പീഡിപ്പിക്കപ്പെട്ടു എന്ന പരാതിയുമായി നടി; സ്വകാര്യ ചിത്രങ്ങൾ കാട്ടി ഭീഷണിപ്പെടുത്തുന്നുവെന്നും ആരോപണം: പൊലീസ് അന്വേഷണം തുടങ്ങി

ബംഗളൂരു: ലഹരി വസ്തു നൽകി അബോധാവസ്ഥയിലാക്കി പീഡിപ്പിച്ചു എന്ന പരാതിയുമായി നടി. തമിഴ്-തെലുങ്ക് ചിത്രങ്ങളിൽ അഭിനയിച്ചിട്ടുള്ള മുപ്പതുകാരിയാണ് ബംഗളൂരു ആസ്ഥാനമായി പ്രവർത്തിക്കുന്ന ഒരു കമ്പനി സിഇഒ ആയ മോഹിത് എന്നയാൾക്കെതിരെ പീഡന പരാതി നൽകിയിരിക്കുന്നത്. പ്രമുഖ തെലുങ്ക് മാധ്യമമാണ് ഈ വാർത്ത പുറത്ത് വിട്ടിരിക്കുന്നത്.

ബംഗളൂരുവിലെ ഒരു പ്രമുഖ കമ്പനിയുടെ സിഇഒ എന്ന പേരിലാണ് മോഹിത് പരിചയപ്പെട്ടതെന്നാണ് പരാതിയിൽ പറയുന്നത്. നടിയെ തന്‍റെ കമ്പനിയുടെ ബ്രാൻഡ് അംബാസഡര്‍മാരിലൊരാളാക്കുകയും ചെയ്തു. കുറച്ച് നാളുകൾക്ക് ശേഷം സാമ്പത്തിക പ്രതിസന്ധിയിലാണെന്ന് പറഞ്ഞ് ഇവരിൽ നിന്ന് പണം കടം വാങ്ങിയിരുന്നുവെന്നും പറയുന്നു. 2019 ജൂൺ 22ന് മോഹിത് തന്‍റെ പിറന്നാൾ ആഘോഷങ്ങൾക്കായി നടിയെ ക്ഷണിച്ചിരുന്നു. ഇവിടെ വച്ച് എന്തോ മരുന്നു നൽകി അബോധാവസ്ഥയിലാക്കി പീഡനത്തിനിരയാക്കിയെന്നാണ് പരാതി.
TRENDING: Triple LockDown in Thiruvananthapuram | തിരുവനന്തപുരത്ത് ട്രിപ്പിൾ ലോക്ക്ഡൗൺ അറിയേണ്ടതെല്ലാം [NEWS]Gold Smuggling In Diplomatic Channel | മുഖ്യപ്രതി IT വകുപ്പിൽ ഉദ്യോഗസ്ഥ; കോൺസുലേറ്റ് മുൻ പി.ആർ.ഒ കസ്റ്റഡ‍ിയിൽ; അന്വേഷണം എങ്ങോട്ടു തിരിയും? [NEWS]Sukanya Samriddhi Scheme| ജൂലൈ 31നകം മകളുടെ പേരിൽ ഒരു അക്കൗണ്ട് തുറക്കാം; 21 വയസ്സ് തികയുമ്പോൾ 64 ലക്ഷം നേടാം [NEWS]
പീഡനദൃശ്യങ്ങൾ ചിത്രീകരിച്ച് ബ്ലാക്ക് മെയിൽ ചെയ്തിരുന്നുവെന്നും നടി ആരോപിക്കുന്നുണ്ട്. 'ദൃശ്യങ്ങൾ പുറത്തുവിടുമെന്ന് ഭീഷണിപ്പെടുത്തി മാസങ്ങളോളം പണം തട്ടിയെടുത്തിരുന്നു.. ഏകദേശം ഇരുപത് ലക്ഷേത്തോളം രൂപ ഇത്തരത്തിൽ ഇയാൾ തട്ടിയെടുത്തിട്ടുണ്ടെന്നാണ് പരാതിയിൽ പറയുന്നത്. മകന്‍റെ പ്രവർത്തികളെക്കുറിച്ച് ഇയാളുടെ മാതാപിതാക്കളെ അറിയിച്ചിരുന്നുവെങ്കിലും ഇവരും മകനെ പിന്തുണയ്ക്കുന്ന സമീപനം തന്നെയാണ് സ്വീകരിച്ചതെന്നാണ് ആരോപണം.

പരാതിയുടെ അടിസ്ഥാനത്തിൽ ലഭ്യമായ തെളിവുകൾ ഉപയോഗിച്ച് പൊലീസ് അന്വേഷണം ആരംഭിച്ചിട്ടുണ്ട്.