• HOME
  • »
  • NEWS
  • »
  • crime
  • »
  • Arrest |എയ്ഡ്സ് രോഗം പടര്‍ത്താനായി ബന്ധുവായ 15കാരനെ പീഡിപ്പിച്ചു; 23കാരി അറസ്റ്റില്‍

Arrest |എയ്ഡ്സ് രോഗം പടര്‍ത്താനായി ബന്ധുവായ 15കാരനെ പീഡിപ്പിച്ചു; 23കാരി അറസ്റ്റില്‍

യുവതിയുടെ ഭര്‍ത്താവ് കഴിഞ്ഞ ഡിസംബറില്‍ എയ്ഡ്സ് ബാധിച്ച് മരിച്ചിരുന്നു. യുവതിയും എച്ച്‌ഐവി പോസിറ്റീവാണ്.

പ്രതീകാത്മക ചിത്രം

പ്രതീകാത്മക ചിത്രം

  • Share this:
    ഡെറാഡൂണ്‍: എയ്ഡ്‌സ് രോഗം പടര്‍ത്താനായി ബന്ധുവായ ആണ്‍കുട്ടിയെ ലൈംഗികാതിക്രമത്തിനിരയാക്കിയ കേസില്‍ 23കാരിയായ യുവതി അറസ്റ്റില്‍. 15 വയസ്സുള്ള ആണ്‍കുട്ടിയെയാണ് എച്ച്ഐവി ബാധിതയായ യുവതി ലൈംഗികാതിക്രമത്തിന് ഇരയാക്കിയത്. ഡെറാഡൂണിലെ ഉധംസിങ് നഗറിലാണ് സംഭവം.

    യുവതിയുടെ ഭര്‍ത്താവ് കഴിഞ്ഞ ഡിസംബറില്‍ എയ്ഡ്സ് ബാധിച്ച് മരിച്ചിരുന്നു. യുവതിയും എച്ച്‌ഐവി പോസിറ്റീവാണ്. ഇതേതുടര്‍ന്നുണ്ടായ പകയാണ് ഭര്‍ത്താവിന്റെ ജ്യേഷ്ഠന്റെ മകനെ ലൈംഗികാതിക്രമത്തിനിരയാക്കാന്‍ കാരണമായതെന്നാണ് പോലീസ് പറയുന്നത്.

    കഴിഞ്ഞ ഡിസംബറില്‍ ഭര്‍ത്താവിന്റെ മരണശേഷം യുവതി സ്വദേശമായ ഉത്തര്‍പ്രദേശിലേക്ക് മടങ്ങി. ഹോളിയോട് അനുബന്ധിച്ച് കേസിലെ ഇരയായ 15-കാരനും ഉത്തര്‍പ്രദേശിലെത്തിയിരുന്നു. ഈ സമയത്താണ് യുവതി കുട്ടിയെ ആദ്യമായി ലൈംഗികമായി ഉപദ്രവിച്ചത്. ദിവസങ്ങള്‍ക്ക് ശേഷം യുവതി ഉദ്ദംസിങ് നഗറിലെ വീട്ടിലെത്തി. ഇവിടെവെച്ചും പലതവണ 15-കാരനെ ലൈംഗികാതിക്രമത്തിനിരയാക്കി. സംഭവം പുറത്തുപറയരുതെന്ന് ഭീഷണിപ്പെടുത്തുകയും ചെയ്തു.

    എന്നാല്‍ ഏപ്രില്‍ രണ്ടാം തീയതി 15കാരന്റെ അമ്മ യുവതി കുട്ടിയെ ഭീഷണിപ്പെടുത്തുന്നത് നേരില്‍ കാണുകയായിരുന്നു. തുടര്‍ന്ന് മകനോട് കാര്യം തിരക്കിയപ്പോള്‍ കുട്ടി എല്ലാവിവരങ്ങളും വെളിപ്പെടുത്തുകയും ചെയ്തു. ഇതോടെയാണ് 15-കാരന്റെ മാതാപിതാക്കള്‍ പരാതിയുമായി പോലീസിനെ സമീപിച്ചത്.

    Murder |ലൈംഗികാതിക്രമം എതിര്‍ത്തു; സഹോദരന്റെ ഭാര്യയെയും കുഞ്ഞിനേയും ചുട്ടുകൊന്നു

    ലൈംഗികാതിക്രമം എതിര്‍ത്തതിന് സഹോദരന്റെ ഭാര്യയെയും കുഞ്ഞിനെയും യുവാവ് ജീവനോടെ ചുട്ടുകൊന്നു. മാര്‍ച്ച് രണ്ടിന് തമിഴ്നാട്ടിലെ ഡിണ്ടിഗല്‍ ജില്ലയിലെ നത്തം ഗ്രാമത്തിലാണ് സംഭവം. യുവതിയെയും ഒന്നര വയസ്സുള്ള കുഞ്ഞിനെയുമാണ് ഭര്‍ത്താവിന്റെ സഹോദരന്‍ ജീവനോടെ ചുട്ടെരിച്ചത്.

    22 കാരിയായ അഞ്ജലൈയും അവരുടെ കുട്ടി മലര്‍വിഴിയുമാണ് കൊല്ലപ്പെട്ടത്. ദിവസ വേതനക്കാരനായ ശിവകുമാറാണ് അഞ്ജലൈയുടെ ഭര്‍ത്താവ്. ഇവര്‍ കൂട്ടുകുടുംബമായാണ് കഴിഞ്ഞുവന്നത്. ശിവകുമാറിന്റെ സഹോദരന്‍ കറുപ്പയ്യ (30) അഞ്ജലൈയോട് മോശമായി പെരുമാറുകയും ബലാത്സംഗത്തിന് ശ്രമിക്കുകയും ചെയ്തിരുന്നു.

    ശനിയാഴ്ച ശിവകുമാര്‍ ജോലിക്ക് പോയതിന് ശേഷം അഞ്ജലൈ ആടുകളെ മേയ്ക്കാന്‍ പോയി. കറുപ്പയ്യ ഇവരെ പിന്തുടരുകയും ലൈംഗികമായി പീഡിപ്പിക്കാന്‍ ശ്രമിക്കുകയും ചെയ്തു. കുട്ടിക്കൊപ്പമുണ്ടായിരുന്ന അഞ്ജലൈ സഹായത്തിനായി നിലവിളിച്ചപ്പോള്‍ കറുപ്പയ്യ ഇരുവരെയും വെട്ടിവീഴ്ത്തുകയായിരുന്നു. പരിക്കേറ്റ രണ്ട് പേരെയും ഇയാള്‍ ജീവനോടെ കത്തിച്ചു.

    സംഭവമറിഞ്ഞെത്തിയ നാട്ടുകാര്‍ കറുപ്പയ്യയെ പിടികൂടി. തുടര്‍ന്ന് അമ്മയെയും കുട്ടിയെയും ഡിണ്ടിഗല്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ശിവകുമാര്‍ നല്‍കിയ പരാതിയുടെ അടിസ്ഥാനത്തില്‍ കറുപ്പയ്യക്കെതിരെ പൊലീസ് കേസെടുത്തു.
    Published by:Sarath Mohanan
    First published: