കൂടത്തായി; ആളൂർ വക്കാലത്ത് ഏറ്റെടുത്തത് ജോളിയുടെ അറിവോടെയല്ലെന്ന് അഭിഭാഷകർ

കോഴിക്കോട്: കൂടത്തായി കൊലപാതക പരമ്പരയിൽ ജോളിയുടെ വക്കാലത്തിൽ തർക്കം ഉന്നയിച്ച് അഭിഭാഷകർ. ജോളി ഉൾപ്പെടെയുള്ള മൂന്നു പ്രതികളുടെ ജാമ്യാപേക്ഷ പരിഗണിക്കുന്നതിനിടെ താമരശേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയിലാണ് നടകീയ രംഗങ്ങൾ അരങ്ങേറിയത്.

ജോളിയുടെ വക്കാലത്ത് ആളൂര്‍ ഏറ്റെടുത്തത് പ്രതിയുടെ അറിവോടെയല്ലെന്ന് സംശയിക്കുന്നതായി  ബാര്‍ അസോസിയേഷന്‍ പ്രസിഡന്റ് എടി രാജു കോടതിയെ അറിയിച്ചു.  വിഷയത്തില്‍ കോടതി ഇടപെടണമെന്നും അദ്ദേഹം ആവശ്യപ്പെട്ടു.

സ്വന്തമായി  വക്കീലിനെ നിയമിക്കാൻ സാധിക്കാത്ത പ്രതിക്ക് നിയമസഹായം നല്‍കുന്ന പതിവുണ്ട്. അതിനായി അഭിഭാഷകനെ നിയോഗിക്കേണ്ടത് കോടതിയാണെന്നും അഭിഭാഷകർ ചൂണ്ടിക്കാട്ടി.  എന്നാല്‍ ജോളിയുടെ ജാമ്യാപേക്ഷ തള്ളിയ സാഹചര്യത്തില്‍ ഇതു പ്രസക്തമല്ലെന്ന നിലപാടിലായിരുന്നു കോടതി.

ജാമ്യാപേക്ഷ തള്ളിയ കോടതി  ജോളി ഉൾപ്പെടെയുള്ള മൂന്നു പ്രതികളെ  അടുത്തമാസം രണ്ടുവരെ റിമാന്‍ഡ് ചെയ്തു.

Also Read 'സത്യം മൂടിവയ്ക്കാൻ കഴിയാത്ത ശവക്കല്ലറകൾ'; മിസ് കുമാരി മുതൽ കൂടത്തായി വരെ