• HOME
  • »
  • NEWS
  • »
  • crime
  • »
  • Murder Attempt |നവജാതശിശുവിന്റെ കണ്ണില്‍ കരിയെഴുതിയത് ഇഷ്ടപ്പെട്ടില്ല; ഭാര്യാമാതാവിന്റെ തലയടിച്ച് പൊട്ടിച്ചു; പിതാവിനെ വെട്ടി

Murder Attempt |നവജാതശിശുവിന്റെ കണ്ണില്‍ കരിയെഴുതിയത് ഇഷ്ടപ്പെട്ടില്ല; ഭാര്യാമാതാവിന്റെ തലയടിച്ച് പൊട്ടിച്ചു; പിതാവിനെ വെട്ടി

തടയാനെത്തിയ ഇവരുടെ ഭര്‍ത്താവിനെ പിച്ചാത്തികൊണ്ട് പുറത്തും വലതു കയ്യിലും വെട്ടിപ്പരിക്കേല്‍പ്പിച്ചു. ഇവരുടെ മൂത്തമകള്‍ക്കും മര്‍ദനമേറ്റു.

  • Share this:
    ശാസ്താംകോട്ട: ഭാര്യാപിതാവിനെയും മാതാവിനെയും കൊല്ലാന്‍ ശ്രമിച്ച കേസില്‍ യുവാവ് അറസ്റ്റില്‍. വേങ്ങ തുണ്ടില്‍ തെക്കതില്‍ ജയന്തി കോളനിയില്‍ അക്കുവെന്ന നാസിമി(22)നെയാണ് ശാസ്താംകോട്ട പോലീസ് പിടികൂടിയത്. ശനിയാഴ്ച വൈകീട്ട് അഞ്ചോടെയായിരുന്നു സംഭവം.

    നാസിമിന്റെ നവജാതശിശുവിന്റെ കണ്ണില്‍ കരിയെഴുതിയെന്ന് ആരോപിച്ചായിരുന്നു ആക്രമണം. ഇയാള്‍ ഭാര്യാമാതാവിനെ മര്‍ദിക്കുകയും അസഭ്യം പറയുകയും ചെയ്തു. തുടര്‍ന്ന് മണ്‍വെട്ടിയുടെ കൈയായി ഉപയോഗിക്കുന്ന ഇരുമ്പു പൈപ്പുകൊണ്ട് തലയടിച്ചു പൊട്ടിച്ചു. തടയാനെത്തിയ ഇവരുടെ ഭര്‍ത്താവിനെ പിച്ചാത്തികൊണ്ട് പുറത്തും വലതു കയ്യിലും വെട്ടിപ്പരിക്കേല്‍പ്പിച്ചു. ഇവരുടെ മൂത്തമകള്‍ക്കും മര്‍ദനമേറ്റു.

    ശാസ്താംകോട്ട എസ്.എച്ച്.ഒ. എ.അനൂപിന്റെ നേതൃത്വത്തില്‍ എസ്.ഐ.മാരായ എ.അനീഷ്, പ്രവീണ്‍ പ്രകാശ്, സലിം എന്നിവരടങ്ങുന്ന സംഘമാണ് പ്രതിയെ അറസ്റ്റു ചെയ്തത്.

    അമ്മയെ വീട്ടുമുറ്റത്തെ തൂണില്‍ കെട്ടിയിട്ടു ക്രൂരമായി മര്‍ദിച്ച് മകള്‍; തടയാനെത്തിയ പഞ്ചായത്തംഗത്തിന് നേരെയും ആക്രമണം

    കൊല്ലം: പത്തനാപുരത്ത് മകള്‍ അമ്മയെ വീട്ടുമുറ്റത്തെ തൂണില്‍ കെട്ടിയിട്ട് മര്‍ച്ചു. പത്തനാപുരം സ്വദേശി ലീലാമ്മയെയാണ് മകള്‍ ലീന മര്‍ദിച്ചത്. സംഭവത്തില്‍ ഇടപെട്ട വനിതാ പഞ്ചായത്ത് അംഗത്തിന് നേരെയും ആക്രമണം ഉണ്ടായി. വീട്ടില്‍ നിന്ന് പുറത്തേക്കിറങ്ങാന്‍ ശ്രമിച്ച അമ്മയെ ബലം പ്രയോഗിച്ച് അകത്തേക്ക് കയറ്റാന്‍ ശ്രമിക്കുന്നതിന്റെ ദൃശ്യങ്ങള്‍ പുറത്തുവന്നു.

    ഇന്നലെ വൈകുന്നേരമാണ് അമ്മയ്ക്ക് നേരെ മകളുടെ ക്രൂരമായി മര്‍ദിച്ചത്. പുറത്തേക്കിറങ്ങാന്‍ ശ്രമിച്ചതോടെ ലീലാമ്മയെ വീട്ടുമുറ്റത്തെ തൂണില്‍ മകള്‍ ലീന കെട്ടിയിടുകയായിരുന്നു. മര്‍ദനം കണ്ട് അയല്‍വാസികളാണ് ദൃശ്യങ്ങള്‍ പകര്‍ത്തിയത്. തടയാനെത്തിയ അയല്‍വാസികളെ ലീന അസഭ്യം പറയുന്നതും വിഡിയോയിലുണ്ട്.

    വീടിനുപുറത്തുകടക്കാനായി ശ്രമിക്കുന്ന അമ്മയെ മകള്‍ അകത്തേക്ക് വലിക്കുന്നതും ലീലാമ്മ ഗേറ്റില്‍ ഇറുക്കിപിടിച്ചിരിക്കുന്നത് ദൃശ്യങ്ങളില്‍ കാണാം. വീടിന്റെ ഉടമസ്ഥാവകാശവുമായി ബന്ധപ്പെട്ട് അമ്മയും മകളും തമ്മില്‍ ചില തര്‍ക്കങ്ങള്‍ ഉണ്ടായിരുന്നു.

    മകള്‍ തന്നെ നിരന്തരം മര്‍ദിക്കാറുണ്ടെന്ന് അമ്മ ലീലാമ്മ പറഞ്ഞു. സംഭവത്തില്‍ പത്തനാപുരം പൊലീസ് കേസെടുത്തു. പരാതി വന്നതോടെ ലീന ആശുപത്രിയില്‍ പ്രവേശിച്ചു. അമ്മയും ആശുപത്രിയിലാണ്.
    Published by:Sarath Mohanan
    First published: