കേരളത്തിലെ പത്തോളം മാധ്യമപ്രവർത്തകരിൽ നിന്ന് എൻഐഎ വിവരം തേടി; രാജ്യതാല്പര്യത്തിന് വിരുദ്ധമായ ഉള്ളടക്കത്തിന്റെ പേരിൽ

തിരുവനന്തപുരം/ കൊച്ചി: നിരോധിത സംഘടനകളുമായി ബന്ധപ്പെട്ട് രാജ്യതാല്പര്യങ്ങൾക്ക് വിരുദ്ധമായ ഉള്ളടക്കത്തിന്റെ പേരിൽ കേരളത്തിൽ പ്രവർത്തിക്കുന്ന പത്തോളം മാധ്യമപ്രവർത്തകരിൽ നിന്ന് ദേശീയ അന്വേഷണ ഏജൻസി (എൻഐഎ) വിവരം തേടി. കഴിഞ്ഞ ഒരാഴ്ചയിൽ ഏറെയായി കൊച്ചിയിലാണ് ഇത് സംബന്ധിച്ച് ഇവരുമായുള്ള കൂടിക്കാഴ്ചകൾ നടക്കുന്നത്. ഇനിയും വരുന്ന ദിവസങ്ങളിൽ കൂടുതൽ മാധ്യമ പ്രവർത്തകരെ എൻഐഎ ഉദ്യോഗസ്ഥർ കാണും എന്നാണ് അറിയുന്നത്. ഇതുമായി ബന്ധപ്പെട്ട കൂടുതൽ വിവരങ്ങൾ വെളിപ്പെടുത്താൻ അന്വേഷണ ഏജൻസികൾ ഉദ്യോഗസ്ഥർ തയാറായിട്ടില്ല.