റെയിൽവേ സ്റ്റേഷൻ പരിസരത്തുവെച്ച് പതിനേഴുകാരിയെ പീഡിപ്പിക്കാൻ ശ്രമം; പ്രതി പിടിയില്‍

കൊച്ചി: 17 വയസ്സുള്ള പെൺകുട്ടിയെ പീഡിപ്പിക്കാൻ ശ്രമിച്ച കേസിലെ പ്രതിയെ പൊലീസ് അറസ്റ്റ് ചെയ്തു. മലപ്പുറം സ്വദേശി ഷുഹൈബുവിനെയാണ് കളമശേരി പൊലിസ് അറസ്റ്റു ചെയ്തത് .

also read:'കെട്ടിട ലൈസൻസിന് അപേക്ഷിച്ച പ്രവാസിയോട് ആവശ്യപ്പെട്ടത് 5000 രൂപ'; ഉദ്യോഗസ്ഥയെ നാടകീയമായി കുടുക്കി വിജിലൻസ്

കഴിഞ്ഞ 24 നാണ് തൃശ്ശൂർ സ്വദേശിയായ വിദ്യാർത്ഥിനിയെ കളമശ്ശേരി റെയിൽവേ സ്റ്റേഷൻ പരിസരത്തുവച്ച് പ്രതി പീഡിപ്പിക്കാൻ ശ്രമിച്ചത്. ഏലൂർ ഫാക്ട് സ്കൂളിൽ സിനിമ ചിത്രീകരണത്തിൽ പങ്കെടുക്കാൻ വന്ന വിദ്യാർത്ഥിനിയെയാണ് പീഡനത്തിനിരയാക്കാൻ ശ്രമിച്ചത്.

ഷൂട്ടിങ്ങ് സെറ്റിൽ വെച്ച് പരിചയപ്പെട്ട പ്രതി തന്ത്രപൂർവ്വം പെൺകുട്ടിയെ റെയിൽവേ സ്റ്റേഷൻ പരിസരത്തേക്ക് കൂട്ടികൊണ്ടുപോയി പീഡിപ്പിക്കാൻ ശ്രമിക്കുകയായിരുന്നു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി. ഇയാൾക്കെതിരെ മലപ്പുറം ജില്ലയിൽ നിരവധി കേസുകളുണ്ട്.