കുടുംബവഴക്കിനിടെ ഭാര്യയുടെ കാല്‍ കമ്പി വടികൊണ്ട് തല്ലിയൊടിച്ചു; ഭര്‍ത്താവ് അറസ്റ്റില്‍ 

വയനാട് പനമരത്ത് കുടുംബവഴക്കിനിടെ ഭാര്യയുടെ കാല്‍ കമ്പി വടികൊണ്ട് തല്ലിയൊടിച്ച ഭര്‍ത്താവ് അറസ്റ്റില്‍.  കുണ്ടാല നെടുമ്പാലക്കുന്ന് കോളനിയിലെ താമസക്കാരനായ ചന്ദ്രനാണ്  ഭാര്യയെ ആക്രമിച്ചത്. കമ്പിവടി കൊണ്ട് ഭാര്യയുടെ കാൽ തല്ലിയൊടിക്കുകയായിരുന്നു. വഴക്കിനിടെ ചന്ദ്രൻ ഭാര്യ മുത്തുവിനെ മർദിച്ച ശേഷം കമ്പിവടി ഉപയോഗിച്ച്  വലതുകാൽ തല്ലി ഒടിക്കുകയായിരുന്നു. ഇക്കഴിഞ്ഞ മെയ് അഞ്ചാം തീയതി രാത്രിയായിരുന്ന സംഭവം. വയനാട് പനമരം പൊലീസാണ് ചന്ദ്രനെ അറസ്റ്റ് ചെയ്തത്.