നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • Bank on Fire | വായ്പ അനുവദിക്കാത്തതിന് ബാങ്കിന് തീയിട്ടു; യുവാവ് പിടിയില്‍

    Bank on Fire | വായ്പ അനുവദിക്കാത്തതിന് ബാങ്കിന് തീയിട്ടു; യുവാവ് പിടിയില്‍

    ബാങ്ക് വായ്പ അനുവദിക്കാത്തതിലുള്ള അസ്വസ്ഥതയാണ് പ്രോകപനത്തിന് കാരണമെന്ന് പൊലീസ് വ്യക്തമാക്കി

    • Share this:
      ബെംഗളൂരു: വായ്പ അനുവദിക്കാത്തതിനെ തുടര്‍ന്ന് ബാങ്കിന് തീയിട്ടു യുവാവ്. കര്‍ണാടകയില്‍ ഹാവേരി ജില്ലയില്‍ ഞായറാഴ്ചയാണ് സംഭവം നടന്നത്. ബാങ്ക് വായ്പ അനുവദിക്കാത്തതിലുള്ള അസ്വസ്ഥതയാണ് പ്രോകപനത്തിന് കാരണമെന്ന് പൊലീസ് വ്യക്തമാക്കി. സംഭവത്തില്‍ പ്രതി പിടിയിലായി.

      വായ്പ അനുവദിക്കണമെന്ന് ആവശ്യപ്പെട്ട് പ്രതി ബാങ്കിനെ സമീപിച്ചിരുന്നു. രേഖകള്‍ പരിശോധിച്ച് ബാങ്ക് വായ്പ നിഷേധിക്കുകയായിരുന്നു. തുടര്‍ന്ന് ഞായറാഴ്ച ബാങ്കിന് തീയിടുകയായിരുന്നു. 436,477,435 എന്നീ വകുപ്പുകള്‍ ചേര്‍ത്ത് പ്രതിയ്‌ക്കെതിരെ കേസെടുത്തതായി പൊലീസ് വ്യക്തമാക്കി.

      ബാങ്കിന് തീയിട്ട രട്ടിഹള്ളി സ്വദേശി വസീം അക്രം മുല്ല (33)യെയാണ് പോലീസ് അറസ്റ്റുചെയ്തത്. കാഷ് കൗണ്ടറിലെ ഉപകരണങ്ങള്‍ , കംപ്യൂട്ടര്‍, പ്രിന്റര്‍, സി.സി.ടി.വി. ക്യാമറ, സ്‌കാനര്‍, ഫാന്‍, നോട്ടെണ്ണല്‍ യന്ത്രം എന്നിവ കത്തിനശിച്ചു. തീയിട്ട ശേഷം രക്ഷപ്പെടാന്‍ ശ്രമിച്ച വസീമിനെ പ്രദേശവാസികള്‍ പിടികൂടി പോലീസില്‍ ഏല്‍പ്പിക്കുകയായിരുന്നു. അഗ്നിനിരക്ഷാ സേനയെത്തിയാണ് തീയണച്ചത്.

      ഇതിനിടെ ബാങ്കിലെ ജീവനക്കാര്‍ക്കും തീവെയ്പ്പില്‍ പങ്കുള്ളതായി നാട്ടുകാരുടെ ആരോപണം കേസ് പുതിയ വഴിത്തിരിവിലെത്തിച്ചിരിക്കുകയാണ്. രേഖകള്‍ നശിപ്പിക്കാന്‍ ആസൂത്രിതമായ നീക്കം നടത്തിയിട്ടുണ്ടെന്നാണ് നാട്ടുകാര്‍ ആരോപിക്കുന്നത്.

      വായ്പ നിഷേധിച്ചതിനാണ് താന്‍ ബാങ്കിന് തീയിട്ടതെന്ന് വസീം പോലീസിനോട് സമ്മതിച്ചിട്ടുണ്ടെങ്കിലും നാട്ടുകാര്‍ ഇത് പൂര്‍ണമായി വിശ്വസിക്കാന്‍ തയ്യാറായിട്ടില്ല. അന്വേഷണത്തിന്റെ ഭാഗമായി പോലീസ് നാട്ടുകാരുടെ മൊഴിയും രേഖപ്പെടുത്തി. ചില തെളിവുകളും പ്രദേശവാസികള്‍ പോലീസ് കൈമാറിയിട്ടുണ്ട്

      Also Read-Orissa HC | കൊടുംകുറ്റവാളി ധാരാ സിംഗിന്റെ ജീവപര്യന്തം ഒറീസ ഹൈക്കോടതി ശരിവെച്ചു; വിചാരണക്കോടതി വിധിയ്‌ക്കെതിരെയുള്ള അപ്പീൽ തള്ളി

      Murder | രണ്ടാമത് വിവാഹം കഴിക്കണം; ഭാര്യയെ കൊന്ന് വീടിനുള്ളില്‍ കുഴിച്ചുമൂടി ഭര്‍ത്താവ്

      ബംഗളൂരു: രണ്ടാം വിവാഹത്തിനായി ഭാര്യയെ കൊന്ന് വീടിനുള്ളില്‍ കുഴിച്ചുമൂടി. ചിത്രദുര്‍ഗ കൊനനേരു സ്വദേശി സുമയാണ് കഴിഞ്ഞ മാസം 26 ന് കൊല്ലപ്പെട്ടത്. രണ്ടാമത് വിവാഹം കഴിക്കാനായാണ് നാല്‍പ്പതുകാരനായ കരിയപ്പ ഭാര്യ സുമയെ തലയ്ക്കടിച്ച് കൊന്നത്. കൊലപാതകത്തിന് പിന്നാലെ ഭാര്യയെ കാണാനില്ലെന്ന് പറഞ്ഞ് പൊലീസില്‍ പരാതി നല്‍കി.

      രണ്ട് ദിവസം മുമ്പാണ് ഭാര്യയെ കാണാനില്ലെന്ന് പറഞ്ഞ് കരിയപ്പ പൊലീസില്‍ പരാതി നല്‍കിയത്. വഴക്കിട്ട് വീട്ടില്‍ നിന്ന് ഭാര്യ ഇറങ്ങിപോയെന്നും പിന്നിട് കണ്ടിട്ടില്ലെന്നുമായിരുന്നു പരാതി. കരിയപ്പയുടെ മൊഴിയിലും പെരുമാറ്റത്തിലും സംശയം തോന്നിയ പൊലീസ് വീടിനുള്ളില്‍ പരിശോധന നടത്തി.

      സ്വീകരണ മുറിയില്‍ ആഴത്തില്‍ കുഴിയെടുത്ത് മറവ് ചെയ്ത മൃതദേഹം പരിശോധനയില്‍ കണ്ടെത്തി. പൊലീസ് അന്വേഷണത്തില്‍ ക്രൂര കൊലപാതകത്തിന്റെ വിവരം പുറത്ത് വന്നതോടെ ഒളിവില്‍പ്പോയ പ്രതിയെ പൊലീസ് അറസ്റ്റ് ചെയ്തു.

      Also Read-Drug Party | വയനാട്ടിലെ റിസോര്‍ട്ടില്‍ ലഹരി പാര്‍ട്ടി; കിര്‍മാണി മനോജ് അടക്കം 16 പേര്‍ കസ്റ്റഡിയില്‍; MDMA പിടികൂടി

      മൃതദേഹം മറവ് ചെയ്ത ശേഷം കരിയപ്പ തറ ടൈലിട്ട് ഉറപ്പിച്ചിരുന്നു. സംശയം തോന്നാതിരിക്കാന്‍ ഈ ഭാഗത്ത് ഫര്‍ണീച്ചറുകള്‍ ഇട്ട് അലങ്കരിക്കുകയും ചെയ്തു. കൊനനേരു സ്വദേശിയായ മറ്റൊരു യുവതിയെ വിവാഹം കഴിക്കാനായിരുന്നു ഇരുമ്പ് കമ്പി കൊണ്ട് ഭാര്യയെ തലയ്ക്കടിച്ച് കൊലപ്പെടുത്തിയത്. ആറ് വര്‍ഷം മുമ്പായിരുന്നു കരിയപ്പയുടേയും സുമയുടേയും വിവാഹം. ഇരുവര്‍ക്കും അഞ്ച് വയസ്സുള്ള ഒരു മകനുണ്ട്.
      Published by:Jayesh Krishnan
      First published: