നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • നാദാപുരം എസ്ഐയെ ഭീഷണിപ്പെടുത്തിയയാളെ പൊലീസ് വിദഗ്ദ്ധമായി പിടികൂടി

    നാദാപുരം എസ്ഐയെ ഭീഷണിപ്പെടുത്തിയയാളെ പൊലീസ് വിദഗ്ദ്ധമായി പിടികൂടി

    കണ്ണൂരിൽ വെച്ചാണ് സമീമിനെ പിടികൂടിയത്. പോലീസിനെ കബളിപ്പിച്ച് മുങ്ങിയ സമീമിനെ പിന്തുടർന്ന് വിദഗ്ദമായി പിടികൂടുകയായിരുന്നു.

    Sameem_arrest

    Sameem_arrest

    • Share this:
      കണ്ണൂർ: നാദാപുരം കടമേരി ആക്രമണക്കേസിലെ മൂന്നാം പ്രതി സമിം അറസ്റ്റിലായി. ഇയാൾ നാദാപുരം എസ്ഐയെ ഭീഷണിപ്പെടുത്തുന്ന വീഡിയോ സമൂഹമാധ്യമങ്ങളിൽ പ്രചരിച്ചിരുന്നു. കണ്ണൂരിൽ വെച്ചാണ് സമീമിനെ പിടികൂടിയത്. പോലീസിനെ കബളിപ്പിച്ച് മുങ്ങിയ സമീമിനെ പിന്തുടർന്ന് വിദഗ്ദമായി പിടികൂടുകയായിരുന്നു. അക്രമസംഘത്തിലെ ഒരാളെന്ന് അവകാശപ്പെട്ടാണ് നാദാപുരം എസ് ഐ യെ ഭീഷണിപ്പെടുത്തുന്ന വീഡിയോ കഴിഞ്ഞ ദിവസം പുറത്തുവന്നിരുന്നു.

      കഴിഞ്ഞ ദിവസം കണ്ണൂരിൽ നിന്നെത്തിയ അക്രമി സംഘം കടമേരിയിൽ നടത്തിയ അക്രമത്തിൽ നാട്ടുകാർക്ക് ഉൾപ്പെടെ പരിക്കേറ്റിരുന്നു. സംഭവത്തിൽ ഒരാളെ നേരത്തെ പോലീസ് അറസ്റ്റ് ചെയ്തിരുന്നു. അക്രമി സംഘം സഞ്ചരിച്ച ഒരു വാഹനവും നാദാപുരം പോലീസ് കസ്റ്റഡിയിലെടുത്തിരുന്നു. കടമേരി സ്വദേശിയുമായി ചില സാമ്പത്തിക ഇടപാടുള്ള കണ്ണൂരിലെ ഹാനിയെന്നയാളുടെ സംഘമാണ് അക്രമമുണ്ടാക്കിയത്. ഇയാളുടെ വാഹനം കടമേരി സ്വദേശി നാട്ടിലെത്തിച്ചിരുന്നു. ഇത് തിരികെ പിടിക്കാനാണ് സംഘം എത്തിയത്.

      ഈ വാഹനവും പോലീസ് കസ്റ്റഡിയിലെടുത്തിരുന്നു. വാഹനം എടുത്ത സ്ഥലത്തെത്തിക്കണമെന്നും ഭീഷണിയിലുണ്ട്. ഭീഷണി വീഡിയോ പുറത്തുവിട്ട ആളെ കുറിച്ചും പോലീസിന് വിവരം ലഭിച്ചിട്ടുണ്ട്. ഭീഷണിയെ പോലീസ് അതീവ ഗൗരവത്തോടെയാണ് കാണുന്നത്. ഇരു സംഘങ്ങളുടെയും മറ്റ് ഇടപാടുകളും പോലീസ് അന്വേഷിക്കുന്നുണ്ട്.

      'സൂക്ഷിച്ചു കളിക്കണം, അല്ലെങ്കിൽ ജീവന് ഭീഷണിയാണ്'- എന്നാണ് സമീം വീഡിയോയിൽ പറഞ്ഞത്. നാദാപുരംകാരും സൂക്ഷിക്കണമെന്ന് സമീം വീഡിയോയിൽ പറയുന്നുണ്ട്. വീഡിയോ പുറത്തുവന്നതോടെ ഇയാളെ പിടികൂടാൻ പൊലീസ് അന്വേഷണം വ്യാപകമാക്കിയിരുന്നു. എന്നാൽ പലതവണ ഇയാൾ പൊലീസിനെ വെട്ടിച്ചുകടന്നു. ഒടുവിൽ കണ്ണൂരിൽനിന്നാണ് സമീമിനെ പൊലീസ് പിടികൂടിയത്.

      അടിവസ്ത്രം മാറുന്ന വീഡിയോ വനിതാ ജീവനക്കാരുളള ഗ്രൂപ്പിൽ; KSRTC ഡ്രൈവർക്ക് സസ്പെൻഷൻ

      തിരുവനന്തപുരം: അടിവസ്ത്രം മാറുന്ന വീഡിയോ വനിതാ ജീവനക്കാരുള്ള സമൂഹമാധ്യമ ഗ്രൂപ്പിൽ പോസ്റ്റ് ചെയ്ത കെ എസ് ആർ ടി സി ജീവനക്കാരന് സസ്പെൻഷൻ. തിരുവനന്തപുരം ആറ്റിങ്ങൽ ഡിപ്പോയിലെ ഡ്രൈവർ എം സാബുവിനാണ് സസ്പെൻഷൻ ലഭിച്ചത്. വസ്ത്രം മാറുന്ന ദൃശ്യങ്ങൾ സ്വയം ചിത്രീകരിച്ചാണ് ഇദ്ദേഹം സോഷ്യൽ മീഡിയയിൽ പോസ്റ്റ് ചെയ്തത്. അന്വേഷണ വിധേയമായാണ് സാബുവിനെ സസ്പെൻഴഡ് ചെയ്തത്.

      Also Read- ലൈംഗികാതിക്രമ പരാതി ഉന്നയിച്ച് പ്ലസ്ടു വിദ്യാർത്ഥിനി ആത്മഹത്യ ചെയ്തു; പിന്നാലെ അധ്യാപകനും ജീവനൊടുക്കി

      കെ എസ് ആർ ടി സിയുടെ അംഗീകൃത യൂണിയന്‍റെ വാട്സാപ്പ് ഗ്രൂപ്പിലാണ് സാബു വീഡിയോ പോസ്റ്റ് ചെയ്തത്. വീട്ടിൽവെച്ച് അടിവസ്ത്രം ധരിക്കുന്ന ദൃശ്യമാണ് വീഡിയോയിലുള്ളത്. സംഭവം വിവാദമായതോടെ, നെടുമങ്ങാട് ഇൻസ്പെക്ടർ ബി ഗിരീഷിന് മാനേജ്മെന്‍റ് അന്വേഷണ ചുമതലയേൽപ്പിച്ചു. അന്വേഷണ റിപ്പോർട്ടിന്‍റെ അടിസ്ഥാനത്തിലാണ് ഇപ്പോൾ സാബുവിനെ സസ്പെൻഡ് ചെയ്തത്.

      എം സാബുവിനെ സസ്പെൻഡ് ചെയ്തുകൊണ്ടുള്ള ഉത്തരവിൽ രൂക്ഷമായ പരാമർശങ്ങളുണ്ട്. ഗുരുതരമായ സ്വഭാവദൂഷ്യമാണ് കണ്ടെത്തിയതെന്നും ഇതിന്‍റെ അടിസ്ഥാനത്തിലാണ് സസ്പെൻഷനെന്നും ഗതാഗതവകുപ്പ് അഡീഷണൽ സെക്രട്ടറി മുഹമ്മദ് അൻസാരിയുടെ ഉത്തരവിൽ പറയുന്നു. വീഡിയോ സമൂഹമാധ്യമങ്ങളിലൂടെ പ്രചരിച്ചത് അവമതിപ്പ് ഉണ്ടാക്കി. കൂടാതെ ജീവനക്കാരുടെ ഫോൺ ഓൺലൈൻ ക്ലാസിനായി മക്കൾ ഉപയോഗിക്കുന്നതിനാൽ ഈ വിഷയം കുടുംബങ്ങളിലും അവമതിപ്പുണ്ടാക്കി. ആറ്റിങ്ങൽ ഡിപ്പോയിലെ ജീവനക്കാരനാണെങ്കിലും വർക്കിങ് അറേഞ്ച്മെന്‍റ് വ്യവസ്ഥയിൽ തിരുവനന്തപുരം സെൻട്രൽ ഡിപ്പോയിൽ ജോലി ചെയ്തുവരുന്നതിനിടെയാണ് സാബുവിന് സസ്പെൻഷൻ ലഭിച്ചത്.
      Published by:Anuraj GR
      First published:
      )}