നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • ട്രെയിനിൽ രാജ്‌മോഹന്‍ ഉണ്ണിത്താന്‍ എം പിയെ അസഭ്യം പറഞ്ഞ രണ്ട് പേര്‍ക്കെതിരെ കേസ്

    ട്രെയിനിൽ രാജ്‌മോഹന്‍ ഉണ്ണിത്താന്‍ എം പിയെ അസഭ്യം പറഞ്ഞ രണ്ട് പേര്‍ക്കെതിരെ കേസ്

    മദ്യമിച്ച് ട്രെയിനില്‍ എത്തിയ രണ്ട് പേര്‍ എം പിയോട് മോശമായി പെരുമാറുകയായിരുന്നു.

    • Share this:
      കണ്ണൂര്‍: ട്രെയിനില്‍ വെച്ച് രാജ് മോഹന്‍ ഉണ്ണിത്താന്‍ എം പിയെ അസഭ്യം പറഞ്ഞ രണ്ട് പേര്‍ക്കെതിരെ കേസ്. എം പി നല്‍കിയ പരാതിയുടെ അടിസ്ഥാനത്തിലാണ് കേസെടുത്തിരിക്കുന്നത്.

      മദ്യമിച്ച് ട്രെയിനില്‍ എത്തിയ രണ്ട് പേര്‍ എം പിയോട് മോശമായി പെരുമാറുകയായിരുന്നു. മാവോലി എക്‌സ്പ്രസിലാണ് സംഭവം നടക്കുന്നത്. എം പിക്ക് ഒപ്പം എന്‍ നെല്ലിക്കൂന്ന് എം എല്‍ എ ഉള്‍പ്പെടെ ഉള്ളവര്‍ ഉണ്ടായിരുന്നു.

      ഒരു പ്രകോപനവും ഇല്ലാതെ മദ്യമിച്ചെത്തിയവര്‍ അസഭ്യം പറയുകയായിരുന്നു എന്ന് രാജ് മോഹന്‍ ഉണ്ണിത്താന്‍ എം പി പറഞ്ഞു. ആര്‍ പി എഫാണ് എം പിടെ പരാതിയില്‍ കേസെടുത്തിരിക്കുന്നത്.

      സ്ത്രീകളെ അപഹസിച്ച് പ്രാങ്ക് വീഡിയോ; അശ്ലീല ചേഷ്ടകൾ കാട്ടിയ യൂട്യൂബർ അറസ്റ്റിൽ

      പൊതുസ്ഥലങ്ങളിൽ സ്ത്രീകളെ ശല്യം ചെയ്തും അപഹസിച്ചും പ്രാങ്ക് വീഡിയോ ചിത്രീകരിച്ച് യൂട്യൂബിൽ അപ്ലോഡ് ചെയ്തയാൾ അറസ്റ്റിൽ. എറണാകുളം ചിറ്റൂർ റോഡ് സ്വദേശി ആകാശ് സൈമൺ മോഹൻ എന്നയാളാണ് അറസ്റ്റിലായത്. എറണാകുളം നോർത്ത് പൊലീസാണ് ആകാശ് സൈമൺ മോഹനെ അറസ്റ്റ് ചെയ്തത്. സ്ത്രീകളെ ശല്യം ചെയ്തത് ഉൾപ്പടെയുള്ള വകുപ്പുകൾ ഇയാൾക്കെതിരെ ചുമത്തിയിരുന്നു. ഇയാളെ പിന്നീട് ജാമ്യത്തിൽ വിട്ടു.

      എറണാകുളം കച്ചേരിപ്പടിയിൽ വീഡിയോ ചിത്രീകരിക്കുന്നതിനിടെയാണ് പൊലീസ് സ്ഥലത്തെത്തി ആകാശ് സൈമൺ മോഹനെ അറസ്റ്റ് ചെയ്തത്. വീഡിയോ ചിത്രീകരിക്കുന്നതിനിടെ സ്ത്രീകളോട് അശ്ലീല ചേഷ്ടകളും ആംഗ്യവും കാണിച്ചതായും മോശമായി സംസാരിച്ചെന്നും പരാതി ഉയർന്നതോടെയാണ് അറസ്റ്റെന്ന് പൊലീസ് പറയുന്നു. വില്ലൻ ഹഹ് എന്ന യൂട്യൂബ് ചാനലിലാണ് ഇയാൾ വീഡിയോ അപ്ലോഡ് ചെയ്തിരുന്നത്.

      സ്ത്രീകളെ അപമാനിക്കുന്ന തരത്തിലുള്ള വീഡിയോ യൂട്യൂബ് ചാനലിൽനിന്ന് നീക്കം ചെയ്യാൻ നടപടികൾ ആരംഭിച്ചതായി പൊലീസ് പറഞ്ഞു. വീഡിയോ ചിത്രീകരണത്തിൽ സഹായികളായി നിന്ന സുഹൃത്തുക്കളെ കുറിച്ച് പൊലീസ് അന്വേഷിക്കുന്നുണ്ട്. ഇതിനോടകം സ്ത്രീകളെ അപഹസിക്കുന്ന ആറ് വീഡിയോകൾ ഇയാളുടെ ചാനലിൽ ഉണ്ടെന്നും പൊലീസ് പറഞ്ഞു.

      നഴ്‌സിന് അശ്ലീലസന്ദേശം അയച്ച സർക്കാർ സ്‌കൂളിലെ പ്രധാനാധ്യാപകനെ നാട്ടുകാര്‍ ക്ലാസ് മുറിയിലിട്ട് മർദിച്ചു. കര്‍ണാടക ബെലഗാവിയിലെ സര്‍ക്കാര്‍ പ്രൈമറി സ്‌കൂള്‍ പ്രധാനാധ്യാപകനായ സുരേഷ് ചാവലാഗിയെയാണ് നാട്ടുകാര്‍ സംഘം ചേര്‍ന്ന് മര്‍ദിച്ചത്. സ്‌കൂളിലെത്തി ക്ലാസ്മുറിയില്‍ പൂട്ടിയിട്ടായിരുന്നു മര്‍ദനം. പ്രാഥമിക ആരോഗ്യകേന്ദ്രത്തിലെ നഴ്‌സായ യുവതിക്ക് സുരേഷ് അശ്ലീല സന്ദേശങ്ങള്‍ അയച്ചെന്ന് ആരോപിച്ചാണ് നാട്ടുകാര്‍ ഇയാളെ മര്‍ദിച്ചത്.

      സംഭവം ഇങ്ങനെ- രണ്ടാഴ്ച മുമ്പ് സ്‌കൂളില്‍ കോവിഡ് വാക്‌സിന്‍ കുത്തിവെയ്പ്പ് നടത്തിയിരുന്നു. ഈ സമയത്താണ് പ്രധാനാധ്യാപകന്‍ നഴ്‌സില്‍നിന്ന് മൊബൈല്‍ നമ്പര്‍ ചോദിച്ചുവാങ്ങിയത്. ചില അധ്യാപകര്‍ക്ക് കുത്തിവെയ്പ്പ് ക്യാമ്പില്‍ പങ്കെടുക്കാനായില്ലെന്നും ഇവര്‍ എത്തിയാല്‍ വിവരം കൈമാറാനെന്നും പറഞ്ഞാണ് നമ്പര്‍ വാങ്ങിയത്. ഇതിനുപിന്നാലെ പ്രധാനാധ്യാപകന്‍ നിരന്തരമായി അശ്ലീല സന്ദേശങ്ങള്‍ അയച്ചെന്നാണ് നഴ്‌സിന്റെ പരാതി.

      അധ്യാപകന്‍ നഴ്‌സിന് അശ്ലീല സന്ദേശങ്ങള്‍ അയക്കുന്നതറിഞ്ഞതോടെ നാട്ടുകാര്‍ വിഷയത്തില്‍ ഇടപെടുകയായിരുന്നു. തുടര്‍ന്ന് കഴിഞ്ഞദിവസം ഒരു സംഘമാളുകള്‍ സ്‌കൂളിലേക്ക് ഇരച്ചെത്തുകയും അധ്യാപകനെ ക്ലാസ്മുറിയില്‍ പൂട്ടിയിട്ട് മര്‍ദിക്കുകയും ചെയ്തു. സംഭവമറിഞ്ഞതോടെ പൊലീസും സ്ഥലത്തെത്തി.
      Published by:Jayashankar AV
      First published:
      )}