നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • Cannabis | ഇടുക്കിയിലെ റിസോര്‍ട്ടിൽ ചെടിച്ചട്ടികളില്‍ കഞ്ചാവ് വളര്‍ത്തിയ വിദേശ പൗരന്മാര്‍ക്ക് കഠിന തടവും പിഴയും

    Cannabis | ഇടുക്കിയിലെ റിസോര്‍ട്ടിൽ ചെടിച്ചട്ടികളില്‍ കഞ്ചാവ് വളര്‍ത്തിയ വിദേശ പൗരന്മാര്‍ക്ക് കഠിന തടവും പിഴയും

    ചെടിച്ചട്ടികളില്‍ അഞ്ച് കഞ്ചാവ് ചെടികളാണ് ഇവര്‍ നട്ടുവളര്‍ത്തിയത്‌

    • Share this:
      ഇടുക്കി: റിസോര്‍ട്ടില്‍ (resort)  കഞ്ചാവ് ചെടി(Cannabis plant) വളര്‍ത്തിയതുമായി ബന്ധപ്പെട്ട കേസില്‍ രണ്ട് വിദേശ പൗരന്‍മാര്‍ക്ക് കഠിന തടവും പിഴയും ശിക്ഷ വിധിച്ച് കോടതി.

      ഈജിപ്ഷ്യന്‍ പൗരനായ ഏദല്‍ , ജര്‍മന്‍ പൗരന്‍ അള്‍റിച്ച് എന്നിവര്‍രെയാണ് കോടതി ശിക്ഷിച്ചത്. 2016 ലാണ് ഇവര്‍ക്കെതിരെ എക്‌സൈസ് കേസ് രജിസ്റ്റര്‍ ചെയ്യുന്നത്.

      ചെടിച്ചട്ടികളില്‍ അഞ്ച് കഞ്ചാവ് ചെടികളാണ് ഇവര്‍ നട്ടുവളര്‍ത്തിയത്‌. ഇവരില്‍ നിന്ന് 90 ഗ്രാം വീതം കഞ്ചാവും ഹാഷിഷും പിടികൂടിയിരുന്നു.കഞ്ചാവ് ചെടികള്‍ വളര്‍ത്തിയതിന് രണ്ട് പേര്‍ക്കും നാല് വര്‍ഷം കഠിന തടവും ഒരു ലക്ഷം രൂപ വീതം പിഴയും ഒടുക്കന്‍ കോടതി ഉത്തരവിട്ടു.

      അതേ സമയം കഞ്ചാവും ഹാഷിഷ് ഓയിലും കൈവശം വെച്ച കുറ്റത്തിന് ഒരുമാസം കഠിന തടവും പതിനായിരം പിഴയും കോടി വിധിച്ചു.

      Karippur |കരിപ്പൂർ വിമാനത്താവളത്തിൽ കടത്താൻ ശ്രമിച്ച സ്വർണവും വിദേശ കറൻസികളും പിടികൂടി

      കരിപ്പൂർ വിമാനത്താവളത്തിൽ(Karippur airport) അനധികൃതമായി കടത്താൻ ശ്രമിച്ച 1998 ഗ്രാം സ്വർണവും(gold) വിദേശ കറൻസികളും(foreign currency)  എയർപോർട്ട് ഇൻ്റലിജൻസ് പിടികൂടി. മലപ്പുറം സ്വദേശി മങ്കരതൊടി മുജീബ് ആണ് സ്വർണം കടത്താൻ ശ്രമിച്ചത്. ഇയാള്‍ സ്വർണം ചതുര കഷ്ണങ്ങൾ ആക്കി മുറിച്ച് ബ്ലൂടൂത്ത് സ്പീക്കറിൻ്റെ ബാറ്ററി റീ ചാർജ് ചേംബറിൽ ഒളിപ്പിച്ച് ആണ് കൊണ്ട് വരാൻ ശ്രമിച്ചത്. ആകെ 12 കഷ്ണങ്ങൾ ആയി മുറിച്ച് സൂക്ഷിച്ച സ്വർണത്തിൻ്റെ തൂക്കം 1998 ഗ്രാം ആണ്. 98 ലക്ഷം രൂപയാണ് ഇതിൻ്റെ മൂല്യം കണക്കാക്കുന്നത്. ദുബായിൽ നിന്ന് വന്ന FZ 8743 വിമാനത്തിലെ യാത്രക്കാരൻ ആണ് മുജീബ്.

      ഷാർജയിൽ നിന്ന് വന്ന നാല് യാത്രക്കാർ ആണ് വിദേശ കറൻസിയുമായി പിടിയിൽ ആയത്. പിടിച്ചെടുത്ത വിദേശ കറൻസികളുടെ മൂല്യം 36 ലക്ഷം രൂപ വരും. കോഴിക്കോട് പാറക്കടവ് സ്വദേശി നങ്കടിയിൽ മുഹമ്മദ് അനസ്, മലപ്പുറം പുള്ളിപ്പറമ്പ് സ്വദേശി കറുത്തേടത്ത് മുഹമ്മദ് മുഷ്താഖ്, മലപ്പുറം ചേലേമ്പ്ര സ്വദേശി വടക്കേക്കര റഷീദ്, കോഴിക്കോട് പഴൂർ സ്വദേശി വയോലി യാസിർ അഹമദ് എന്നിവരിൽ നിന്ന് ആണ് വിദേശ കറൻസികൾ പിടികൂടിയത്.

      മുഹമ്മദ് അനസിൽ നിന്നും  14,61,561 രൂപ മൂല്യമുള്ള വിദേശ കറൻസി ആണ് പിടിച്ചെടുത്തത്. ഇതിൽ 100 ഡോളർ 50 എണ്ണം ഉണ്ട്. ബാക്കി പണം സൗദി റിയാൽ ആണ്. മുഹമ്മദ് മുഷ്താഖ് 5,63,961 രൂപ മൂല്യം ഉള്ള റിയാലും റഷീദിൻ്റെ പക്കൽ നിന്നും 11,05,846 രൂപ മൂല്യം വരുന്ന റിയാലും കണ്ടെടുത്തു. 4,76,850 രൂപ മൂല്യം വരുന്ന റിയാൽ ആണ് യാസിർ അഹമ്മദിൻ്റെ കൈവശം ഉണ്ടായിരുന്നത്. ഷാർജയിൽ നിന്നുള്ള IX 353 വിമാനത്തിലെ യാത്രക്കാർ ആണ് മുഹമ്മദ് മുഷ്താഖും, റഷീദും, യാസിർ അഹമ്മദും. ഷാർജയിൽ നിന്നുള്ള G9 488 വിമാനത്തിൽ ആണ് അനസ് കരിപ്പൂരിൽ ഇറങ്ങിയത്.

      സംഭവത്തിൽ ആരെയും അറസ്റ്റ് ചെയ്തിട്ടില്ല. വിദേശ കറൻസിയുടെ മൂല്യം 20 ലക്ഷം രൂപയിൽ മുകളിലാണെങ്കിൽ മാത്രമാണ് അറസ്റ്റ് നടപടികളിലേക്ക് കടക്കുക. ഇവർ ഇതിൻ്റെ പിഴ പിന്നീട് അടക്കണം. സ്വർണം കടത്തിയ മുജീബിൻ്റ അറസ്റ്റ് രേഖപ്പെടുത്തിയ ശേഷം രണ്ട് പേരുടെ ജാമ്യത്തിൽ വിട്ടയച്ചു. പിടിച്ചെടുത്ത സ്വർണത്തിൻ്റെ മൂല്യം ഒരു കോടിക്ക് മുകളിൽ ആയെങ്കിൽ മാത്രമേ പ്രതിയെ റിമാൻഡ് ചെയ്യൂ.

      Read also: Drug Seized | മലപ്പുറത്ത് വന്‍ മയക്കുമരുന്ന് വേട്ട; പോലീസ് പിടിച്ചെടുത്തത് 311 ഗ്രാം MDMA

      ഡെപ്യൂട്ടി കമ്മീഷണർ ഡോക്ടർ ശ്രീജു എസ് എസിൻ്റെ നേതൃത്വത്തിൽ സൂപ്രണ്ട് മാരായ പ്രമോദ് കുമാർ സവിത, റഫീഖ് ഹസ്സൻ, ഇൻസ്പെക്ടർമാരായ സന്ദീപ് നൈൻ, ശശിധരൻ ടി വി, രാജീവ് കെ , ധന്യാ കെ പി , പരിവേഷ് കുമാർ സ്വാമി , ആൻറണി സിസി, രാഹുൽ ടി രാജ് ,സനിത് കുമാർ കെ. ടി എന്നിവർ ആണ് പരിശോധന നടത്തിയത്
      Published by:Jayashankar AV
      First published:
      )}