവിൽ പറയുന്നു. കൈവശം ഉണ്ടായിരുന്ന പിസ്റ്റൾ തിരിച്ചേൽപിക്കുന്നതിലും വീഴ്ചവരുത്തിയെന്നതും സർവീസ് ചട്ട ലംഘനമായി വ്യക്തമാക്കുന്നു.

നയതന്ത്ര പാഴ്സൽ വന്നതു പലപ്പോഴും താനും സ്വീകരിച്ചുവെന്നും സ്വപ്നയുടെ നിർദേശപ്രകാരമാണു ബാഗേജ് കടത്തിയതെന്നുമായിരുന്നു ജയഘോഷ് നേരത്തെ കസ്റ്റംസ്, എൻ.ഐ.എ സംഘങ്ങൾക്ക് മൊഴി നൽകിയിരുന്നു.
Published by: Aneesh Anirudhan
First published: July 26, 2020, 9:56 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories