കത്വ കൂട്ടബലാത്സംഗ കൊലക്കേസ്: മൂന്നുപേർക്ക് ജീവപര്യന്തം

സാഞ്ജി റാം, പർവേസ് കുമാർ, ദീപക് ഖജൂരിയ എന്നിവർക്ക് ജീവപര്യന്തം ലഭിച്ചത്. മൂന്നു പൊലീസുകാർക്ക് അഞ്ചുവർഷം തടവിന് ശിക്ഷിച്ചു

news18
Updated: June 11, 2019, 7:04 AM IST
കത്വ കൂട്ടബലാത്സംഗ കൊലക്കേസ്: മൂന്നുപേർക്ക് ജീവപര്യന്തം
kathua
  • News18
  • Last Updated: June 11, 2019, 7:04 AM IST
  • Share this:
ശ്രീനഗര്‍: രാജ്യ മനഃസാക്ഷിയെ നടുക്കിയ കത്വ കൂട്ട ബലാത്സംഗ കൊലക്കേസില്‍ മൂന്നു പ്രതികൾക്ക് ജീവപര്യന്തം ശിക്ഷ വിധിച്ചു. സാഞ്ജി റാം, പർവേസ് കുമാർ, ദീപക് ഖജൂരിയ എന്നിവർക്ക് ജീവപര്യന്തം ലഭിച്ചത്. മൂന്നു പൊലീസുകാർക്ക് അഞ്ചുവർഷം തടവിന് ശിക്ഷിച്ചു. പൊലീസുകാരായ ആനന്ദ് ദത്ത, തിലക് രാജ്, സുരേന്ദർ വർമ എന്നിവർക്കാണ് അഞ്ചു വർഷം തടവും പിഴയും വിധിച്ചത്. നേരത്തെ കേസിൽ ഏഴു പ്രതികളും കുറ്റക്കാരാണെന്ന് പത്താൻകോട്ടിലെ ജില്ലാ സെഷൻസ് കോടതി വിധിച്ചിരുന്നു. ഒരാളെ കോടതി വെറുതെവിട്ടിരുന്നു. ജമ്മു കശ്മീരിലെ കത്വയില്‍ എട്ട് വയസ്സുകാരിയെ തട്ടിക്കൊണ്ട് പോയി കൂട്ടബലാത്സംഘത്തിന് ഇരയാക്കി കൊലപ്പെടുത്തിയ കേസിലാണ് നിർണായക വിധി.

2018 ജനുവരിയിലായിരുന്നു രാജ്യവ്യാപക പ്രതിഷേധങ്ങള്‍ക്ക് ഇടയാക്കിയ കത്വ കൂട്ടബലാത്സംഗം. ജമ്മു കശ്മീരിലെ കത്വയില്‍ എട്ട് വയസുകാരിയെ തട്ടിക്കൊണ്ട് പോയി ദിവസങ്ങളോളം ലൈംഗികമായി പീഡിപ്പിക്കുകയും കൊലപ്പെടുത്തുകയും ചെയ്തുവെന്നാണ് പ്രോസിക്യൂഷന്‍ കേസ്. നാടോടി സമുദായമായ ബക്കര്‍വാളുകളെ കത്വയിലെ രസാന ഗ്രാമത്തില്‍ നിന്ന് പുറന്തള്ളാൻ ലക്ഷ്യമിട്ടായിരുന്നു കൃത്യമെന്നും കുറ്റപത്രം. എട്ട് പ്രതികളാണ് കേസില്‍ ഉള്‍പ്പെട്ടിരിക്കുന്നത്.

കത്വ കൊലപാതകം; രാജ്യത്തെ നടുക്കിയ കേസിൽ ഇതുവരെ സംഭവിച്ചത്

ഗ്രാമത്തിലെ പൗരപ്രമുഖനും മുന്‍ റവന്യൂ ഉദ്യോഗസ്ഥനുമായ സഞ്ജി റാമാണ് മുഖ്യ ഗൂഢാലോചന നടത്തിയത്. ഇയാളുടെ അധീനതയിലുള്ള ദേവിസ്ഥാനിലാണ് പീഡനം നടന്നത്. സജ്ഞി റാമിന്റെ മകന്‍ വിശാല്‍, പ്രായപൂര്‍ത്തിയെത്താത്ത അനന്തരവന്‍, സുഹൃത്ത്, സ്‌പെഷ്യല്‍ പൊലീസ് ഓഫീസര്‍ ദീപക് കജൂരിയ എന്നിവര്‍ കൃത്യങ്ങളില്‍ നേരിട്ട് പങ്കെടുത്തു. കേസാദ്യം അന്വേഷിച്ച എസ് ഐ ആനന്ദ് ദത്ത, ഹെഡ് കോണ്‍സ്റ്റബിള്‍ തിലക് രാജ്, സ്‌പെഷ്യല്‍ പൊലീസ് ഓഫീസര്‍ സുരേന്ദര്‍ വര്‍മ എന്നിവര്‍ തെളിവ് നശിപ്പിക്കാനും കൂട്ട് നിന്നു.

പ്രായം സംബന്ധിച്ച തര്‍ക്കം ഹൈക്കോടതിയുടെ പരിഗണനയിലായതിനാല്‍ പ്രായപൂര്‍ത്തിയെത്താത്ത ഒരു പ്രതിയുടെ വിചാരണ ആരംഭിച്ചിട്ടില്ല. കുറ്റപത്രം കത്വ കോടതിയില്‍ സമര്‍പ്പിക്കാന്‍ ഒരു കൂട്ടം അഭിഭാഷകര്‍ അനുവദിച്ചിരുന്നില്ല. തുടര്‍ന്ന് സുപ്രിം കോടതിയാണ് വിചാരണ പഠാന്‍കോട്ടിലെ അതിവേഗ കോടതിയിലേക്ക് മാറ്റിയത്. കോടതിയുത്തരവ് പ്രകാരം നടന്നത് രഹസ്യ വിചാരണ. 275 തവണ ഹിയറിങ് നടന്നു. 132 സാക്ഷികളെ വിസ്തരിച്ചു. രാഷ്ട്രീയ ലക്ഷ്യത്തോടെ സജ്ഞി റാമിനെയും മകനെയും പൊലീസ് ഉദ്യോഗസ്ഥരെയും കേസില്‍ പെടുത്തിയതാണെന്നാണ് പ്രതിഭാഗത്തിന്റെ വാദം.

കത്വ കേസിൽ വിധിപ്രസ്താവത്തിന്‍റെ പശ്ചാത്തലത്തില്‍ കോടതിയിലും പരിസരത്തും സുരക്ഷ ശക്തമാക്കിയിട്ടുണ്ട്.
First published: June 10, 2019, 5:01 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading