Gold Smuggling | ഡിപ്ലൊമാറ്റിക് ബാഗേജിലെ സ്വർണക്കടത്ത്; ആശങ്ക രാജ്യ സുരക്ഷയിലും

തിരുവനന്തപുരം: യു എ ഇ കോൺസുലേറ്റിൻ്റെ പേരിലുള്ള സ്വർണക്കടത്ത് രാജ്യസുരക്ഷ സംബന്ധിച്ചും ആശങ്ക ഉയർത്തുന്നു. ഒരു വിദേശ രാജ്യത്തിൻ്റെ പേരിലുള്ള ഡിപ്ലൊമാറ്റിക് ബാഗേജുകൾ വിമാനത്താവളങ്ങളിൽ സാധാരണ പരിശോധിക്കാറില്ല. ഇതു മറയാക്കിയാണ് സ്വർണം കടത്തിയതെന്നാണ് പ്രാഥമിക വിവരം. 30 കിലോയോളം സ്വർണമാണ് പിടികൂടിയത്.  മൂന്ന് ദിവസം മുൻപാണ് തിരുവനന്തപുരത്തെ യു.എ.ഇ കോൺ‌സുലേറ്റിന്റെ ‌വിലാസത്തിൽ സ്വർണം എത്തിയത്.

അതേസമയം രാജ്യസുരക്ഷയെ ബാധിക്കുന്ന മറ്റേതെങ്കിലും ബാഹ്യ ഇടപെടലുകൾ ഇക്കാര്യത്തിലുണ്ടോയെന്നും പരിശോധിക്കുന്നുണ്ട്. ദേശീയ അന്വേഷണ ഏജൻസികൾ ഉൾപ്പെടെയുള്ളവർക്ക് കസ്റ്റംസ് റിപ്പോർട്ട് നൽകുമെന്നാണ് വിവരം. ഡിപ്ലൊമാറ്റിക് ബാഗേജിൽ ഇത്രയും വലിയൊരു സ്വർണവേട്ട നടത്തുന്നത് ആദ്യമാണ്.

Also Read- തിരുവനന്തപുരത്ത് വന്‍ സ്വര്‍ണവേട്ട; കണ്ടെത്തിയത് യു.എ.ഇ.കോണ്‍സുലേറ്റ് വിലാസത്തിലെ പാഴ്‍സലിൽ

എന്നാൽ ഡൽഹി, മുംബൈ എന്നിവിടങ്ങളിൽ ഇത്തരം സംഭവങ്ങൾ നടന്നതായി കസ്റ്റംസ് വൃത്തങ്ങൾ വ്യക്തമാക്കുന്നു. കേരളത്തിലെ ഏറ്റവും വലിയ സ്വർണവേട്ടയാണിത്. ഡി ആർ ഐ പിടികൂടിയ 25 കിലോയാണ് മുൻപ് നടത്തിയ ഏറ്റവും വലിയ സ്വർണവേട്ട.
TRENDING:COVID 19| നാല് ദിവസത്തിനിടെ സംസ്ഥാനത്ത് 804 രോഗബാധിതർ; ഉറവിടം അറിയാത്ത രോഗികളും കൂടുന്നു [NEWS]കൊണ്ടോട്ടിയിൽ വൻ കള്ളനോട്ടു വേട്ട; പിടിച്ചെടുത്തത് 10 ലക്ഷം രൂപയുടെ നോട്ടുകൾ [NEWS]കോവിഡ് നെഗറ്റീവായി വീട്ടിലെത്തി; ഡൽഹി മലയാളിയുടെ മരണം വീണ്ടും രോഗം സ്ഥിരീകരിച്ചതിന് പിന്നാലെ [NEWS]

പിടിച്ചെടുത്ത സ്വർണത്തിൻ്റെ തൂക്കം സംബന്ധിച്ച കൃത്യമായ വിവരം ഉടൻ അറിയിക്കുമെന്നും കസ്റ്റംസ് ഉദ്യോഗസ്ഥർ വ്യക്തമാക്കി.