നാലു വയസുള്ള മകനെ കൊലപ്പെടുത്തി; ഇന്ത്യൻ യുവതിക്കെതിരെ അമേരിക്കയിൽ കൊലക്കുറ്റം ചുമത്തി

ഹൂസ്റ്റൺ: നാലു വയസുള്ള മകനെ കൊലപ്പെടുത്തിയ കേസിൽ ഇന്ത്യൻ വംശജായായ സ്ത്രീയ്ക്കെതിരെ അമേരിക്കയിൽ കൊലക്കുറ്റം ചുമത്തി. ടെക്സാസിലാണ് സംഭവം. കൊലപാതകത്തിൽ പ്രതിയായ റിതിക റോഹത്ഗി അഗർവാളിനെ(36) പൊലീസ് അറസ്റ്റ് ചെയ്തു.

ടെക്സാസിലെ ഷുഗർ ലാൻഡിലുള്ള വീട്ടിലാണ് നാലുവയസുകാരനെ മരിച്ചനിലയിൽ കണ്ടെത്തിയത്.
ഫോർട്ട് ബെൻഡ് കൗണ്ടി മജിസ്‌ട്രേറ്റാണ് റിതിക അഗർവാളിനെതിരെ കൊലക്കുറ്റം ചുമത്തിയത്. പ്രോസിക്യൂഷൻ റിപ്പോർട്ട് പരിഗണിച്ചാൻ നടപടി.

പുറത്തുപോയിരുന്ന കുട്ടിയുടെ പിതാവ് വീട്ടിൽ തിരിച്ചെത്തിയപ്പോഴാണ് സംഭവം അറിഞ്ഞത്. രക്തം തളംകെട്ടി നിൽക്കുന്നത് പരിശോധിച്ചപ്പോഴാണ് മുകളിലത്തെ നിലയിലുള്ള മുറിയിൽ മകനെ മരിച്ച നിലയിൽ കണ്ടെത്തിയത്. ഭാര്യ പരിക്കുകളോടെ വീടിന് ചുറ്റുംനടക്കുന്നതും കണ്ടു. ഇതോടെ വിവരം പൊലീസിൽ അറിയിക്കുകയായിരുന്നു. പൊലീസ് എത്തി ചോദ്യം ചെയ്തപ്പോൾ കൊലപാതകം നടത്തിയ കാര്യം കുട്ടിയുടെ മാതാവ് സമ്മതിക്കുകയായിരുന്നു. ഉടൻതന്നെ അവരെ അറസ്റ്റ് ചെയ്തു.
You may also like:ഞാൻ ഇന്ത്യയിൽ ആയിരുന്നെങ്കിൽ എന്ന് ആശിക്കുന്നു; കോവിഡ് ലക്ഷണങ്ങളുമായി മലേഷ്യയിലെ ആശുപത്രിയില്‍ പോയ മലയാളി [NEWS]നിരീക്ഷണത്തിലിരിക്കെ ആശുപത്രിക്കെട്ടിടത്തിൽ നിന്ന് ചാടി മരിച്ചു; പരിശോധനാഫലം വന്നപ്പോൾ നെഗറ്റീവ് [NEWS]വിദേശികളുടെ വിവരം അമൃതാനന്ദമയി മഠം മറച്ചുവെച്ചു; കേസെടുക്കണമെന്ന് ആലപ്പാട് പഞ്ചായത്ത് [NEWS]
മൂർച്ചയേറിയ ആയുധം ഉപയോഗിച്ച് കുട്ടിയുടെ കഴുത്ത് മുറിച്ചാണ് കൊലപാതകം നടത്തിയത്. റിതിക അഗർവാളിന്‍റെ കഴുത്തിലും കൊത്തണ്ടയിലും ആഴത്തിൽ മുറിവേറ്റിട്ടുണ്ട്. പൊലീസ് ഇവരെ അറസ്റ്റ് ചെയ്തശേഷം ആശുപ്തിരയിൽ പ്രവേശിപ്പിച്ചു. ആശുപത്രിയിൽനിന്ന് ഡിസ്ചാർജ് ചെയ്തശേഷമാണ് പ്രതിയെ പൊലീസ് കസ്റ്റഡിയിലെടുത്തത്. റിതിക അഗർവാളിന് മാനസിക അസ്വാസ്ഥ്യമുള്ളതായി പൊലീസ് പറയുന്നു.