നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • കഠിനംകുളം കൂട്ടബലാത്സംഗം: പ്രതികളെ കുടുക്കി അഞ്ചുവയസുകാരൻ്റെ മൊഴി

    കഠിനംകുളം കൂട്ടബലാത്സംഗം: പ്രതികളെ കുടുക്കി അഞ്ചുവയസുകാരൻ്റെ മൊഴി

    ഇതോടെ സംഘത്തിലുൾപ്പെട്ട 7 പേരിൽ നാല് പേർക്കെതിരെ കൂട്ടബലാത്സംഗത്തിന് പുറമെ പോക്സോ വകുപ്പും ചുമത്തി.

    പ്രതീകാത്മക ചിത്രം

    പ്രതീകാത്മക ചിത്രം

    • Share this:
    തിരുവനന്തപുരം: കഠിനംകുളം കൂട്ട ബലാത്സംഗ കേസിൽ പ്രതികൾക്ക് കുരുക്കായി ഇരയുടെ മകന്റെ മൊഴി. പ്രതികൾ അമ്മയെ ഉപദ്രവിക്കുന്നത് കണ്ടെന്ന് അഞ്ചു വയസുകാരൻ പൊലീസിന്  മൊഴി നൽകി.

    ചാന്നാങ്കരയിലെ ആളൊഴിഞ്ഞ പുരയിടത്തിൽ പ്രതികൾ യുവതിയെ എത്തിച്ചപ്പോൾ മൂത്തമകനും ഒപ്പമുണ്ടായിരുന്നു. ഇവിടെ വെച്ച് അമ്മയെ ഉപദ്രവിക്കുന്നത് കണ്ടു എന്നും പ്രതികൾ തന്നെ തള്ളിയിട്ട ശേഷം മർദിച്ചുമെന്നാണ് മകന്റെ മൊഴി. ഇതോടെ സംഘത്തിലുൾപ്പെട്ട 7 പേരിൽ നാല് പേർക്കെതിരെ കൂട്ടബലാത്സംഗത്തിന് പുറമെ പോക്സോ വകുപ്പും ചുമത്തി.

    മൻസൂർ, അക്ബർ ഷാ, അർഷദ്, നൗഫൽ എന്നിവർക്കെതിരെയാണ് പോക്സോ ചുമത്തിയത്. കൂട്ട ബലാത്സംഗ കേസിൽ മുഖ്യ പ്രതികളിലൊരാൾ കൂടിയായ നൗഫലിനെ ഇതുവരെ പിടികൂടിയിട്ടില്ല.

    യുവതിയുടെ മുഖത്തും ശരീരത്തിലും നഖത്തിന്റെയും പല്ലിന്റെയും പാടുകൾ കണ്ടെത്തിയതും, പ്രാഥമിക മെഡിക്കൽ റിപ്പോർട്ടും ബലാത്സംഗം നടന്നതിന് തെളിവാണെന്ന് പൊലീസ് വ്യക്തമാക്കി. പ്രതികൾക്കെതിരെ ശക്തമായ തെളിവുകൾ ലഭിച്ചതായി ആറ്റിങ്ങൽ   ഡി വൈ എസ് പി എസ്  വൈ സുരേഷ് പറഞ്ഞു.യുവതിയുടെ വസ്ത്രങ്ങൾ ഫോറൻസിക് പരിശോധനക്ക് അയച്ചു. ലൈംഗികാതിക്രമം സ്ഥിരീകരിക്കുന്നതിന് വേണ്ടിയാണ് നടപടി.

    TRENDING:Covid 19| ഒറ്റദിവസത്തിനിടെ 294 മരണം; 9887 പോസിറ്റീവ് കേസുകൾ; രോഗം മോശമായി ബാധിച്ച രാജ്യങ്ങളിൽ ഇറ്റലിയെ മറികടന്ന് ഇന്ത്യ [NEWS]'സിപിഎമ്മാണ് കോടതിയും പൊലീസും' പരാമർശം; വനിതാ കമ്മീഷന്‍ നിയമ സംവിധാനങ്ങളെ വെല്ലുവിളിക്കുന്നുവെന്ന് കെ. സുരേന്ദ്രന്‍‌‌ [NEWS]Reliance Jio| ഫേസ്ബുക്ക് മുതൽ സിൽവർ ലേക്ക് വരെ; ആറാഴ്ചക്കിടെ ജിയോയിൽ എത്തിയത് 92,202 കോടിയുടെ നിക്ഷേപം [NEWS]

    കസ്റ്റഡിയിലായിരുന്ന മനോജിന്റെ അറസ്റ്റ് രാവിലെ രേഖപ്പെടുത്തിയതോടെ അറസ്റ്റിലായവരുടെ എണ്ണം ആറായി. യുവതിയെ ബലംപ്രയോഗിച്ച് ഓട്ടോ റിക്ഷയിൽ കയറ്റിക്കൊണ്ടുപോയതിലടക്കം മനോജിന്റെ പങ്ക് കണ്ടെത്തിയിരുന്നു. അറസ്റ്റിലായ ആറ് പ്രതികളെയും കോടതിയിൽ ഹാജരാക്കിയ ശേഷം കാരക്കോണത്തുള്ള ജയിൽ വകുപ്പിന്റെ കോവിഡ് നിരീക്ഷണ കേന്ദ്രത്തിലേക്ക് മാറ്റും.
    Published by:Rajesh V
    First published: