കോൺഗ്രസ് നേതാവ് പ്രതിയായ പീഡനക്കേസ്; പണം വാഗ്ദാനം ചെയ്ത ഐഎന്‍ടിയുസി ജില്ലാ ട്രഷറര്‍ അറസ്റ്റില്‍

കല്‍പ്പറ്റ: കോണ്‍ഗ്രസ് നേതാവ് പ്രതിയായ പീഡനക്കേസ് ഒതുക്കിത്തീര്‍ക്കാന്‍ ശ്രമിച്ച ഐഎന്‍ടിയുസി ജില്ലാ ട്രഷറര്‍ അറസ്റ്റില്‍. ഒളിവിലായിരുന്ന ഉമ്മര്‍ കൊണ്ടോട്ടില്‍ ആണ് അറസ്റ്റിലായത്.

പീഡനക്കേസില്‍ പ്രതിയായ മുൻ ഡിസിസി അംഗം  ഒ.എം ജോര്‍ജിനെ രക്ഷിക്കാന്‍ പെണ്‍കുട്ടിയുടെ മാതാപിതാക്കള്‍ക്ക് പണം വാഗ്ദാനം ചെയ്‌തെന്ന കേസിലാണ് ഉമ്മറിനെ അറസ്റ്റു ചെയ്തത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.

പെണ്‍കുട്ടിയുടെ മാതാപിതാക്കള്‍ മുഖ്യമന്ത്രിക്ക് പരാതി നല്‍കിയതിനെ തുടര്‍ന്നാണ് ഉമ്മറിനെതിരെ കേസെടുക്കാന്‍ പൊലീസ് തയാറായത്. ഉമ്മര്‍ കൊണ്ടോട്ടില്‍ പണം വാഗ്ദാനം ചെയ്‌തെന്ന് പെണ്‍കുട്ടിയുടെ മാതാപിതാക്കള്‍ കേസിന്റെ അന്വേഷണഘട്ടത്തില്‍ പൊലീസിനെ അറിയിച്ചിരുന്നു. എന്നാല്‍ ജോര്‍ജ്ജ് കീഴടങ്ങിയിട്ടും ഉമ്മറിനെതിരെ കേസെടുക്കാന്‍ പൊലീസ് തയാറായില്ല. ഇതേത്തുടര്‍ന്നാണ് അന്വേഷണ ഉദ്യഗസ്ഥനെ മാറ്റണമെന്ന് ആവശ്യപ്പെട്ട് മാതാപിതാക്കള്‍ പരാതി നല്‍കിയത്. ഇതേത്തുടര്‍ന്ന് ഉമ്മറിനെതിരെ കേസെടുക്കുകയായിരുന്നു.

Also Read ക്ലാസ് മുറിയില്‍ അധ്യാപികയെ കൊലപ്പെടുത്തിയ സംഭവം; പ്രതി ആത്മഹത്യ ചെയ്തു

വീട്ടു ജോലിക്കു നിന്നിരുന്ന ദമ്പതികളുടെ പ്രായപൂർത്തിയാകാത്ത മകളെ പീഡിപ്പിച്ച കേസിലാണ് ഒ.എം ജോർജ് അറസ്റ്റിലായത്.