• HOME
  • »
  • NEWS
  • »
  • crime
  • »
  • Sexual Abuse | വീട്ടമ്മയെ വിവാഹവാഗ്ദാനം നൽകി പീഡിപ്പിച്ചു; പള്ളിയിലെ ഉസ്താദിനെതിരെ കേസ്

Sexual Abuse | വീട്ടമ്മയെ വിവാഹവാഗ്ദാനം നൽകി പീഡിപ്പിച്ചു; പള്ളിയിലെ ഉസ്താദിനെതിരെ കേസ്

ഏര്യം, കൂട്ടുപുഴ, മാനന്തവാടി എന്നിവടങ്ങളില്‍ എത്തിച്ചാണ് പള്ളിയിലെ ഉസ്താദ് തന്നെ ലൈംഗികമായി ചൂഷണം ചെയ്തതെന്ന് യുവതി നൽകിയ പരാതിയിൽ പറയുന്നു

പ്രതീകാത്മക ചിത്രം

പ്രതീകാത്മക ചിത്രം

  • Share this:
    കണ്ണൂര്‍: വിവാഹം കഴിക്കാമെന്ന് വാഗ്ദാനം നല്‍കി വീട്ടമ്മയെ ലൈംഗികമായി പീഡിപ്പിച്ച (Sexual Abuse) സംഭവത്തിൽ പള്ളിയിലെ ഉസ്താദിനെതിരെ പൊലീസ് കേസെടുത്തു. കണ്ണൂർ (Kannur) ജില്ലയിലെ പരിയാരം ഏര്യം ആലക്കാട് ഫാറൂഖ് നഗറിലെ അബ്ദുല്‍ നാസര്‍ ഫൈസി ഇര്‍ഫാനിക്കെതിരെ(36) ആണ് പൊലിസ് കേസെടുത്തത്. ഇയാൾക്കെതിരെ ലൈംഗിക പീഡനത്തിന് ഇരയായ യുവതി പൊലീസിൽ പരാതി നൽകുകയായിരുന്നു.

    2021- ഓഗസ്റ്റ് ഒന്നിനും 2022 മാര്‍ച്ച്‌ ഒന്നിനും ഇടയില്‍ ഏര്യം, കൂട്ടുപുഴ, മാനന്തവാടി എന്നിവടങ്ങളില്‍ എത്തിച്ചാണ് പള്ളിയിലെ ഉസ്താദ് തന്നെ ലൈംഗികമായി ചൂഷണം ചെയ്തതെന്ന് യുവതി നൽകിയ പരാതിയിൽ പറയുന്നു. വിവാഹം കഴിക്കാമെന്ന് വാഗ്ദാനം നൽകിയാണ് വിവിധ സ്ഥലങ്ങളിൽ മുറിയെടുത്ത് തന്നെ പീഡിപ്പിച്ചെതന്നും പരാതിയിൽ യുവതി ആരോപിക്കുന്നു. പരിയാരം പൊലീസിലാണ് യുവതി പരാതി നൽകിയത്. വിവാഹിതനായ പ്രതി ഏര്യത്ത് വെച്ചു പരിചയപ്പെട്ട യുവതിയോട് താന്‍ പുനര്‍വിവാഹം കഴിക്കാമെന്ന് പറഞ്ഞു പ്രണയത്തിലാവുകയും പിന്നീട് ഇവരെ പ്രലോഭിപ്പിച്ച് ഇരുവരും നാട് വിടുകയായിരുന്നു.

    ഇതോടെ ഉസ്താദിന്‍റെ ഭാര്യയും വീട്ടമ്മയുടെ ഭർത്താവും പൊലീസിൽ പരാതി നൽകി. ഇതേത്തുടർന്ന് പൊലീസ് കേസെടുത്തതോടെ ഉസ്താദും വീട്ടമ്മയും പൊലീസ് സ്റ്റേഷനിലെത്തുകയും, തങ്ങൾ ഇരുവരും ഒരുമിച്ച് ജീവിക്കാൻ തീരുമാനിച്ചതായും അറിയിച്ചു. ഇതോടെ ഇരുവരെയും പൊലീസ് വിട്ടയയ്ക്കുകയും ചെയ്തു. എന്നാൽ അടുത്തിടെ അബ്ദുല്‍ നാസര്‍ ഫൈസി ഇര്‍ഫാനി തന്നെ വഞ്ചിച്ചതായും വിവാഹവാഗ്ദാനത്തിൽ പിൻമാറിയെന്നും ചൂണ്ടിക്കാട്ടിയാണ് യുവതി പൊലീസിൽ പരാതി നൽകിയത്. ഫൈസി ഇര്‍ഫാനി തന്നെ ഉപേക്ഷിച്ച് കടന്നുകളഞ്ഞതായും ഇവർ ആരോപിക്കുന്നു.

    പ്രായപൂർത്തിയാകാത്ത മകളെ പീഡിപ്പിച്ച് ഗർഭിണിയാക്കി; പിതാവിന് 60 വർഷം കഠിനതടവ്

    ആലപ്പുഴ: പ്രായപൂര്‍ത്തിയാകാത്ത മകളെ ലൈംഗികമായി പീഡിപ്പിച്ച്​ ഗര്‍ഭിണിയാക്കിയ കേസില്‍ പിതാവിന് 60 വര്‍ഷം കഠിനതടവും മൂന്നുലക്ഷം രൂപ പിഴയും വിധിച്ചു. ആലപ്പുഴ സ്​പെഷല്‍ കോടതി ജഡ്​ജി എ. ഇജാസാണ്​ ശിക്ഷ വിധിച്ചത്​. കേസിൽ ഒരു ലക്ഷം രൂപ പിഴയും ബലാത്സംഗം ചെയ്​തതിന്​ 20 വര്‍ഷം തടവും​ മകളായതിനാല്‍ വേറെ 20 വര്‍ഷം തടവും ഒരു ലക്ഷം രൂപ പിഴയും ഗര്‍ഭിണിയാക്കിയതിന് മറ്റൊരു 20 വര്‍ഷം തടവും ഒരുലക്ഷം രൂപ പിഴയും ചേര്‍ത്ത് പോക്സോ നിയമപ്രകാരമാണ് 60 വര്‍ഷം കഠിനതടവും മൂന്നുലക്ഷം പിഴയും വിധിച്ചത്. പിഴത്തുക കുട്ടിക്ക്​ നല്‍കാനും ഉത്തരവുണ്ട്​. ശിക്ഷാ കാലാവധി ഒരുമിച്ച്‌ 20 വര്‍ഷം അനുഭവിച്ചാല്‍ മതിയെന്നും കോടതി നിർദേശിച്ചിട്ടുണ്ട്.

    2020ല്‍ കായംകുളം പൊലീസ്​ സ്റ്റേഷന്‍ പരിധിയിലാണ്​​​ കേസിനാസ്​പദമായ സംഭവം നടന്നത്. ശാരീരിക അസ്വസ്ഥതയെത്തുടര്‍ന്ന്​ ആശുപത്രിയില്‍ ചികിത്സ തേടിയ സമയത്താണ്​ കുട്ടി ഗര്‍ഭിണിയാണെന്ന് വ്യകതമായത്. ഇതേത്തുടർന്ന് വിവരം ആശുപത്രി അധികൃതർ പൊലീസിൽ അറിയിച്ചു​. കേസെടുത്ത് അന്വേഷണം ആരംഭിച്ച പൊലീസ് പെൺകുട്ടിയിൽ നിന്ന് മൊഴിയെടുക്കാൻ ശ്രമിച്ചപ്പോൾ പിതാവാണ് പീഡിപ്പിച്ചതെന്ന വിവരം മറച്ചുവെച്ചു. പകരം മറ്റൊരാളുടെ പേര് കുട്ടി പറയുകയും ചെയ്തു​.

    എന്നാൽ കുട്ടി പറഞ്ഞ ആളല്ല പീഡിപ്പിച്ചതെന്ന് അന്വേഷണത്തിൽ പൊലീസിന് വ്യക്തമായി. മാതാവും ബന്ധുക്കളും കേസിനോട്​ സഹകരിക്കാതിരുന്നതും തിരിച്ചടിയായി. ഒടുവിൽ ശാസ്ത്രീയമായ അന്വേഷണത്തിനൊടുവിലാണ് കുട്ടിയുടെ പിതാവാണ് പീഡിപ്പിച്ചതെന്ന് പൊലീസ് കണ്ടെത്തിയത്. തുടർന്ന് കുട്ടിയുടെ പിതാവിനെ പൊലീസ് അറസ്റ്റ് ചെയ്യുകയും ചെയ്തു.

    കേസിൽ വളരെ വിശദമായ കുറ്റപത്രമാണ് അന്വേഷണ സംഘം സമർപ്പിച്ചത്. വളരെ വേഗത്തിൽ വിചാരണയിലേക്ക് കടന്ന കേസിൽ 21ലധികം സാക്ഷികളും ശാസ്ത്രീയ പരിശോധനഫലം ഉള്‍പ്പെടെ ആസ്​പദമാക്കിയാണ്​ കോടതി വിധിന്യായത്തില്‍ എത്തിയത്​. പ്രോസിക്യൂഷനുവേണ്ടി സ്​പെഷല്‍ പബ്ലിക്‌ പ്രോസിക്യൂട്ടര്‍ എസ്. സീമ ഹാജരായി.
    Published by:Anuraj GR
    First published: