• HOME
  • »
  • NEWS
  • »
  • crime
  • »
  • PALAKKAD CO OPERATIVE SOCIETY ROBBERY POLICE ARRESTS THE ACCUSED NAV TV

പാലക്കാട് ചന്ദ്രനഗർ സഹകരണ സൊസൈറ്റി കവർച്ച:  പ്രതി അറസ്റ്റിൽ

മഹാരാഷ്ട്ര സ്വദേശി നിഖിൽ അശോക് ജോഷിയാണ് പിടിയിലായത്

മഹാരാഷ്ട്ര സ്വദേശി നിഖിൽ അശോക് ജോഷിയാണ് പിടിയിലായത്

മഹാരാഷ്ട്ര സ്വദേശി നിഖിൽ അശോക് ജോഷിയാണ് പിടിയിലായത്

  • Share this:
പാലക്കാട് ചന്ദ്രനഗർ സഹകരണ സൊസൈറ്റിയിലെ കവർച്ചാ കേസിലെ പ്രതി അറസ്റ്റിൽ. മഹാരാഷ്ട്ര സ്വദേശി നിഖിൽ അശോക് ജോഷിയാണ് അറസ്റ്റിലായത്. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്. ജൂലൈ 24നാണ് ചന്ദ്ര നഗറിലെ സഹകരണ സൊസൈറ്റിയിൽ നിന്നും ഏഴരകിലോ സ്വർണ്ണവും 18000 രൂപയും മോഷണം പോയത്.

എഴുന്നൂറ്റമ്പതോളം വാഹനങ്ങളും നൂറ്റി ഇരുപതിലേറെ സിസിടിവി ദൃശ്യങ്ങളും പരിശോധിച്ച ശേഷമാണ് ചന്ദ്രനഗർ സൊസൈറ്റിയിലെ കവർച്ചാ കേസ് പ്രതിയെ പിടികൂടാനായത്.  മഹാരാഷ്ട്രയിലെ സത്താറയിലെ ഹോട്ടലിൽ നിന്നുമാണ് ഇയാളെ പിടികൂടിയതെന്ന് പാലക്കാട് എസ്പി ആർ വിശ്വനാഥ് പറഞ്ഞു. ഒരു മാസത്തോളം പാലക്കാട് താമസിച്ച്  ആസൂത്രണം ചെയ്താണ് ഇയാൾ കവർച്ച നടത്തിയിരുന്നതെന്ന് എസ്പി പറഞ്ഞു.കവർച്ച നടത്തുന്നതിനായി സംസ്ഥാനത്തെ സഹകരണ ബാങ്കുകളുടെ ഒരു പട്ടിക തന്നെ ഇയാൾ ശേഖരിച്ചിരുന്നു. ഏറ്റവും സെക്യൂരിറ്റി കുറഞ്ഞ ബാങ്ക് എന്ന രീതിയിലാണ് ചന്ദ്രനഗർ സൊസൈറ്റി തെരഞ്ഞുടുത്തത്. കവർച്ചയ്ക്ക് ശേഷം ആഡംബര ജീവിതം നയിക്കുകയാണ് ഇയാളുടെ രീതിയെന്നും എസ്പി പറഞ്ഞു.

മോഷണമുതൽ മഹാരാഷ്ട്രയിലെ വിവിധ വ്യക്തികൾക്ക് വിറ്റതായി ഇയാൾ മൊഴി നൽകി.  ഇന്ന് കോടതിയിൽ ഹാജരാക്കിയ ശേഷം പ്രതിയെ തെളിവെടുപ്പിനായി കസ്റ്റഡിയിൽ വാങ്ങും.
ജൂലൈ  26 തിങ്കളാഴ്ച രാവിലെ ബാങ്ക് തുറക്കാനെത്തിയ ജീവനക്കാരാണ് കവർച്ച നടന്ന വിവരം അറിഞ്ഞത്.  മൂന്നു ദിവസത്തെ അവധിക്കുശേഷമാണ് തിങ്കളാഴ്ച ബാങ്ക് തുറന്നത്. തുടർന്ന് പോലീസ് സ്ഥലത്തെത്തി അന്വേഷണം നടത്തുകയായിരുന്നു.

ബാങ്കിലെ അലാറവും, CCTV യും പ്രതി നശിപ്പിച്ചു. വൈദ്യുതി ബന്ധം വിഛേദിച്ച ശേഷം പ്രതി ബാറ്ററിയിൽ പ്രവർത്തിക്കുന്ന ഡ്രില്ലറും , ഹൈഡ്രോളിക് കട്ടറും ഉപയോഗിച്ചാണ് അതിവിദഗ്ദമായി കവർച്ച നടത്തിയത്. കവർച്ചക്കു ശേഷം CCTV യുടെ DVR പ്രതി കൊണ്ടു പോവുകയായിരുന്നു.

യാതൊരു തെളിവും അവശേഷിപ്പിക്കാതെ വളരെ ബുദ്ധിപരവും, വിദഗ്ദ്ധവുമായാണ് പ്രതി കവർച്ച ആസൂത്രണം ചെയ്തത്. ഇത് അന്വേഷണത്തിൻ്റെ പ്രാരംഭ ഘട്ടത്തിൽ പോലീസിനെ വലച്ചു.
തുടർന്ന് പാലക്കാട് ജില്ലാ പോലീസ് മേധാവി R. വിശ്വനാഥ് IPS ൻ്റെ നേതൃത്വത്തിൽ പാലക്കാട് ഡാൻസാഫ് സ്ക്വാഡ് ഉൾപ്പെടെ 20 അംഗ അന്വേഷണ സംഘത്തിന് രൂപം നൽകി അന്വേഷണം ഊർജ്ജിതമാക്കുകയായിരുന്നു.

പാലക്കാട് DySP  ശശികുമാർ , ആലത്തൂർ DySP ദേവസ്യ , കസബ ഇൻസ്പെക്ടർ രാജീവ്, മീനാക്ഷിപുരം ഇൻസ്പെക്ടർ മാത്യൂസ്, കസബ SI അനീഷ്, കൊല്ലങ്കോട് SI ഷാഹുൽ എന്നിവരുടെ നേതൃത്വത്തിൽ 15 ഓളം ഡാൻസാഫ് സ്ക്വാഡ് അംഗങ്ങളും സംഘത്തിൽ പങ്കാളികളായി.പ്രാഥമിക ഘട്ടത്തിൽ KSEB, BSNL എന്നിവരുടെ സഹായത്തോടെ സംഭവ ദിവസവും, സമയവും നിശ്ചയിക്കാൻ കഴിഞ്ഞത് അന്വേഷണത്തിൻ്റെ മുന്നോട്ടുള്ള പ്രയാണത്തിൽ ചവിട്ടുപടിയായി. വൈദ്യുതി ബന്ധം വിഛേദിച്ച സമയം 24 ശനി രാത്രി 9.30 നും 10 നും ഇടയിലാണെന്ന് കണ്ടെത്തി. അതേ സമയം തന്നെ ഇൻറർനെറ്റ് ബന്ധവും വിഛേദിച്ചതായി കണ്ടെത്തി.

തുടർന്ന് അന്വേഷണ സംഘത്തെ വിവിധ ടീമുകളാക്കി പാലക്കാട് മുതൽ കോയമ്പത്തൂർ , തൃശൂർ, മലപ്പുറം  വരെയുള്ള വിവിധ ലോഡ്ജുകൾ, CCTV കാമറകൾ, MVD കാമറകൾ എന്നിവ പരിശോധിച്ചു. കൂടാതെ മുൻകാലങ്ങളിൽ സമാന കുറ്റകൃത്യങ്ങളിൽ ഏർപ്പെട്ട കുറ്റവാളികളുടെ വിവരം ശേഖരിക്കുകയും, വിവിധ ജില്ലകളിലെയും, സംസ്ഥാനങ്ങളിലെയും പോലീസുമായി ബന്ധപ്പെട്ട് വിവരങ്ങൾ ശേഖരിക്കുകയും ചെയ്തു.കൂടാതെ സൈബർ സെല്ലിൻ്റെ സഹായത്തോടെ നിരവധി മൊബൈൽ നമ്പരുകൾ പരിശോധിക്കുകയും ചെയ്തു.

ഒടുവിൽ സംഭവ സ്ഥലത്തിൽ നിന്നും ഏകദേശം അര കിലോമീറ്റർ മാറിയുള്ള C C TV കാമറയിൽ രാത്രി പതിഞ്ഞ ഒരു നിഴൽ രൂപമാണ് കേസിന് തുമ്പുണ്ടാവാൻ വഴിത്തിരിവായത്. ആ നിഴലിനെ പിന്തുടർന്ന് പുറകോട്ട് നടത്തിയ അന്വേഷണത്തിൽ കൂടുതൽ നിർണ്ണായക വിവരങ്ങൾ പോലീസിനു ലഭിച്ചു. പ്രതി വന്ന വാഹനവും, പ്രതി താമസിച്ച വിവിധ ലോഡ്ജുകളും പോലീസ് കണ്ടെത്തി. തുടർന്ന് നടത്തിയ അന്വേഷണത്തിൽ പ്രതി സംഭവത്തിനു ശേഷം കാറിൽ കേരളത്തിൽ നിന്നും മഹാരാഷ്ട്രയിലേക്ക്  പോയതായി കണ്ടെത്തി.

പ്രതി സഞ്ചരിച്ച പാതയിലൂടെ പിന്തുടർന്ന് പോയ പോലീസ് സംഘം മഹാരാഷ്ട്രയിലെത്തി. തുടർന്ന് പ്രതിയുടെ താവളമന്വേഷിച്ച് നാസിക്, പൂന, സത്താറ എന്നിവിടങ്ങളിൽ നടത്തിയ അന്വേഷണങ്ങൾക്കൊടുവിൽ സത്താറയിലുള്ള ഒരു ആഡംഭര ഹോട്ടലിൽ നിന്നും വളരെ സാഹസികമായാണ്  പ്രതിയെ വലയിലാക്കിയത്. പ്രതി കേരളത്തിലേക്ക് വന്ന ഇന്നോവ കാറും പോലീസ് കസ്റ്റഡിയിലെടുത്തു.തുടർന്ന് പ്രതിയെ പാലക്കാട് കസബ സ്റ്റേഷനിലെത്തിച്ച് വിശദമായി ചോദ്യം ചെയ്തതിൽ പ്രതി കുറ്റം സമ്മതിക്കുകയായിരുന്നു.

മോഷ്ടിച്ച സ്വർണ്ണം പ്രതി സത്താറയിൽ വില്പന നടത്തിയതായി പോലീസിനോട് പറഞ്ഞു. S.I. S.ജലീൽ, T. R. സുനിൽകുമാർ, സുരേഷ് കുമാർ,  ജോൺസൺ ലോബോ, റഹിം മുത്തു, ഉവൈസ് കമാൽ, P. S. നൗഷാദ് ,C.S സാജിദ്, R. കിഷോർ, R. K. കൃഷ്ണദാസ്,  U.സൂരജ് ബാബു,K. അഹമ്മദ് കബീർ, R. വിനീഷ്, R. രാജീദ്, K. ദിലീപ്, S. ഷനോസ്, S.ഷമീർ, മണികണ്ഠ ദാസ്, S.സമീർ, സൈബർ സെൽ ഉദ്യോഗസ്ഥൻ വിനീത്, ഡ്രൈവർ SCPO ബ്രീസ് എന്നിവരടങ്ങിയ സംഘമാണ് കേസ് അന്വേഷണ സംഘത്തിൽ ഉണ്ടായിരുന്നത്.
Published by:Naveen
First published:
)}