പൊലീസ് ഉദ്യോഗസ്ഥ ജീവനൊടുക്കിയത് സഹപ്രവർത്തകന്റെ ശല്യം കാരണമെന്ന് ഭർത്താവിന്റെ പരാതി

തൊടുപുഴ: പൊലീസ് ഉദ്യോഗസ്ഥയായ ഭാര്യ ജീവനൊടുക്കിയത് സഹപ്രവർത്തകന്റെ ശല്യം കാരണമെന്ന് ഭർത്താവിന്റെ പരാതി. കഴിഞ്ഞവർഷം ഡിസംബർ നാലിനാണ് കുമളി സ്റ്റേഷനിലെ സിപിഒ വാഗമൺ സ്വദേശി മെർലിൻ വിഷം കഴിച്ച് മരിച്ചത്. മെർലിന്റെ മരണം സഹപ്രവർത്തകന്റെ ശല്യം കാരണമെന്ന് ചൂണ്ടിക്കാട്ടി ഭർത്താവ് പ്രഭു സിങ് ഇടുക്കി ജില്ല പൊലീസ് മേധാവിക്ക് പരാതി നൽകി.

വാഗമണ്‍ പൊലീസ് സ്റ്റേഷനില്‍ മെർലിന്‍ ജോലി ചെയ്തിരുന്ന സമയത്ത് സഹപ്രവർത്തകനെതിരെ പ്രഭു സിങ് പരാതി നൽകിയിരുന്നു. തുടർന്ന് ആരോപണവിധേയനായ ഉദ്യോഗസ്ഥനെ ഇടുക്കിയിലേക്കും മെർലിനെ കുമളിയിലേക്കും സ്ഥലം മാറ്റിയിരുന്നു. ഇതിന് പിന്നാലെയായിരുന്നു മെർലിന്റെ ആത്മഹത്യ.

Also Read-മദ്യപസംഘത്തിന്റെ മർദനത്തിന് പിന്നാലെ അജയകുമാർ ജീവനൊടുക്കിയ സംഭവം; മകളുടെ പരാതിയിൽ അഞ്ചുപേർക്കെതിരെ കേസ്

കുമളി പൊലീസ് സ്റ്റേഷനിലേക്ക് ജോലിക്ക് ബസില്‍ പോകുന്നതിനിടെ താൻ വിഷം കഴിച്ചതായി സുഹൃത്തായ സിവില്‍ പൊലീസ് ഓഫീസറെ ഫോണില്‍ വിളിച്ചറിയിക്കുകയായിരുന്നു. ഉടൻ തന്നെ ഇവരെ കോട്ടയം മെഡിക്കൽ കോളേജിൽ പ്രവേശിപ്പിച്ചെങ്കിലും ഡിസംബർ നാലിന് മരിച്ചു.

Also Read-‘ഇല്ലാത്ത കേസ് കെട്ടിവച്ചു’; പൊലീസിനെ ഫോണിൽ വിളിച്ച് മരണമൊഴി അറിയിച്ച ശേഷം യുവാവ് ജീവനൊടുക്കി

കുടുംബപ്രശ്നങ്ങളാണ് ആത്മഹത്യയ്ക്ക് കാരണമെന്നായിരുമന്നു പ്രാഥമിക സൂചനകളെന്ന് പൊലീസ് പറഞ്ഞത്. മെറിന്റെ മരണത്തിന് ഒരു മാസത്തിന് ശേഷമാണ് ഭർത്താവിപ്പോൾ പരാതിയുമായി ജില്ലാ പൊലീസ് മേധാവിയെ സമീപിച്ചിരിക്കുന്നത്.