• HOME
  • »
  • NEWS
  • »
  • crime
  • »
  • Theft Case | പേര്‍ഷ്യന്‍ പൂച്ചകളെ മോഷ്ടിച്ച് മുണ്ടിനുള്ളിലാക്കി കടത്തി; മോഷണക്കേസില്‍ പ്രതി പിടിയില്‍

Theft Case | പേര്‍ഷ്യന്‍ പൂച്ചകളെ മോഷ്ടിച്ച് മുണ്ടിനുള്ളിലാക്കി കടത്തി; മോഷണക്കേസില്‍ പ്രതി പിടിയില്‍

പൂച്ചകളെ മോഷ്ടിച്ച്, മുണ്ടിനുള്ളിലാക്കി പുറത്തുപോകുന്ന ദൃശ്യം സി.സി.ടി.വി. ക്യാമറയില്‍ പതിഞ്ഞിരുന്നു.

  • Share this:
    പാലാ: വളര്‍ത്തുമൃഗങ്ങളെ വില്‍ക്കുന്ന സ്ഥാപനം കുത്തിത്തുറന്ന് പേര്‍ഷ്യന്‍ ഇനത്തില്‍പ്പെട്ട മൂന്നു പൂച്ചകളെ മോഷ്ടിച്ച കേസില്‍ പ്രതി പിടിയില്‍. ഇടുക്കി കാര്‍കൂന്തല്‍ സ്വദേശി കളത്തൂര്‍ ലിജോ തങ്കച്ചന്‍ ആണ് പിടിയിലായത്.പച്ചാത്തോട് പെറ്റ്‌സ് പാര്‍ക്ക് എന്ന സ്ഥാപനത്തില്‍ മാര്‍ച്ച് 30-ന് രാത്രി 10.45-നാണ് പൂച്ചകളെ മോഷ്ടിച്ചത്. 27,000 രൂപയോളം വില വരുന്നതാണ് പൂച്ചകള്‍.

    പൂച്ചകളെ മോഷ്ടിച്ച്, മുണ്ടിനുള്ളിലാക്കി പുറത്തുപോകുന്ന ദൃശ്യം സി.സി.ടി.വി. ക്യാമറയില്‍ പതിഞ്ഞിരുന്നു. എന്നാല്‍ പ്രതി 24-ാം തീയതി ഭാര്യയേയും കുട്ടികളെയും കൂട്ടി ഈ സ്ഥാപനത്തില്‍ എത്തി ഒരു നായകുട്ടിയെ നല്‍കി മറ്റൊരു നായയെ വാങ്ങിയതായി കണ്ടെത്തി. തുടര്‍ന്ന് പോലീസ് നിരവധി സി.സി.ടി.വി. ദൃശ്യങ്ങള്‍ പരിശോധിച്ച് പ്രതിയെ തിരിച്ചറിയുകയായിരുന്നു.

    Also Read-Indecent exposure | കൊച്ചിയിലെ നഗ്നതാ പ്രദര്‍ശന കേസ്; ദൃശ്യം പ്രചരിപ്പിക്കാന്‍ വാട്സാപ്പ് ഗ്രൂപ്പ് ഉണ്ടാക്കി, പ്രതി ലൈംഗിക വൈകൃതത്തിന് അടിമ

    മോഷ്ടിച്ച മൂന്ന് പൂച്ചകളെയും പ്രതി ജോലി ചെയ്തിരുന്ന ഈരാറ്റുപേട്ടയിലുള്ള ഫാം ഹൗസില്‍നിന്നും കണ്ടെത്തി. പ്രതി മണിമല, കറുകച്ചാല്‍ പോലീസ് സ്റ്റേഷനുകളില്‍ വധശ്രമം, പോക്‌സോ കേസുകള്‍ ഉള്‍പ്പെടെ നിരവധി കേസുകളില്‍പ്രതിയാണ്. കറുകച്ചാലിലെ വധശ്രമ കേസില്‍ പ്രതിയെ അഞ്ചുവര്‍ഷം ശിക്ഷിച്ചിരുന്നു.

    Also Read-Arrest | പ്രണയാഭ്യര്‍ഥന നിരസിച്ച പെണ്‍കുട്ടിയെ ബസില്‍ നിന്ന് വലിച്ചിറക്കി മര്‍ദിച്ച യുവാവ് മയക്കുമരുന്നിനടിമയെന്ന് സൂചന

    എസ്.എച്ച്.ഒ. കെ.പി. തോംസണ്‍, എസ്.ഐ. അഭിലാഷ്, പോലീസ് ഉദ്യോഗസ്ഥരായ ബിജു കെ. തോമസ്, ഷെറിന്‍ സ്റ്റീഫന്‍, സി. രഞ്ജിത്ത് എന്നിവര്‍ ചേര്‍ന്നാണ് പ്രതിയെ പിടികൂടിയത്.
    Published by:Jayesh Krishnan
    First published: