പൊലീസുകാരെ തടഞ്ഞുവെച്ച് പോക്സോ കേസ് പ്രതിയെ ബന്ധുക്കള്‍ മോചിപ്പിച്ചു; 10 പേർക്കെതിരെ കേസ്

പത്തനംതിട്ട: കോട്ടൂരില്‍ പോക്സോ കേസ് പ്രതിയെ പൊലീസ് ഉദ്യോഗസ്ഥരെ തടഞ്ഞുവെച്ച് മോചിപ്പിച്ച് ബന്ധുക്കൾ. പതിനഞ്ചു വയസുകാരിയെ പീഡിപ്പിച്ചെന്ന കേസിലായിരുന്നു പ്രതിയെ പൊലീസ് കസ്റ്റഡിയിലെടുത്തത്. കൊല്ലം കുന്നിക്കോട് എസ്ഐയുടെ നേതൃത്വത്തിലുള്ള സംഘമായിരുന്നു പ്രതിയെ കസ്റ്റഡിയിലെടുത്തത്.

രണ്ടാം ഭാര്യയുടെ പതിനഞ്ച് വയസുള്ള മകള്‍ക്കെതിരെയായിരുന്നു അതിക്രമം. ഇവർ പരാതിപ്പെട്ടതോടെ പൊലീസ് കേസെടുത്തിരുന്നു. ഈ മാസം 23 നായിരുന്നു സംഭവം നടന്നത്. മഫ്തിയിലെത്തിയ പൊലീസ് ഉദ്യോഗസ്ഥർ പ്രതിയെ കസ്റ്റഡിയിലെടുത്തു. മഫ്തിയിലെത്തിയവരെ കണ്ടപ്പോൾ പ്രതിയെ തട്ടിക്കൊണ്ടുപോകാൻ എത്തിയവരെന്നാണ് വിചാരിച്ചതെന്ന് ബന്ധുക്കൾ പറയുന്നു.

Also Read-കോഴിക്കോട് 15 കാരിയെ പീഡിപ്പിച്ച യുവാവിനെ പെൺകുട്ടിയുടെ ബന്ധുക്കൾ തട്ടിക്കൊണ്ടുപോയി മർദിച്ചു; നില ഗുരുതരം

പൊലീസ് എത്തിയ സ്വകാര്യ വാഹനം തടഞ്ഞാണ് ഇവർ പ്രതിയെ മോചിപ്പിച്ചത്. പ്രതിയെ കാറിൽ കയറ്റിയതിന് പിന്നാലെ സ്ത്രീകളും പുരുഷന്മാരും അടങ്ങുന്ന സംഘം ഓടിയെത്തി ബലമായി കാറിൽ നിന്ന് ഇയാളെ പുറത്തിറക്കുകയായിരുന്നു. ഇതിനിടെ പ്രതി ഓടിരക്ഷപ്പെടുകയും ചെയ്തു.

Also Read-രണ്ടു പെണ്‍മക്കളെ പീഡിപ്പിച്ച അച്ഛന് ഇരട്ട ജീവപര്യന്തം; പീഡനവിവരം വെളിപ്പെടുത്തിയത് അമ്മയുടെ മരണത്തിന് പിന്നാലെ

പെണ്‍കുട്ടിയുടെ മുത്തശ്ശി നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്തത്. പൊലീസുകാരെ തടഞ്ഞുവെച്ച് പ്രതിയെ മോചിപ്പിച്ചതിന് പത്തുപേർക്കെതിരെ കേസ് എടുത്തു.