പന്തീരങ്കാവ് യുഎപിഎ അറസ്റ്റ്; അലനും താഹയ്ക്കും എതിരെ എൻ.ഐ.എ കുറ്റപത്രം സമർപ്പിച്ചു

തിരുവനന്തപുരം: കോഴിക്കോട് പന്തീരാങ്കാവിൽ മവോ ബന്ധം ആരോപിച്ച് അറസ്റ്റു ചെയ്ത അലന്‍ ഷുഹൈബിനും താഹ ഫസലിനുമെതിതിരെ ദേശീയ അന്വേഷണ ഏജൻസി കുറ്റപത്രം സമര്‍പ്പിച്ചു. എറണാകുളം  പ്രത്യേക എന്‍.ഐ.എ കോടതിയിലാണ് കുറ്റപത്രം സമര്‍പ്പിച്ചത്.
BEST PERFORMING STORIES:പ്രവാസികളുടെ മടങ്ങിവരവ്; NORKA രജിസ്‌ട്രേഷന്‍ രണ്ടര ലക്ഷത്തിലേക്ക്[NEWS]Coronavirus LIVE Updates: ആഗോളതലത്തിൽ രോഗബാധിതരുടെ എണ്ണം 30 ലക്ഷം കടന്നു; ഇന്ത്യയിൽ 28,380 [NEWS]ബി.ആര്‍. ഷെട്ടിയുടെ അക്കൗണ്ടുകള്‍ മരവിപ്പിക്കാന്‍ യുഎഇ സെന്‍ട്രല്‍ ബാങ്ക് നിര്‍ദേശം; കടക്കെണിയിൽ എന്‍എംസി [NEWS]
2019 നവംബറിലാണ് മാവോയിസ്റ്റ് ബന്ധം ആരോപിച്ച് ഇരുവരെയും കേരള പൊലീസ് അറസ്റ്റ് ചെയ്തത്. ഇരുവരെയും കൂടാതെ ഒളിവിൽ കഴിയുന്ന സി.പി ഉസ്മാൻ(40) എന്നയാളെയും കുറ്റപത്രത്തില്‍ പ്രതി ചേര്‍ത്തിട്ടുണ്ട്. ഗൂഢാലോചന, നിയമവിരുദ്ധ പ്രവര്‍ത്തനം, നിരോധിത സംഘടയില്‍ പ്രവര്‍ത്തിച്ചു എന്നീ കുറ്റങ്ങള്‍ ചുമത്തിയാണ് കുറ്റപത്രം സമര്‍പ്പിച്ചിരിക്കുന്നത്.


പ്രതികളുടെ വീട്ടില്‍ നിന്ന് മാവോയിസ്റ്റ് ബന്ധം തെളിയിക്കുന്ന ലഘുലേഖകളും പെന്‍ഡ്രൈവറും കണ്ടെത്തിയതായും കുറ്റപത്രത്തിൽ പറയുന്നു. ഇരുവരും സിപിഐ മാവോയിസ്റ്റ് സംഘടനയിലെ അംഗങ്ങളായിരുന്നുവെന്നും രഹസ്യയോഗങ്ങള്‍ ചേര്‍ന്നിരുന്നതായും എൻ.ഐ.എ കണ്ടെത്തിയിട്ടുണ്ട്.

ഇരുവരെയും അറസ്റ്റ് ചെയ്ത് ആറ് മാസത്തിനു ശേഷമാണ്  കുറ്റപത്രം സമര്‍പ്പിക്കുന്നത്‌. പന്തീരാങ്കാവ് പൊലീസ് അന്വേഷിച്ച കേസ് പിന്നീട് എന്‍.എ.എയ്ക്ക് കൈമാറുകയായിരുന്നു.