• HOME
  • »
  • NEWS
  • »
  • crime
  • »
  • തിരുവനന്തപുരത്ത് മാലിന്യ കൂമ്പാരത്തിൽ നിന്നു കിട്ടിയ കാലുകൾ തമിഴ്നാട്ടിലെ ഗുണ്ടാനേതാവിന്റേത്; രണ്ടുപേർ കസ്റ്റഡിയിൽ

തിരുവനന്തപുരത്ത് മാലിന്യ കൂമ്പാരത്തിൽ നിന്നു കിട്ടിയ കാലുകൾ തമിഴ്നാട്ടിലെ ഗുണ്ടാനേതാവിന്റേത്; രണ്ടുപേർ കസ്റ്റഡിയിൽ

കണ്ടെടുത്ത കാൽപ്പാദങ്ങളെക്കൂടാതെ ബാക്കി ശരീരഭാഗങ്ങൾ കണ്ടെത്താൻ തെളിവെടുപ്പ് തുടരുകയാണ്

  • Share this:
    തിരുവനന്തപുരം: മുട്ടത്തറയിലെ മാലിന്യ നിക്ഷേപ കേന്ദ്രത്തിൽ കണ്ടെത്തിയ കാലുകള്‍ തമിഴ്നാട്ടിലെ കന്യാകുമാരിയിൽ നിന്നുള്ള ഗുണ്ടാനേതാവിന്റേത്. സംഭവത്തിൽ വലിയതുറ സ്വദേശികളായ മനു രമേഷ്, ഷെഹിന്‍ ഷാ എന്നിവര പൊലീസ് കസ്റ്റഡിയിലെടുത്തു. ഗുണ്ടാനേതാവിനെ വെട്ടിക്കൊന്ന് കഷ്ണങ്ങളാക്കിയത് ഇവർ ഉൾപ്പെടുന്ന സംഘമാണെന്നാണ് കണ്ടെത്തൽ. ഓഗസ്റ്റ് 14നാണ് രണ്ട് കാലുകള്‍ തിരുവനന്തപുരം മുട്ടത്തറയില്‍ മാലിന്യ നിക്ഷേപ കേന്ദ്രത്തിൽ കണ്ടെത്തിയത്. തുടർന്ന് പൊലീസ് നടത്തിയ അന്വേഷണത്തിലാണ് ഗുണ്ടാസംഘങ്ങളുടെ പകയെത്തുടര്‍ന്നുള്ള കൊലപാതകമാണിതെന്ന് കണ്ടെത്തിയത്.

    Also Read- ബുദ്ധസന്യാസിനിയുടെ വേഷത്തിൽ ചാരപ്രവർത്തനം; ചൈനീസ് യുവതി ഡൽഹിയിൽ പിടിയിൽ

    തമിഴ്നാട്ടിലെ ഗുണ്ടാ നേതാവാണ് കൊല്ലപ്പെട്ടതെന്ന് വ്യക്തമായെങ്കിലും ഡിഎൻഎ പരിശോധനയ്ക്കുശേഷമേ ഇയാളുടെ പേരു വെളിപ്പെടുത്തൂ. തിരുവനന്തപുരം, കന്യാകുമാരി ജില്ലകളിൽ കാണാതായ ആളുകളുടെ വിവരങ്ങൾ ശേഖരിച്ചു നടത്തിയ പരിശോധനയിൽനിന്നാണd കൊല്ലപ്പെട്ടത് ഗുണ്ടാനേതാവ് ആയിരിക്കുമെന്ന നിഗമനത്തിൽ എത്തിയത്. ഓഗസ്റ്റ് 12 മുതൽ ഇയാളെ കാണാതായിരുന്നു. തുടർന്നാണ് ഇയാളുമായി ശത്രുതയിലുള്ള ഗുണ്ടകളെ അന്വേഷിച്ചതും അറസ്റ്റിലായവരിലേക്ക് എത്തുന്നതും. ഒന്നാം പ്രതിയായ മനു രമേഷിന്റെ അമ്മ കന്യാകുമാരി സ്വദേശിയാണ്. മാത്രമല്ല, അവിടുത്തെ ചില കേസുകളിൽ ഇയാൾ പ്രതിയുമാണ്.

    Also Read- പത്ത് പവൻ സ്വർണം മോഷ്ടിച്ച പൊലീസുകാരൻ അറസ്റ്റിൽ; മോഷണം സുഹൃത്തിന്റെ വീട്ടിൽ നിന്ന്

    കൊല്ലപ്പെട്ട ഗുണ്ടാനേതാവും തമിഴ്നാട്ടിൽ കൊലപാതകം അടക്കമുള്ള കേസുകളിൽ പ്രതിയാണ്. ഇരുസംഘങ്ങളും തമ്മിൽ ഗുണ്ടാപ്പക ഉണ്ടായിരുന്നതിനാൽ ഓഗസ്റ്റ് 13ന് മറ്റൊരാൾ വഴി ഗുണ്ടാനേതാവിനെ തിരുവനന്തപുരത്തേക്ക് വിളിച്ചുവരുത്തി കൊല്ലുകയായിരുന്നു. മനു രമേഷാണ് കൊലപാതകം നടത്തിയതെന്നും കഷ്ണങ്ങളാക്കിയ മൃതദേഹം പല സ്ഥലങ്ങളിൽ ഉപേക്ഷിച്ചതിന് പിന്നിൽ രണ്ടാം പ്രതിയായ ഷഹിൻഷാ ആണെന്നും പൊലീസ് പറയുന്നു. കൂടുതൽ ആളുകൾ കൃത്യത്തിൽ പങ്കാളികണാണോ എന്ന് ചോദ്യംചെയ്യലിനുശേഷമേ വ്യക്തമാകൂ.

    Also Read- പാലക്കാട് മകനെ വെട്ടിക്കൊന്ന ശേഷം അച്ഛന്‍ തൂങ്ങിമരിച്ചു

    കണ്ടെടുത്ത കാൽപ്പാദങ്ങളെക്കൂടാതെ ബാക്കി ശരീരഭാഗങ്ങൾ കണ്ടെത്താൻ തെളിവെടുപ്പ് തുടരുകയാണ്. അതേസമയം, എവിടെയാണ് തെളിവെടുപ്പ് നടക്കുന്നതെന്ന് പൊലീസ് പുറത്തുവിട്ടിട്ടില്ല. ശംഖുമുഖം അസിസ്റ്റന്റ് കമ്മീഷണറുടെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്.
    Published by:Rajesh V
    First published: