Breaking: നിർഭയ കേസിൽ വധശിക്ഷ നാളെ നടക്കും; പ്രതികളുടെ ഹർജി തള്ളി

ന്യൂഡൽഹി: നിർഭയ കേസിൽ വധശിക്ഷ നാളെ രാവിലെ നടപ്പാക്കും. പ്രതിയായ മുകേഷ് സിങ് സമർപ്പിച്ച ഹർജി ഇന്ന് പട്യാല ഹൌസ് കോടതി തള്ളിയതോടെയാണിത്. വധശിക്ഷ റദ്ദാക്കണമെന്ന ഹർജി അഡീഷണൽ സെഷൻസ് ജഡ്ജി ധർമ്മേന്ദ്ര റാണയാണ് തള്ളിയത്. നേരത്തെ അക്ഷയ് സിങ്, പവൻ ഗുപ്ത എന്നിവർ സമർപ്പിച്ച രണ്ടാമത്തെ ദയാഹർജിയും രാഷ്ട്രപതി തള്ളിയിരുന്നു.

നാളെ രാവിലെ അഞ്ചരയ്ക്ക് തീഹാർ ജയിലിലാണ് നിർഭയ കേസ് പ്രതികളുടെ വധശിക്ഷ നടപ്പാക്കുന്നത്. കേസിലെ മുഖ്യപ്രതികളായ വിനയ് ശർമ്മ, പവൻ ഗുപ്ത, മുകേഷ് സിങ്, അക്ഷയ് സിങ് എന്നിവരെയാണ് വധശിക്ഷയ്ക്ക് വിധേയമാക്കുന്നത്.
You may also like:ഫിലിപ്പീൻസിൽ മലയാളി വിദ്യാർത്ഥികൾ ദുരിതത്തിൽ; എയർപോർട്ടിൽ നിന്നും പുറത്താക്കി [NEWS]COVID 19 | UAE റെസിഡൻസി വിസ ഉള്ളവർക്കും പ്രവേശിക്കാനാവില്ല; വിലക്ക് പ്രാബല്യത്തിൽ [NEWS]COVID 19| ചെറിയ പിഴവ് പോലും സ്ഥിതി വഷളാക്കും, ജാഗ്രത തുടരണം: മുഖ്യമന്ത്രി [PHOTOS]
വധശിക്ഷ നാളെത്തന്നെ നടപ്പാക്കാമെന്നും പ്രതികൾക്ക് നിയമപരമായ അവകാശങ്ങൾ ഒന്നും ബാക്കിയില്ലെന്നും പ്രോസിക്യൂട്ടർ നേരത്തെ കോടതിയെ അറിയിച്ചിരുന്നു. രണ്ട് പ്രതികളുടെ രണ്ടാമത്തെ ദയാഹർജിയും രാഷ്ട്രപതി തള്ളിയതോടെ നിയമപരമായി പ്രതികൾക്ക് ഉണ്ടായിരുന്ന എല്ലാ സാധ്യതകളും അവസാനിച്ചതായി നിയമവിദഗ്ദ്ധർ പറയുന്നു.

നിയമപരമായ അവകാശങ്ങൾ പരമാവധി ഉപയോഗിച്ച് ശിക്ഷ നടപ്പാക്കുന്നത് വൈകിപ്പിക്കാൻ പ്രതികൾക്ക് കഴിഞ്ഞു. ഈ ശ്രമങ്ങൾ ഇപ്പോഴും തുടരുന്നു. ഇതിന്‍റെ ഭാഗമായാണ് മുകേഷ് സിങ് രാഷ്ട്രപതിക്ക് രണ്ടാം ദയാഹർജി നൽകിയത്. ഇതുകൂടാതെ കേസിലെ മറ്റൊരു പ്രതിയായ അക്ഷയ് സിങിന്‍റെ ഭാര്യ ഔറംഗാബാദ് കോടതിയിൽ വിവാഹമോചന ഹർജി സമർപ്പിക്കുകയും ചെയ്തിരുന്നു.