ചാലക്കുടിപുഴയുടെ തീരത്തെ വാറ്റു കേന്ദ്രം തകർത്തു ; 1200 ലിറ്റർ വാഷ് പിടികൂടി

തൃശ്ശൂർ : ചാലക്കുടി പുഴയുടെ തീരങ്ങളിൽ അനധികൃതമായി പ്രവർത്തിച്ച വൻ വാറ്റു കേന്ദ്രം തകർത്തു. വ്യാവസായിക അടിസ്ഥാനത്തിൽ വിൽപന നടത്തുന്ന കേന്ദ്രമാണ് അതിസാഹസികമായി തകർത്തത്. എക്സൈസ്, പൊലീസ്, ഫയർഫോഴ്സ് എന്നീ ഉദ്യോഗസ്ഥരുടെ സംയുക്ത ഓപ്പറേഷനിലൂടെയായിരുന്നു നീക്കം.

ചെങ്കുത്തായ പുഴയോരങ്ങളിലെ ചതുപ്പും പൊന്തക്കാടുകൾ നിറഞ്ഞതുമായ പ്രദേശങ്ങളാണ് ചാരായം വാറ്റുന്നതിന് സംഘം തെരഞ്ഞെടുത്തത്. ഉദ്യോഗസ്ഥർക്ക് എത്തിച്ചേരാൻ ബുദ്ധിമുട്ട് നിറഞ്ഞതായിരുന്നു പ്രദേശങ്ങൾ. രഹസ്യവിവരത്തിൻ്റെ അടിസ്ഥാനത്തിൽ ആയിരുന്നു ഓപ്പറേഷൻ.
You may also like:സ്ഥാനമൊഴിഞ്ഞ ചീഫ് സെക്രട്ടറിമാർക്കെല്ലാം പുതിയ പദവികൾ; പിണറായി സർക്കാരിൻ്റെ ഉദ്യോഗസ്ഥ സ്നേഹത്തിനു പിന്നിലെന്ത്?
[NEWS]VIRAL VIDEO | ഔദ്യോഗിക വാഹനത്തിൽ സെക്സിൽ ഏർപെട്ട് യുഎൻ ഉദ്യോഗസ്ഥൻ; വീഡിയോ കണ്ട് ഞെട്ടി യുഎൻ തലവൻ: അന്വേഷണത്തിന് ഉത്തരവ്
[PHOTO] Mia Khalifa| ടിക് ടോക്കിൽ താരമാകാൻ മിയ ഖലീഫ; പുതിയൊരു ലോകമെന്ന് താരം

ഉദ്യോഗസ്ഥർക്ക് നേരിട്ട് എത്തിച്ചേരാൻ കഴിയാത്തതിനാൽ  ഫയർഫോഴ്സിൻ്റെ സഹായത്തോടെ ഫൈബർ ബോട്ടും വള്ളവും  ഉപയോഗിച്ച് കുത്തൊഴുക്കുള്ള ചാലക്കുടി പുഴയോരങ്ങളിൽ  തിരച്ചിൽ നടത്തിയത്.

മണിക്കൂറുകൾ നീണ്ട തെരച്ചിലിൽ ചാലക്കുടി മേലൂർ വില്ലേജിൽ ചൂണ്ടാണികടവ് പരിസരത്ത് നിന്ന് ചാരായം വാറ്റുന്നതിന് പാകമായ 1200 ലിറ്റർ വാഷ് കണ്ടെത്തി കേസെടുത്തു. പ്രതികളെക്കുറിച്ച് ഊർജിതമായ അന്വേഷണം  ആരംഭിച്ചിട്ടുണ്ട്.  ഈ പ്രദേശങ്ങളിൽ ശക്തമായ പട്രോളിംഗ് തുടർന്നും നടത്താൻ തീരുമാനിച്ചിട്ടുണ്ട്.