ഭാര്യയുടെ നഗ്ന ദൃശ്യം വാട്സ്ആപ്പ് സ്റ്റാറ്റസ് ആക്കി; തനിക്കെതിരെ പരാതി നൽകിയതിന് ഭർത്താവിന്റെ പ്രതികാരം

ഭാര്യയുടെ നഗ്ന ദൃശ്യങ്ങൾ വാട്സ് ആപ് (WhatsApp)സ്റ്റാറ്റസിലൂടെ പ്രചരിപ്പിച്ച സംഭവത്തിൽ യുവാവിനെതിരെ കേസ്. ഭാര്യ നൽകിയ പരാതിയുടെ അടിസ്ഥാനത്തിലാണ് യുവാവിനെതിരെ പൊലീസ് കേസെടുത്തത്. തന്നെ ഭർത്താവും ഭർതൃവീട്ടുകാരും ശാരീരികമായും മാനസികമായും പീഡിപ്പിച്ചിരുന്നതായി യുവതിയുടെ പരാതിയിൽ പറയുന്നു.

മുംബൈയിലാണ് സംഭവം. മുപ്പതുകാരനായ ഭർത്താവിനെതിരെയാണ് കേസ്. ഭർത്താവിന്റേയും വീട്ടുകാരുടേയും നിരന്ത പീഡനം മൂലം ഇരുപത്തിയെട്ടുകാരിയായ യുവതി രണ്ട് കുഞ്ഞുങ്ങളുമായി കഴിഞ്ഞ വർഷം അവസാനം സ്വന്തം വീട്ടിലേക്ക് മാറി താമസിച്ചിരുന്നു.

ഇതിനു പിന്നാലെയാണ് ഭർത്താവിനും വീട്ടുകാർക്കുമെതിരെ യുവതി പൊലീസിൽ പരാതി നൽകിയത്. തന്റെ പേരിലുള്ള വീട് നൽകാൻ ഭർത്താവും വീട്ടുകാരും നിർബന്ധിച്ചിരുന്നതായും യുവതിയുടെ പരാതിയിൽ പറയുന്നു.
Also Read-Moral Policing| സദാചാര ഗുണ്ടായിസം; തൃശൂരിൽ പെൺകുട്ടിയുമായി ബൈക്കിൽ സഞ്ചരിച്ച വിദ്യാർഥിക്ക് ക്രൂരമർദനം

യുവതിയുടെ പരാതിയുടെ അടിസ്ഥാനത്തിൽ പൊലീസ് ഭർത്താവിനും വീട്ടുകാർക്കും നോട്ടീസ് അയച്ചിരുന്നു. പരാതി നൽകരുതെന്ന് യുവാവ് ഭാര്യയോട് ആവശ്യപ്പെട്ടിരുന്നെങ്കിലും യുവതി ഇത് തള്ളി. ഇതോടെ പ്രകോപിതനായ യുവാവ് ഭാര്യയുടെ ദൃശ്യങ്ങൾ വാട്സ്ആപ്പിലൂടെ പ്രചരിപ്പിക്കുകയായിരുന്നു.
Also Read-Sreekanth Vettiyar | ശ്രീകാന്ത് വെട്ടിയാറിനെതിരായ ബലാത്സംഗ കേസ്; പരാതിക്കാരിയുടെ രഹസ്യ മൊഴിയെടുത്തു

ഭാര്യയുടെ കുളിമുറി ദൃശ്യങ്ങളാണ് ഇയാൾ വാട്സ് ആപ് സ്റ്റാറ്റസിൽ അപ് ലോഡ് ചെയ്തത്. ഈ മാസം ആദ്യമായിരുന്നു സംഭവം. യുവതിയുടെ സഹോദരി സ്റ്റാറ്റസ് കണ്ട് വിവരം അറിയിക്കുകയായിരുന്നു.

ഭാര്യ തനിക്കൊപ്പമുണ്ടായിരുന്ന സമയത്ത് രഹസ്യമായി ചിത്രീകരിച്ചതായിരുന്നു. ഇയാൾ ദൃശ്യങ്ങൾ വാട്സ്ആപ്പിൽ പങ്കുവെച്ചത് യുവതി അറിഞ്ഞിരുന്നില്ല. സഹോദരിയാണ് വിവരം അറിയിച്ചത്. തുടർന്ന് യുവതി പൊലീസിൽ പരാതി നൽകി. പരാതി നൽകിയതിനു പിന്നാലെ ഇയാൾ ഒളിവിലാണ്.