ഭിന്നശേഷിക്കാരനായ 10 വയസുകാരനെ പീഡിപ്പിച്ച പ്രതിക്ക് 33 വർഷം കഠിന തടവ് ശിക്ഷ

തൃശ്ശൂർ: ഭിന്നശേഷിക്കാരനായ കുട്ടിയെ പീഡനത്തിന് ഇരയാക്കിയ പ്രതിക്ക് കനത്ത ശിക്ഷ വിധിച്ച് കോടതി. 33 കൊല്ലം കഠിന തടവും ഒരു ലക്ഷം രൂപ പിഴയുമാണ് ശിക്ഷ വിധിച്ചത്. കൊടുങ്ങല്ലൂർ പുല്ലൂറ്റ് ഉഴത്ത് കടവ് സ്വദേശി സതീശനെയാണ് ശിക്ഷിച്ചത്. തൃശൂർ ഒന്നാം അഡീഷണൽ ജില്ലാ ജഡ്ജ് പി എൻ വിനോദ് ശിക്ഷ വിധിച്ചത്.

2021 ഡിസംബർ 29 നാണ് കേസിനാസ്പദമായ സംഭവം നടന്നത്. 10 വയസുകാരന്‍ വീട്ടിൽ മാതാപിതാക്കൾ ഇല്ലാത്ത സമയത്ത് പ്രതി പീഡിപ്പിച്ചത്. കുട്ടിയെ വീടിന് സമീപത്തെ കുറ്റികാട്ടിലെത്തിച്ച് പീഡിപ്പിക്കുകയായിരുന്നു.