ദുരിതാശ്വാസ തട്ടിപ്പ്: കൂടുതൽ സി പി എം  നേതാക്കൾക്ക്  പണം ലഭിച്ചിട്ടുള്ളതായി സൂചന

എറണാകുളത്തെ പ്രളയ ദുരിതാശ്വാസ തട്ടിപ്പിൽ കൂടുതൽ സി പി എം  നേതാക്കൾക്ക്  പണം ലഭിച്ചട്ടുള്ളതായി സൂചന. നേതാക്കളുടെ ബന്ധുക്കളുടെ അക്കൗണ്ടുകളിലേക്കാണ്  പണം കൈമാറിയത്. ഒന്നാം പ്രതിയും കലക്ടറേറ്റ് ജീവനക്കാരനുമായ വിഷ്ണു പ്രസാദിന്റെ അടുത്ത ബന്ധുവിന്റെ അക്കൗണ്ടിലേയ്ക്കും പണം എത്തി.

Also read-സിപിഎം നേതാവ് ഉൾപ്പെട്ട പ്രളയ ദുരിതാശ്വാസ തട്ടിപ്പ്: മുഖ്യ പ്രതി അറസ്റ്റിൽ

തൃക്കാക്കര കേന്ദ്രീകരിച്ചു പ്രവർത്തിക്കുന്ന മറ്റൊരു സി പി എം നേതാവിൻ്റെ ഭാര്യയുടെ അക്കൗണ്ടിലേക്കാണ് തുക എത്തിയത്. ഇവരുടെ ദേന ബാങ്കിൻ്റെ കാക്കനാട് ശാഖയിലെ അക്കൗണ്ടിൽ 2.5  ലക്ഷം രൂപയാണ് ദുരിതാശ്വാസ നിധിയിൽ നിന്നും എത്തിയത്. വിഷ്ണപ്രസാദിൻ്റെ അടുത്ത ബന്ധുവിൻ്റെ അക്കൗണ്ടിലും തുക കൈമാറി.

Related News ക്ലാർക്കിനും സിപിഎം നേതാവിനുമെതിരെ ജാമ്യമില്ലാ കേസ്  

കലക്ടറേറ്റിന് അകത്തു നിന്നും തട്ടിപ്പിന് സഹായം ലഭിച്ചിട്ടുണ്ടെന്ന സംശയവും അന്വേഷണ സംഘത്തിനുണ്ട്.  അതിനിടെ അറസ്റ്റ് ചെയ്ത വിഷ്ണു പ്രസാദിൻ്റെ വീട്ടിൽ ക്രൈം ബ്രാഞ്ച് പരിശോധന നടത്തി. തട്ടിപ്പിനെക്കുറിച്ച് സമഗ്ര അന്വേഷണം നടത്തണമെന്ന് മുൻ മന്ത്രി കെ. ബാബു ആവശ്യപെട്ടു. എന്നാൽ തട്ടിപ്പ് ബോധ്യപ്പെട്ടതിൻ്റെ അടിസ്ഥാനത്തിൽ അയ്യനാട് സഹകരണ ബാങ്ക് തന്നെയാണ് പരാതി നല്കിയതെന്ന് ബാങ്ക് പ്രസിഡൻ്റ് അഡ്വ.കെ.ആർ. ജയചന്ദ്രൻ പറഞ്ഞു.

Related News പ്രളയം ബാധിക്കാത്ത CPM നേതാവിന്റെ അക്കൗണ്ടിൽ എത്തിയത് പത്തര ലക്ഷം രൂപ; ഉദ്യോഗസ്ഥനെ സസ്പെൻഡ് ചെയ്ത് കളക്ടർ

പ്രളയ ഫണ്ട്‌ വിതരണത്തിലെ ക്രമക്കേട് ബോധ്യപ്പെട്ടതിനെ തുടർന്ന് കണക്കുകൾ  ഓഡിറ്റ് ചെയ്യണന്നൊവശ്യപ്പെട്ട്  ക്രൈം ബ്രാഞ്ച് കളക്ടർക്ക് കത്ത് നൽകിയട്ടുണ്ട്.

Related News പ്രളയം ഇല്ലാത്ത കാക്കനാട് ദുരിതാശ്വാസം അക്കൗണ്ടിൽ കിട്ടിയ സിപിഎം നേതാവിന് സസ്പെന്‍ഷൻ